ASTANA. 30 qańtar. Elimizdiń birqatar óńirinde qar jaýyp, burqasyn bolady dep kútilýde. Bul týraly «qazgıdromet» málimetterine silteme jasaǵan egemen.kz tilshisi habarlady.
Islandııadan bastalyp, Arktıka teńizderine qaraı jyljyǵan sıklonnyń Qazaqstandaǵy aýa raıyna kúshti áseri bolady dep kútilýde. Sonymen qatar, osy sıklonnyń atmosferalyq aýmaǵynda turǵan Respýblıka aımaqtaryna Atlantıkadan jyly ári dymqyl aýa birge kelmek.
Demalys kúnderi barlyq oblystarda jyly aýanyń áserinen qar jaýyp, burqasyn bolady jáne batystan soqqan jeldiń jyldamdyǵy 15-20, keı jerlerde sekýndyna 25 metrge deıin jetedi, aýa temperatýrasy joǵarylaıdy dep kútilýde. Ońtústik jáne ońtústik shyǵysta qar jaýady, keı jerlerde jeldiń jyldamdyǵy sekýndyna 15−25 metrge jetedi, tuman túsip, kóktaıǵaq bolady, alaıda bul aımaqtarda temperatýra tómendeıdi degen boljam jasalyp otyr. Atyraý oblysynda boran soǵyp, tuman túsedi, kóktaıǵaq bolady, jeldiń jyldamdyǵy sekýndyna 15 – 20 metrge deıin barady. Jambyl, Qyzylorda oblystarynda tuman, kóktaıǵaq, jeldiń jydamdyǵy sekýndyna 15−20 metr. Mańǵystaý oblysynyń keı jerlerinde de tuman, kóktaıǵaq, túnde jel ekpini sekýndyna 15−20 metrge deıin jetedi. Aqtóbe oblysynda jel sekýndyna 15−20 metrge deıin kúsheıedi. Aqmola oblysynda baıaý jel soǵady dep kútilýde.
Almaty oblysynda tuman túsedi. Qaraǵandy oblysynyń keı jerlerinde túnde, tańerteń tuman bolady, kúndiz jeldiń jyldamdyǵy sekýndyna 15−20 metr bolady dep kútilýde. Ońtústik Qazaqstan oblysynyń keı jerlerinde tuman túsip, kóktaıǵaq bolady. Qostanaı men Batys Qazaqstan oblystarynyń keı jerleri tumandy. Shyǵys Qazaqstannyń keıbir aımaqtaryna túnde, tańerteń tuman túsedi.
Almatyda kún ala bultty, tuman túsip, arasynda azdaǵan qar jaýady. Aýa temperatýrasy túnde 5-7 gradýs, kúndiz 1-3 gradýs nólden tómen. Sol sekildi Astanada kún ala bultty, túnde selsıı baǵamy boıynsha, aýa temperatýrasy túnde −18-20 gradýs, kúndiz -10 gradýsqa deıin tómendeıdi dep kútilýde.
Aıan Ábdýálı.
Derek: Qazgıdromet.
Sýret: khabar.kz.