pedagogıkalyq ýnıversıtettiń stýdenti bolyp júr
Novosibir oblysy, Kýıbyshev qalasyndaǵy musylman uıymynyń basshysy, zeınetker Hasan Gızatýllın joǵary oqý ornyndaǵy birinshi kýrsyn bitirip tastap, ekinshisiniń sabaqtaryn bastap ketti.
Imam ótken jazda Novosibir pedagogıkalyq ýnıversıtetiniń jergilikti fılıalyna oqýǵa túsken edi. Ol jaqynda birinshi kýrstyń túıindi kýrs jumysyn sátti tapsyrypty. Aqsaqal pedagogıkalyq ýnıversıtetke oqytýshylarǵa jańa talaptar qoıyla bastaýyna baılanysty kelipti. Jasy jetpisten asqan qarııa, álbette, toptaǵy eń eresek stýdent bolyp tabylady. Hasan haziret jasynda Sibir avtojoldary ınstıtýtyn kásibı ınjener retinde bitirgen. Zeınetke shyqqasyn jergilikti kolledj ben avtomektepke oqytýshy bolyp ornalasypty. Biraq, óziniń aıtýynsha, qazirgi zamanǵy talaptarǵa sáıkes, oqytýshynyń tek profıldi mamandyq ıesi ǵana emes, sonymen qatar, pedagogıkalyq bilimi bolýy kerek. Sol sebepti taǵy da stýdent bolýyna týra kelgen.
Imam-stýdent endi oqý baǵdarlamasyn qysqa merzim ishinde aıaqtap shyǵýǵa nıetti de, múddeli de bolyp otyr. Qazir ol ekinshi kýrstyń sabaqtaryna kirisken. Aqsaqal óziniń tapqan-taıanǵan jalaqylary men zeınetaqysyn ıslamdy damytýǵa, meshitti ustap turýǵa jumsaıdy eken. Al meshit úshin óziniń jeke úıin bosatyp beripti.
Budan basqa, Hasan abyı Qazandaǵy Reseı ıslam ýnıversıtetinde syrttaı bilim alyp júr. Ol buǵan budan birneshe jyl buryn túsken eken. Kezinde bir sebeptermen oqýdy tastap ketipti. Al jaqynda zeınetker ondaǵy oqýyn da jalǵastyrypty.
Murat AITQOJA.