«Birlik» partııasynyń ókilderimen kezdesti

Keshe Astanada Qazaqstan Respýblıkasynda Saılaýdy baıqaý jónindegi respýblıkalyq qoǵamdyq komıssııa músheleriniń (SBRQK) «Birlik» partııasy saılaýaldy shtabynyń ókilderimen kezdesýi boldy. Kezdesýge qatysýshylar aǵym­daǵy saılaý naýqanyna baıla­nysty máselelerdiń keń aýqy­myn talqylady. Únqatysý sheń­berinde SBRQK men «Birlik» par­tııasy saılaýaldy shtabynyń arasynda syndarly ózara is-qımyl ornatý máselesine basa nazar aýdaryldy. SBRQK tóraǵasy Nurlan Erimbetov óziniń sózinde trans­pa­rentti jáne ádil saılaýdy, azamattardyń erkin tań­daý jasaýlaryn, barlyq saılaý úderisine qatysýshylardyń qu­qyq­taryn saqtaýdyń, zań boıynsha belgilengen rásimderdiń oryndalýyn qamtamasyz etýdiń mańyzy asa zor ekenine toqtaldy: – Komıssııa qurylyp, óz min­detin atqarýǵa kirisken jyldar bederinde úlken táji­rıbe jınaqtaldy, bizdiń usy­nym­damalarymyz Qazaqstandaǵy saılaý úderisterin jetildirýge oń yqpal etti. Tutastaı alǵanda, SBRQK qyzmeti men basqa da baıqaýshylyq mıssııalary elektoraldy úderisterge súbeli úles qosyp, halyqtyń saıası-quqyqtyq mádenıetin joǵarylatýǵa oń áserin tıgizip keledi, – dedi N.Erim­betov. SBRQK múshesi Amanqul Serik­baevtyń sózine qaraǵanda, saı­laý naýqanynyń barlyq kezeń­deri uzaq merzimdi baıqaýmen qamtylatyn bolady. – Baıqaý sharalaryn búkil respýblıka boıynsha ár saılaý ýchaskesinde júzege asyrý josparlanyp otyr. Bizdiń jumysymyzdyń basty qaǵıdaty – ashyqtyq, ádilettilik, básekege qabilettilik jáne zańdylyq, – dedi A.Serikbaev. «Birlik» partııasy tóraǵa­synyń orynbasary Bolat Baı­qa­damov ózderiniń partııasy Parlament Májilisi men bar­lyq deńgeıdegi máslıhattar depýtattarynyń saılaýlary úderis­terine alǵash ret qatysyp otyrǵanyn atap kórsete kelip, osy sebepti, partııa úshin SBRQK-men ózara yntymaqtasý jáne ózara is-qımyl tanytý qundy múmkindik ekenin jarııa etti: – «Birlik» partııasy men biz­diń depýtattyqqa kandıdattary­myz salmaqty da ashyq jumysqa ıek artyp otyr. Biz táýelsiz qoǵamdyq baıqaý sekildi osynshalyqty mańyzdy mıssııany júzege asyratyn Saılaýdy baıqaý jónindegi respýblıkalyq qoǵamdyq komıssııamen yntymaqtastyǵymyzdy qýana qoldaımyz, – dedi B.Baı­qadamov. Sáýlebek BIRJAN. ASTANA.