QOSTANAI. 9 aqpan. Qostanaı oblysynda jyl basynan beri «Tobyl» áleýmettik-kásipkerlik korporasııa janynan memlekettik-jekemenshik áriptestik ortalyǵy jumys isteı bastady. Ortalyq bıznes pen memlekettik organdardyń óz ara áriptestik qatynasyn uıymdastyrý alańyna aınalmaq. Bul týraly egemen.kz tilshisi habarlady.
Memlekettik-jekemenshik áriptestik máseleleri boıynsha aqparattyq-túsindirý jáne keńes berý ortalyq jumystarynyń biri sanalady. Sonymen qatar jergilikti jerde jasalǵan jobalardyń qujattaryn daıyndasý, kelisimder jasaý, bıýdjettik qarjysyna jasalatyn jobalar qarjy-ekonomıkalyq negizin taldaý sekildi kóptegen qyzmetter atqarylatyn bolady. Búgingi kúni ortalyq oblys ákimshiligimen birlesip, jobalar pýlyn anyqtady. Oǵan densaýlyq salasynan 5 joba, bilim salasynan 8 joba, turǵyn úı qurylysynan 3, turǵyn úı-kommýnaldyq sharýashylyǵynan 2 joba enetin boldy.
Memlekettik-jekemenshik áriptestigi ortalyǵynyń dırektory Baqytbek Moldahalyqov: «Árıne osy jobalarmen tizim bitpeıdi, aldaǵy ýaqytta jańa usynystar da qaralatyn bolady», – dedi.
Názıra Járimbetova.
Derek, sýret: egemen.kz.