Keshe «Nur Otan» partııasynyń Ortalyq apparatynda «Nur Otan» partııasynyń XVII sezinde Prezıdent Nursultan Nazarbaev qoıǵan Qazaqstandy damytý máseleleri» taqyrybynda dóńgelek ústel ótti. Shara barysynda partııanyń atalǵan sezinde aıtylǵan Elbasynyń bastamalary jan-jaqty talqylandy.
Jıynǵa qatysqan partııa hatshysy Farhad Qýanǵanov búgingi shıelenisken jahandyq ahýalǵa baılanysty bar álem tyǵyryqtan shyǵar jol izdeýge májbúr bolyp otyrǵanyn aıtty. Osy rette ol Prezıdenttiń sezde jasaǵan baıandamasy elimiz úshin damýdyń dara jolynan adastyrmaıtyn mańyzdy qujat ekenine nazar aýdardy. Bul jóninde F.Qýanǵanov:
– Memleket basshysy sezde sóılegen sózinde dál qazir álemdik qaýymdastyqqa ekonomıkalyq, valıýtalyq jáne mıgrasııalyq daǵdarystar qaýip tóndirip turǵanyna toqtaldy. Osy qaýymdastyqtyń múshesi retinde Qazaqstan da sol qaýip-qaterdi sezinýde. Degenmen, Elbasynyń birlikke, tatýlyqqa jáne yntymaqtastyqqa negizdelgen sarabdal saıasaty elimizde turaqtylyq pen ósimniń saqtalýyna, sondaı-aq, jasampazdyqtyń mańyzdy áleýetiniń qalyptasýyna kepil bolyp otyr. Sondyqtan Nursultan Nazarbaevtyń tikeleı bastamasymen qolǵa alynǵan «Qazaqstan-2050», «Nurly Jol» baǵdarlamalary men «100 naqty qadam» Ult Jospary reformasy partııanyń saılaýaldy tuǵyrnamasyna negiz boldy. О́ıtkeni, atalǵan memlekettik baǵdarlamalarda eldi daǵdarystan aman alyp shyǵýdyń naqty tetikteri qarastyrylyp, elimizdiń maqsat-múddesi aıqyndalǵan. Iаǵnı, bul bastamalar kúrdeli synaqtarǵa berilgen laıyqty jaýap, – dedi.
Sonymen qatar, is-sharada sóz alǵan Halyqaralyq túrki akademııasynyń áleýmettik-ekonomıkalyq zertteýler ortalyǵynyń meńgerýshisi Qaıyrbek Arystanbekov búgingi ekonomıkalyq jaǵdaıdyń tehnologııalyq qurylymdaryna nazar aýdardy.
– Bizdiń ortalyq halyqaralyq tájirıbege súıenip, qazirgi daǵdarystan shyǵýdyń joldaryn tabý maqsatynda qoǵamnyń damý kezeńderimen baılanysty tehnologııalyq qurylymdardy zerttep kórdi. Osy rette álemdik ekonomıkanyń órleýi men quldyraýyn bildiretin Kondratev sıkline aıryqsha toqtaldyq. Álem boıynsha bul sıkldi tereń zerdelegen belgili mamandar bar. Solardyń qatarynda halqymyzdyń kórnekti ǵalymy, oıshyl Ahmet Baıtursynulynyń da bolǵanyn maqtanyshpen aıtamyz. Atap aıtqanda, 1913 jyly A.Baıtursynov osy máselege qatysty zertteý jumystaryn júrgizip, qoǵamnyń ekonomıkalyq damýynyń 6 satysyn anyqtap bergen. Solardyń ishinde, mashına jasaý salasyna erekshe mán berip, ony el ekonomıkasynyń qarqynyn kúsheıtetin basty qural retinde ataǵan, – degen Q.Arystanbekov daǵdarystan shyǵýdyń bir joly osyndaı zertteýler nátıjelerin júıeli túrde júzege asyrýdy qamtamasyz etý ekenin aıtty.
О́z kezeginde, «Nur Otan» partııasy Qoǵamdyq saıasat ınstıtýty dırektorynyń orynbasary Vladımır Telnov Ult Jospary men bes ınstıtýttyq reformaǵa negizdelgen qaıta qurýlar tarıhı mindetter keshenine qol jetkizetin torapty jol bolyp tabylatynyn jetkizdi. Al ekonomıst Qanat Ospanov «Nurly Jol» baǵdarlamasy Qazaqstan úshin daǵdarysqa qarsy saıasat turǵysynan da, eldiń strategııalyq ınfraqurylymyn qurý turǵysynan da asa mańyzdy ekenin, sol sebepti, atalǵan baǵdarlamany tıimdi iske asyrý úshin jobalyq basqarý ádisterin engizý qajettigin atap ótti.
Odan bólek, sharaǵa qatysýshylar daǵdarysqa qarsy turaqtandyrý jospary, ekonomıkany qurylymdyq jańǵyrtý, agrarlyq sektordy damytýǵa qatysty máselelerdi talqylady. Pikirtalas barysynda bes ınstıtýttyq reforma sheńberinde Ult Josparyn odan ári jáne partııanyń saılaýaldy baǵdarlamasyn iske asyrý boıynsha konstrýktıvti usynystar aıtyldy. Aıqyndalǵan strategııalyq bastamalardy júzege asyrýdyń arqasynda Qazaqstannyń óz memlekettigin nyǵaıtyp, damýdyń jańa deńgeıine shyǵýyna múmkindik alatyny jaıly sarapshylardyń oıy bir jerden shyqty.
Elaman QOŃYR,
«Egemen Qazaqstan».