QARAǴANDY. 10 aqpan. Jezqazǵan qalasynda kórpeniń astynda tunshyqqan jeti aılyq náreste shetinep ketti. Bul týraly oblystyq prokýratýranyń baspasóz qyzmetine silteme jasaǵan egemen.kz tilshisi habarlady.
Qaıtys bolǵan náreste úshemniń biri eken. Anasynyń aıtýynsha, náresteler tósekte uıyqtap jatqan. О́zi úı sharýasymen aınalysyp, balalardy álsin-álsin qarap qoıyp júripti. Sodan, qaıta aınalyp bir kelgeninde nárestelerdiń biriniń kórpe astynda tunshyǵyp jatqanyn kóredi de, jedel túrde keýdesine massaj jasaı bastaıdy. Alaıda náreste sońǵy ret tereń tynystaǵan da, qaıtys bolyp ketken.
Qazirgi ýaqytta sotqa deıingi tergeý amaldary júrip jatyr.
Qaırat Ábildınov.
Derek, sýret: Qaraǵandy oblystyq prokýratýranyń baspasóz qyzmeti.