Qazaqstan aýmaǵy arqyly Qytaı – Iran baǵytynda tuńǵysh konteınerlik poıyz jiberildi
Ivý qalasynda (Shyǵys Qytaı, Chjeszıan provınsııasy) Qazaqstan aýmaǵy arqyly Iranǵa tranzıttik konteınerlik poıyzyn jóneltý saltanaty ótkizildi, dep habarlady «QTJ» UK» AQ-tyń baspasóz qyzmeti.
Saltanatty sharaǵa Ivý qalasynyń meri Shen Szıý Pın men Qytaı temirjol ákimshiliginiń basshylary, «Qazaqstan temir joly» UK» AQ Translnvest Group halyqaralyq logıstıkalyq holdınginiń ókilderi qatysty.
Jańa konteınerlik baǵyt Qytaı, Qazaqstan, Túrikmenstan, Iran temirjoldary ákimshilikteriniń birlesken uıymdastyrý sharalarynyń nátıjesinde júzege asyryldy. Bul joba Shyǵys Qytaıdan Parsy shyǵanaǵy elderine júkterdi jedel jetkizýge arnalǵan alǵashqy logıstıkalyq sheshim bolyp tabylady.
Poıyz baǵyty Qytaı temirjoly, Alashańqaı – Dostyq shekaralyq beketi, Qazaqstannyń jańa temirjol jelisi (Jezqazǵan – Beıneý, О́zen – Bolashaq), ári qaraı Túrikmenstan jelisimen Irannyń Tehran qalasyn jalǵaıdy.
Poıyz quramy aralas júkter tıelgen 40 fýttyq konteınerlerden turady. Baǵyttyń jalpy uzyndyǵy 9 myń shaqyrymnan astam. Temirjolmen júk 10 táýlik júrse, osy aralyqty teńiz arqyly 25-30 kún júredi.
Qazaqstannyń jańa kóliktik-logıstıkalyq ınfraqurylymy baǵytty barynsha qysqartyp, júkti jetkizý merzimin jedeldetip, Eýrazııa qurlyǵyndaǵy aımaqtyq saýdanyń serpindi damýyna oń yqpal etedi.
Konteınerlik tasymaldy damytý elimizdiń tranzıttik áleýetin eseleı arttyryp, básekelestikke qabilettiligin de kótere túsedi.