ALMATY. 31 qańtar. Almatydaǵy Jastar teatrynda «Bir túp alma aǵashy» dramasy anshlagpen ótip jatyr. Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń jańa qoıylymy kórermender kóptep baratyn spektakalderdiń qataryna qosyldy. Bul týraly egemen.kz tilshisi habarlady.
Qazaqstan Respýblıkasynyń eńbek sińirgen artısi, talantty rejısser Murat Ahmanovtyń kezekti jumysy teatr qaýymdastyǵynyń kóńilinen shyqty. Murat Ahmanov buǵan deıin birneshe spektakldi osy teatrdyń tórinde sahnalap, sátti pesalardyń rejısseri atanǵan bolatyn.
Álimbek Orazbekovtiń dramatýrgııalyq shyǵarmasyna qoıylyp jatqan spektakl teatrdyń jas akterlerin ǵana emes, Qazaqstan Respýblıkasynyń eńbek sińirgen artısi Gúljamal Qazaqbaeva, Qazaqstannyń halyq artısi Roza Áshirbekova, Qazaqstannyń eńbek sińirgen qaıratkeri Sá Raqyshev, Qazaqstannyń eńbek sińirgen qaıratkeri Raıhan Qalıoldına sııaqty sahna sańlaqtaryn kórermenderimen qaıta qaýyshtyrdy.
Premerasy júrip jatqan sahnalyq qoıylymda Qazaqstan jastar odaǵy «Serper» syılyǵynyń laýreaty Áset Imanǵalıev, Qýanysh Turdalın, «Daryn» Memlekettik syılyǵynyń laýreaty Rahman Omarov, Erbol Sadyrbekov syndy ónerdiń bel balasyna aınalyp úlgergen jandardyń oıyny kórermender kóńilinen shyǵýda.
Qol arbaǵa tańylyp, múgedektiktiń taqsyretin tartqan Maqsat rólin Darhan Súleımenov, Áset Úmbetbaev sııaqty juldyzy janyp kele jatqan jastar sátti somdaýda.
Aınash Esalı.
Derek, sýret: egemen.kz.