Bókeı ordasy aýdany ortalyǵy – Saıqyn aýylynyń turǵyny Aınagúl Temeshevanyń «Kýlınarııa» ashqanyna birtalaı ýaqyt boldy. Buryn jeke kásipker Bıbigúl Jumaǵulovanyń naýbaıhanasynda jumys istegen ol keıin jubaıy Syrym Saqypqalıevpen aqyldasyp, óz isterin bastaıdy. Aldymen otbasy músheleri birigip, saman quıyp, óz qoldarymen kýlınarııa ǵımaratyn turǵyzady. Qajetti qural-jabdyqtardy Aqsaı qalasynan, al, tabalardy Oraldan aldyrtyp, búginde jerlesterin nan, pırog, tort, toqash, pıssa, t.b. ónimdermen qamtyp otyr.
– Kóbine sadaqa, toı, shildehana, týǵan kún syndy aıtýly kúnderge aldyn-ala tapsyrys beriledi. Qýanysh dastarhanyna dep bos turǵan peshime taǵam pisirip berýimdi ótinetinder de kezdesedi. Qalaı etkende de, men olardyń suranystaryn jerge tastamaımyn. Ári aqylaryn tóleıtindikten ózime de paıda tabamyn, – deıdi kásipker kelinshek.
Qysqasy, kásipkerdiń ár kúni bos ótpeıdi. «Kýlınarııa» ishi de talapqa saı jabdyqtalǵan, uqypty qoldyń taby ańǵarylady.
Kásibiń násibińe aınala bersin, Aınagúl, deımiz biz.
Temir QUSAIYN,
«Egemen Qazaqstan».
Batys Qazaqstan oblysy.