Elbasy – «Nur Otan» partııasynyń Tóraǵasy Nursultan Nazarbaevtyń partııa
sezindegi baıandamasy týraly otandastarymyzdyń ortaq oıy osyndaı
Záýre JÚSIPOVA, Astana qalasyndaǵy №59 mektep-lıseıiniń dırektory, Astana qalalyq máslıhatynyń depýtaty: – Men 2009 jyldan beri «Nur Otan» partııasynyń múshesimin. Partııamyzdyń elimizdi damytýǵa, halqymyzdyń áleýmettik jaǵdaıyn kóterýge baılanysty atqaryp otyrǵan jumysy óte aýqymdy. Táýelsizdigimizdiń tuǵyrly bolýyna laıyqty úlesin qosyp kele jatqan bizdiń uıymnyń aldynda úlken mindetter tur. Ol partııamyzdyń osy sezinde qabyldanǵan saılaýaldy baǵdarlamasynda atap kórsetilgen. Menińshe, buǵan deıin de el kóńilinen shyǵyp kelgen partııa aldaǵy ýaqytqa belgilengen mindetterdi óz deńgeıinde oryndaıdy dep senemin. Sezd barysynda Elbasy Nursultan Nazarbaev elimiz boıynsha atqarylyp jatqan qyrýar jumystardy, sondaı-aq, alda turǵan mindetterdi naqtylap aıtyp berdi. Budan biz elimizdiń durys jolmen kele jatqanyn kóre alamyz. Bul oraıda bizdiń partııamyz óz jumysyn salıqaly túrde júrgize beredi dep oılaımyn. Marat TOIаSOV, «Nur Otan» partııasy Batys Qazaqstan oblysy Qaztalov aýdandyq fılıaly tóraǵasynyń birinshi orynbasary: – «Nur Otan» partııasynyń HVII cezinen jaqsy áser aldym. О́ıtkeni, osynaý alqaly jıynda Táýelsiz elimizdiń búgini men erteńi turǵysynda kóptegen máseleler aıtyldy. Ásirese, Elbasy Nursultan Nazarbaevtyń sóılegen sózi kóptiń kóńilinen shyqty. Jalpy, sezde elimizdiń ekonomıkalyq damýyna, halqymyzdyń turmysyn odan ári jaqsarta túsýge qatysty jaǵdaıattardyń keńirek qamtylǵany partııamyzdyń negizgi maqsat-múddesin uǵyndyra túskendeı. Sondaı-aq, partııamyzdyń daýysqa salý nátıjesinde qabyldanǵan saılaýaldy baǵdarlamasynda oryndy máselelerdiń tereńdeı qamtylýy kóńilge jylylyq uıalatty. Qoryta aıtqanda, bizdiń partııamyz óziniń aldaǵy ýaqytta atqaratyn jumystaryn óz deńgeıinde pysyqtap aldy. Endi aýyzbirshilikpen alǵa jyljýymyz kerek. О́mirzaq MELDEHANOV, «Nur Otan» partııasy Shymkent qalalyq fılıalynyń tóraǵasy: – «Nur Otan» partııasynyń HVII seziniń ótýin elimiz úshin úlken oqıǵa dep esepteımin. О́ıtkeni, sezde eldik múdde, kemel keleshek jóninde jaqsy aıtyldy. Barshamyz kýá bolǵandaı, Elbasy Nursultan Nazarbaev alqaly jıyn barysynda memleketimizdiń aldynda turǵan aýqymdy mindetterdi taǵy bir pysyqtap, qaı baǵytpen júrýimiz kerek ekenin naqtylap berdi. Jalpy, sezd joǵary deńgeıde ótti. Ásirese, jıyn barysynda biraýyzdan qabyldanǵan partııanyń saılaýaldy baǵdarlamasy keleshekke degen senimimizdi nyǵaıta tústi dep esepteımin. Baǵdarlamada halyqtyń áleýmettik jaǵdaıyna qatysty máselelerge basymdyq berilgen. Bul óz kezeginde «Nur Otan» partııasynyń el aldyndaǵy jaýapkershiligin arttyra túsedi dep oılaımyn. Elimizdiń mańdaıaldy partııasy osy baǵytynan jańylmaı, Otanymyzdyń odan ári kórkeıýine atsalysa beredi dep senemin. Jańbyrbaı DÁRIBAEV, «Nur Otan» partııasy Q.Sátbaev qalalyq fılıaly tóraǵasynyń birinshi orynbasary: – Mańyzdy sheshimder qabyldanǵan partııamyzdyń XVII cezine qatysqanyma óte qýanyshtymyn. Sezd barysynda «Nur Otan» partııasynyń halyqqa jaqyn, tuǵyry berik uıym ekeni taǵy bir dáleldendi. Jıynda el kútken sóz aıtyldy. Memleket basshysy, partııa Tóraǵasy Nursultan Nazarbaevtyń eldikke shaqyrǵan, yntymaq pen birlikti tý etip, alǵa jyljýǵa úndegen sózi kóńil terbetti. Sezde qaralǵan máseleler tek partııa úshin ǵana emes, elimiz úshin de mańyzdy ekeni daýsyz. Meniń oıymsha, partııa óz aldyna qoıǵan mindetin abyroımen oryndap shyǵady. О́ıtkeni, bizdiń partııamyzdyń elmen etene jumys isteýde tájirıbesi mol. Bul – «Nur Otan» partııasynyń basty erekshelikteriniń biri. Ásel JANDÁÝLETOVA, «Jas Otan» jastar qanatynyń múshesi: – О́zim «Astana-Opera» teatrynda kórermenderge qyzmet kórsetý departamentiniń dırektory bolyp isteımin. Sezde «Nur Otan» partııasynyń atynan, menińshe, eń laıyqty adamdar kandıdattyqqa usynyldy dep oılaımyn. Sonyń ishinde, Bekbolat Tileýhan, Qaırat Nurtas sııaqty ánshiler de bar. Men olardyń depýtat bolýyna tilektespin. Parlamentte óner adamdarynyń bolǵany óte mańyzdy. О́ıtkeni, salanyń problemalaryn olar jaqsy biledi. Sonymen qatar, men Prezıdent N.Nazarbaevtyń sózinen úlken áser aldym. Onyń Qazaqstanda tapqan baılyqtaryńdy elimizdiń damýy úshin osynda ınvestısııa retinde salyp, jekeshelendirý nysandaryn satyp alyńdar dep olıgarhtarǵa arnaǵan sózi unady. Eger patrıottyq sezimderi bolsa, olar osydan keıin ózderiniń qarajattaryn elimizdiń ekonomıkasyna quıar degen úmittemin. Serik SÁPIEV, Olımpıada chempıony: – Bes ınstıtýttyq reforma sheńberinde «100 naqty qadam» Ult Josparyn júzege asyrý arqyly elimizdiń órkendeýine jol salý kerektigin Elbasy erekshe mindet etip aldymyzǵa qoıyp otyr. Osy turǵydan kelgende, partııa osy bes baǵyt boıynsha naqty qadamdar jasap, alda turǵan kúrdeli de mańyzdy máselelerdi sheshýge bar kúsh-jigerin salatyny aıtpasa da túsinikti. Eger men depýtattyqqa usynylyp jatsam, árıne, qolymnan kelgenniń barlyǵyn jasaımyn. Ásirese, sportqa qatysty zańnamalardy jetildirýge atsalysatyn bolamyn. Atap aıtqanda, buqaralyq sport túrlerin damytýǵa, sonyń ishinde jasóspirimder sportyn jetildirýge kúsh salar edim. Qazirgi kezdiń ózinde eldiń bolashaǵy jarqyn bolýy úshin qolymnan kelgen jumystardy atqarý ústindemin. Baqytjan ERTAEV, general-leıtenant, Halyq Qaharmany: – Bul shyn máninde tarıhı oqıǵa boldy. «Nur Otan» partııasy – bizdiń elimizdegi eń bedeldi, eń yqpaldy saıası uıym, Elbasynyń partııasy. Sondyqtan, onyń qabyldaǵan sheshimderiniń halqymyz úshin mańyzy zor. Búgin álem úlken saıası jáne ekonomıkalyq daǵdarysta tur. Onyń bizge tıgizip jatqan keleńsiz áseri de jetkilikti. Bizge Elbasy da ony únemi aıtyp otyrady. Osyndaı qıyndyqtan da elimiz birtutas bolyp, «bir jaǵadan bas, bir jeńnen qol shyǵarǵan» berik birlikpen ǵana shyǵa alady. Elbasy Nursultan Nazarbaevtyń janyna toptasyp, monolıtti birlikte bolsaq qana qıyndyqtardy jeńemiz. «Nur Otan» partııasy da eldi osy jolǵa bastap otyr. Sezdegi Elbasynyń sózi de negizinen osy baǵytta órbidi. Bizge, eń bastysy, tynyshtyq, eldiń qaýipsizdigi kerek. Bizdiń áskerı áleýetimiz ony saqtaýǵa qabiletti. Biz terrorızm sııaqty keleńsiz qubylystardy tunshyqtyrýǵa daıynbyz. Shárban TAIMÝLLINA, Petropavl qalasyndaǵy bilim qyzmetkerleri birlestigi «Nur Otan» partııasy bastaýysh uıymynyń hatshysy: – Men HVII sezd sheshimderiniń halqymyzdyń ál-aýqatyn arttyrýǵa tıgizetin yqpaly kóp bolady dep oılaımyn. Elbasy N.Nazarbaev bizdegi qymbatshylyqtardyń negizi joq ekenin aıtty. О́ıtkeni, shıkizattardyń bári teńgege ózimizdiń ishimizden alynady. Endeshe, dollar qymbattady eken dep óndirisshiler óz taýarlaryn nege qymbattatýy kerek? – Prezıdenttiń bilim salasy qyzmetkerleriniń aldyna qoıyp otyrǵan talaptary óte oryndy. Biz bilikti urpaq tárbıelep, bilimdi jastar ósirýde belsendi qyzmet etýge tıispiz. Bizdiń bastaýysh uıymymyzdyń qyzmetkerleri bul talapty qoldaıdy jáne bıik tabystarǵa jetý jolynda jan aıamaı eńbektenýde. Bıyl eńbekaqymyz da kóterilip, qatty qýanyp qaldyq. Endi tek eńbegimizdi eseleı berýimiz kerek. Mahsetbaı SERIKBAEV, partııanyń Aqmola oblysy Egindikól aýdandyq fılıaly tóraǵasynyń birinshi orynbasary: – Búgin álemde kúrdeli jaǵdaı qalyptasyp otyr. Ekonomıkalyq jaǵynan basqa eldermen tyǵyz qarym-qatynas ornatqan Qazaqstanǵa da onyń áseri bar. Áıtse de, elimizde daǵdarysty eńserýge baılanysty sharalar qabyldanyp, «100 naqty qadam» Ult Josparyn júzege asyrý boıynsha jumystar júrgizilýde. Memleket tarapynan júzege asyrylyp jatqan reformalar osynyń dáleli. Parlament Májilisiniń kezekten tys saılaýyn ótkizý de daǵdarys kezindegi qabyldanǵan tıimdi sheshimniń biri boldy. «Nur Otan» partııasynyń saılaýaldy baǵdarlamasy «Qazaqstan-2021. Birlik! Turaqtylyq! Jasampazdyq!» dep atalýy bekerden beker emes. О́ıtkeni, birligimiz myqty bolyp, turaqtylyq qanatyn jaıǵanda ǵana jasampazdyqqa qol jetkize alamyz. Oǵan qalyptasqan alǵysharttar jetkilikti. «Nur Otan» partııasy osy saılaýaldy baǵdarlamasynda atalǵan ýaqyt aralyǵynda eldiń damýyna qosatyn óziniń qadaý-qadaý isterin aıqyndady. Árbir óńirden kelgen delegattar partııanyń kezekten tys sezinde qozǵalǵan ózekti máselelerdi sheshý joldaryn jergilikti jerdegi halyqqa jan-jaqty jetkizip, ony nasıhattaý isine belsene kirisedi. Qysqasy, bul partııamyzdyń saılaýaldy baǵdarlamasynda kózdelgen baǵyttardy oryndaýǵa partııa músheleri jumyla atsalysady degen sóz. Jalpyultty jumyldyrýshy partııaǵa aınalǵan «Nur Otan» aldaǵy saılaýda halyqtyń senimine ıe bolatyny sózsiz. О́ıtkeni, jahandyq qaýip-qaterge qarsy partııa saılaýaldy baǵdarlamasynda óziniń naqty is-qımyl josparyn usynyp otyr. Zamanaýı tıimdi memlekettik apparatty qalyptastyrý, zańnyń ústemdik qurýy, «Nurly Jol» jańa ekonomıkalyq saıasaty – bulardyń bári de saılaýshylardy «qazaqstandyq armanǵa bastaıtyn jol». Endeshe, bul jolǵy saılaýda da «Nur Otan» partııasynyń bási joǵary bolady dep esepteımin. Mıhaıl LABÝKOV, «Imstalkon» zaýytynyń dırektory: – Partııa quryltaıynda biraz másele qamtyldy. Qazirgi jahandyq deńgeıde oryn alǵan qıyndyqtardy qalaı eńserýge bolatyny partııanyń aldyna úlken mindet retinde júkteldi. Árıne, saılaýda tańdaý qaı partııaǵa túsetinin halyqtyń ózi sheshedi. Biz óz qatarymyzǵa halyq senimine laıyqty degen kandıdattarymyzdy usyndyq. Biz saılaýdan keıingi kezeńde úlken ózgerister bolady degen úmittemiz. Halyqaralyq jaǵdaı shıelenisken myna zamanda birdeńe deý qıyn. Biraq ta munaı men ózge de shıkizattarǵa degen baǵanyń quldyraýyna qaramastan, jaqsylyqtar kútemiz jáne ony óz qolymyzben jasaýǵa tyrysamyz. Qazaqstandyqtardyń kópshiligi de sondaı pikirde degen senimdemin. Saılaýdy aldyn ala ótkizý týraly sheshim qabyldaǵan Elbasy baǵytymyzdyń durys ekenin kórsetip qana qoımaı, sonymen birge, depýtattar korpýsyn jańartý arqyly reformalardy tereńdete túsý búgingi kún tártibinde turǵan birinshi kezekti másele ekenin uǵyndyrǵandaı boldy. Tımýr KÝDRATILLAEV, «Jas Otan» JQ múshesi, stýdent: – «Nur Otan» partııasynyń kezekten tys quryltaıyna Elbasy, partııa Tóraǵasy Nursultan Ábishuly Nazarbaevtyń sózin tyńdaý úshin ádeıi kelgen bolatynbyz. О́ıtkeni, qazir elimizdiń aldynda úlken ister kútip tur. Onyń ústine, myna álemdi sharpyǵan daǵdarysty eńserý úshin de nendeı usynystar aıtylady eken degen oımen de keldik. Bizder, stýdentter qaýymy úshin bul óte qyzyqty da qyzǵylyqty. Qazir men ózim «Jas Otan» jastar qanatynyń quramyndamyn. Onyń ústine, ýnıversıtet qabyrǵasynda oryn alyp jatqan kóptegen is-sharalarǵa qatysyp, ózimizdiń tulǵa retinde qalyptasýymyzǵa kúsh salýdamyz. Saıasatqa tereń boılamasaq ta, Elbasynyń júrgizip kele jatqan saıasatynyń durystyǵyna záredeı de kúmánimiz joq. О́ıtkeni, kóptegen kúrdeli kezeńderden súrinbeı ótip kele jatqanymyzdyń sebebi de osy dep bilemin.