Forým taqyryby – Táýelsizdik

Taıaýda QazGZÝ gýmanıtarlyq zań kolledji negizinde Astana qa­la­sy mektepteri men kásiptik-tehnı­ka­lyq oqý oryndarynyń tarıh, áleý­mettik-ekonomıkalyq jáne quqyq­tyq pánder oqytýshylarynyń Táýel­sizdiktiń 25 jyldyǵyna arnalǵan «Qazaqstan Respýblıkasy: tarıhı damý tájirıbesi jáne taǵylymy» atty II qalalyq forýmy ótti. Forýmdy ótkizý maqsaty joǵary oqý oryndary, kolledj jáne mektep oqytýshylarynyń ǵylymı-zertteý múmkindikterin keńeıtý jáne Qazaqstan Respýblıkasynyń qalyptasýy men damýynyń kezeńderi jaıly bilimderin arttyrý, sonymen qatar, bilim berý mekemelerinde tarıh, áleýmettik-ekonomıkalyq jáne quqyqtyq pánderdi oqytýda sabaqtastyq tájirıbesimen almasý bolyp tabylady. Forým sheńberinde «Jasaı ber, táýelsiz Qazaqstan!» taqyrybynda ǵylymı ádebıetter kórmesi uıymdastyryldy. Forýmda el Táýelsizdiginiń 25 jyldyǵyna oraı mektep oqýshylary men kolledj stýdentteri arasynda ótkizilgen shyǵarmashylyq esse jáne avtorlyq óleń saıysynyń jeńimpazdaryn marapattaý rásimi ótti. Esse jazý boıynsha birinshi oryndy «Basqarý» kolledjiniń stýdenti O.Mırov ıelendi. Ekinshi oryn № 19 orta mektep oqýshysy K.Jamarıanǵa jáne polıtehnıkalyq kolledj stýdenti V.Povyshevaǵa berildi. Al úshinshi oryndy kásiptik-tehnıkalyq kolledj stýdenti A.Volosevıch pen «Turan» kolledjiniń stýdenti A.Alıpova ózara bólisti. Avtorlyq óleń saıysynyń qorytyndylary boıynsha birinshi oryndy «Danalyq» kolledjiniń stý­denti Z.Ybyrasheva ıelendi. Ekinshi oryn­dy QazGZÝ gýmanıtarlyq zań kolled­jiniń stýdenti A.Belıakova aldy, al úshinshi oryndy № 48 mektep-lıseıi­niń oqýshysy G.Naǵashybek ıelendi. «Eń jas qatysýshy» nomınasııa­sy № 4 mektep-gımnazııasynyń 2v sy­nyp oqýshysy Bolatbek Beknurǵa berildi. Barlyq jeńimpazdar Qazaqstan Res­pýblıkasy Ulttyq murajaıynyń já­ne «Atameken» Qazaqstan kartasy» etno­memorıaldyq kesheniniń abone­ment­terimen jáne syılyqtarmen marapattaldy. Forýmnyń sońynda tarıhı sanany qalyptastyrý máseleleri talqylanyp, usynystar qabyldandy. «Egemen-aqparat».