Bul týraly «Nur Otan» partııasynyń Ortalyq apparatynda ótken brıfıng barysynda partııa Tóraǵasynyń birinshi orynbasary Asqar Myrzahmetov málimdedi.
«Nur Otan» partııasynyń Respýblıkalyq saılaýaldy shtabynyń quramyna tanymal partııa jáne qoǵam qaıratkerleri, partııanyń Saıası keńesiniń músheleri kirgenin aıtty. О́tken saılaý naýqandaryna qatysyp, mol tájirıbe jınaqtaǵan azamattarmen qatar, shtab quramyna jastar uıymdarynyń belsendi ókilderi de kirgen. Partııa Tóraǵasy Nursultan Nazarbaevtyń tapsyrmasymen «Nur Otannyń» saılaýaldy shtabyn Asqar Myrzahmetov basqardy.
Partııa Tóraǵasynyń birinshi orynbasary, sondaı-aq, partııanyń kezekten tys XVII sezinde Parlament Májilisiniń depýtattary saılaýyna arnalǵan partııalyq tizim bekitilip, jańa saılaýaldy baǵdarlamanyń qabyldanǵanyn eske saldy.
«Shtab jumysynyń mindeti – «Nur Otan» partııasynyń parlamenttik jáne máslıhattar saılaýlarynda aıqyn jeńisine qol jetkizý», – dedi A.Myrzahmetov.
Onyń aıtýynsha, «Nur Otan» partııasy bıliktegi basymdyqqa ıe jáne jaýapkershiligi mol saıası kúsh retinde óz saılaýaldy baǵdarlamasynda jańa úderisterge jaýap beretin jáne birlik, turaqtylyq pen jasampazdyqty qamtamasyz etýge baǵyttalǵan Elbasy anyqtap bergen memlekettik baǵdardy júzege asyrý jónindegi alǵa qoıylǵan maqsattarǵa qol jetkizý úshin naqty mejelerdi belgiledi.
Búgingi tańda partııada túrli áleýmettik toptarǵa jatatyn turǵyndarmen naqty is-qımyl jospary ázirlenip, respýblıkalyq jelilik kestesi qabyldanyp, medııalyq jospar bekitildi.
Elimizdiń barlyq óńirlerinde senimdi ókilder men partııa belsendileriniń jumysyn úılestiretin dál osyndaı sıpattaǵy 16 aımaqtyq jáne 208 aýmaqtyq shtab qurylmaq. Olardyń quramyna 3,5 myńnan asa adam kiredi. Barlyq shtabtardyń jumysyna 29 myńnan astam senimdi ókil, sondaı-aq, 27 myńnan astam partııa belsendileri qatysatyn bolady.
Sáýlebek BIRJAN.