Buryn adamǵa jaı, ıaǵnı naızaǵaı túsken oqıǵasyn kóp estıtin edik. Sonyń ishinde mundaı oqys oqıǵalar Úndistan jerinde jıi bolyp turady. Al endi ejelgi Gang ózeniniń jaǵasynda budan da zor derek – adamǵa shaǵyn meteorıttiń túskeni týraly habar jetip otyr.
Eger bul ras bolsa, ol álemdegi osyndaı birinshi oqıǵa bolmaq. Buqaralyq aqparat quraldarynyń habarlaýynsha, bul joly «jasyl jortqysh» Úndistandaǵy erekshe oqıǵa Tamılnad shtatynda oryn alǵan. Atap aıtqanda, 6 aqpan kúni tańerteń jeke ınjenerlik kolledjdiń kampýsy terrıtorııasyna shaǵyn meteorıt kelip túsken. Osydan jarylys týyp, sonyń saldarynan jaqyn mańdaǵy ǵımarattar men avtobýstardyń terezeleri qırap qalǵan. Jarylys nátıjesinde úsh adam jaraqat alǵan. Al bir adam – avtobýs júrgizýshisi sol jerde qaza tapqan.
Eger mamandar jarylǵan shyn máninde meteorıt bolyp shyqqanyn rastap beretin bolsa, bul tarıhta adam balasynyń sonyń saldarynan birinshi ret qaza tabýy bolyp tabylady.
Murat AITQOJA.