PETROPAVL. 1 aqpan. Soltústik Qazaqstan oblysy Qyzyljar aýdandyq soty jumys berýshiden jumysshylardyń jınalyp qalǵan eńbekaqy bereshegin óteýdi mindettedi. Bul týraly oblystyq sottyń baspasóz qyzmetine silteme jasaǵan egemen tilshisi habarlady.
«Bıshkýlskaıa semenovodcheskaıa stansııa» JShS-nen mańdaı ter aqylaryn ala almaı júrgen jumysshylar sotqa júginýge májbúr boldy. Jalaqymen qosa moraldyq shyǵyndy óndirýdi de talap etti.
Sotta anyqtalǵandaı, talapkerler jeke eńbek sharty negizinde óz mindetterin tolyq oryndaǵanyna qaramastan, kásiporyn eńbekaqy tóleýden bas tartqan. Aýdandyq sot jumysshylardyń talaptaryn qanaǵattandyryp, olardyń paıdasyna 1 275 341 teńge kóleminde eńbekaqy qaryzyn óndirip berý jóninde sheshim shyǵardy. Moraldyq shyǵyndy óteý talaby ishinara qanaǵattandyryldy.
О́mir Esqalı.
Derek, sýret: Soltústik Qazaqstan oblystyq sottyń baspasóz qyzmeti.