QARAǴANDY. 1 aqpan. Qaraǵandynyń «Shahter» fýtbol klýbynyń atqarýshy dırektory Vladımır Nıdergaýs qyzmetinen ketti. Bul týraly klýbtyń baspasóz qyzmetine silteme jasaǵan egemen.kz tilshisi habarlady.
Al búgin kenshiler komandasynyń atqarýshy dırektory qyzmetine Asqar Ábildaev taǵaıyndaldy. Osyǵan deıin ol Qazaqstan fýtbol federasııasynyń buqaralyq fýtbol departamentin basqarǵan. Sondaı-aq, tártiptik-baqylaý komıtetiniń tóraǵasy da boldy.
Asqar Ábildaev belgili fýtbolshy. «Shahterdiń» quramynda oınap, elimizdiń tańdaýly shabýylshylarynyń biri boldy. Qazaqstannyń chempıony (1992) jáne el kýbogynyń ıegeri atanǵan.
2008-2010 jyldary osy «Shahterdiń» atqarýshy dırektory qyzmetin atqarǵan. Ábildaev basqarǵan kezde «Shahter» el chempıonatynyń qola júldegeri atandy (2009). Eki ret Qazaqstan kýbogynyń fınalyna shyqty (2009, 2010).
Qaırat Ábildınov.
Derek: «Shahter» fýtbol klýbynyń baspasóz qyzmeti.
Sýret: prosport.business.kz.