Qazaq memlekettik pedagogıkalyq ýnıversıtetinde «Parasatty NLO» (Naǵyz lıderler odaǵy) pikirsaıys klýbynyń uıymdastyrýymen tuńǵysh ret tek qyzdarǵa arnalǵan «Qazaq qyzy» atty eki kúndik respýblıkalyq pikirsaıys týrnıri ótti. Qatysýshylar tek qana qyzdar bolǵan týrnırda sheshim shyǵaryp, ádil tóreshilik etý – er-azamattarǵa buıyrdy.
Alǵash ret uıymdastyrylyp otyrǵan pikirsaıys dodasyna Almaty, О́skemen, Semeı, Qyzylorda qalalarynyń joǵary oqý oryndarynan, ıaǵnı QazUÝ, QazUAÝ, UIB, QazUTZÝ, AEjBÝ, Qorqyt ata atyndaǵy Qyzylorda memlekettik ýnıversıtetiniń pikirsaıysshylary qatysyp, bar bilimderin ortaǵa saldy.
Jalpy, bul týrnır qazaq qyzdarynyń oı-pikirin jan-jaqty, erkin aıtýǵa úlken yqpalyn tıgizdi. Qaı taqyrypqa bolmasyn kósile sóılep, máseleni sheshý jolyn qarastyrdy. «Qazaq qyzy» degen atqa laıyq bolý – ár qazaq qyzynyń basty mindeti. Ol kórkimen ǵana emes, aqyl-parasatymen, sheshendigimen, utqyrlyǵymen erekshelenip turýy qajet.
«Qazaq qyzy» atty respýblıkalyq pikirsaıys týrnırine qatysqan komandalarǵa saıys barysynda túrli taqyryptar qarastyrylyp, ózekti máseleler qozǵaldy. Pikirsaıysshylardyń negizgi mindetteri – qoǵamnyń ózekti máselelerin talqyǵa salyp, sol týraly túsinikterdi keńeıtý boldy. Ár topty jeke-jeke tóreshiler baǵalady. Týrnır ıdeıasynyń avtory Qyzdar ýnıversıtetiniń Parasatty naǵyz lıderler odaǵynyń prezıdenti Ardaq Ázimhan, týrnırdiń bas tóreshisi magıstratýra stýdenti Sandýǵash Meńlibaeva, al bas uıymdastyrýshysy – Ǵazıza Dosymbek boldy.
Týrnırda «Bul palata 1/3 statıstıkasyna áıelder kináli», «JaHandanýda barlyq salt-dástúrlerdi ustaný aqtalady», «Aısha bıbi ákesin tyńdaǵanda baqyttyraq bolatyn edi», «Zarına patshaıym elin emes, súıgenin tańdaıdy», «Femınızm qazaq qoǵamynda», «Qazaq tarıhyndaǵy esımı altyn árippen jazylǵan arýdy ataıdy», «Saıasatqa áıelderdiń kelýi memlekettiń saıası jáne áleýmettik máselelerdı sheshýge oń áserin tıgizedi dep esepteıdi» degen jeti taqyryp oınatyldy.
Sondaı-aq, pikirsaıys dodasynda «Pikirsaıys arýy – 2016» jeńimpazy S.Demırel ýnıversıtetiniń stýdenti Aınur Esenǵalıeva ıemdenip, táj ben baǵaly syılyqtar tapsyryldy. Pikirsaıys oryndarynda amerıkandyq parlamenttik format boıynsha I oryndy Á.Moldaǵulova komandasy, ıaǵnı ýnıversıtettiń pikirsaıys klýbynyń múshesi Aıda О́temisova men Halyqaralyq Bıznes ýnıversıtetiniń stýdenti Aıjan Áýelbek ıemdenip, maqtaý qaǵazy men syılyqtar tapsyryldy. II oryndy «Tumar hanym men Temir hansha» toby – M.Dýlatı atyndaǵy Taraz memlekettik ýnıversıtetiniń stýdentteri Aqnur Sársenbek pen Aqerke Altaeva, III oryndy «Qanatsyz perishtelerden» – Aqerke Dáýlet pen Semeı qalasyndaǵy S.Amanjolov atyndaǵy medısınalyq ýnıversıtettiń stýdenti Erkejan Kámetaeva ıelendi.
Atalmysh týrnır aldaǵy ýaqytta da óz jalǵasyn tappaq.
Gúlzeınep SÁDIRQYZY,
«Egemen Qazaqstan».