Ýnıversıtettegi júzdesý

S.Seıfýllın atyndaǵy Qazaq agrotehnıkalyq ýnı­versıtetinde stýdentter men oqytýshylardyń Qazaqstan Respýblıkasy Táýelsizdiginiń 25 jyldyǵyna oraı Halyq qaharmany, ǵaryshker, «Qazaqstan ǵarysh sapary» UK» AQ vıse-prezıdenti Aıdyn Aıymbetovpen kezdesýi ótti.  Is-shara maqsaty jastardy otansúıgishtik rýhta tárbıelep, azamattyq jaýapkershilikti se­zindirý, táýelsiz Qazaqstan je­tistikteriniń biri – ǵarysh ke­ńistigin ıgerýdiń besinshi ǵy­lymı baǵdarlamasymen tanys­tyrý boldy. Ýnıversıtet rektory Aqyl­bek Kúrishbaev quttyqtaý só­zinde oqý ornynyń tabystaryna toq­talyp, qazaq ǵaryshkeri óz sa­paryn jahandyq saýaldarǵa jaýap izdep, elimizdiń ǵarysh salasyn damy­týǵa arnaǵandyǵyn atap ótti. A.Aıymbetov óz áńgimesinde ǵarysh saparynyń qalaı ót­kendigin sóz etip, Qazaqstan ǵa­lymdary daıyndaǵan ǵarysh­tyq tehnologııalar men tájirıbelerge toqtaldy. Ǵaryshtyq tehnologııa je­tis­tikteriniń kúndelikti tir­shi­ligimizge qalaı ene bastaǵa­nyn, Qazaqstannyń ǵaryshkerler sany jaǵynan álemde toǵyzynshy orynǵa shyqqandyǵyn, eli­miz­­­­diń ǵarysh keńistigin ıgerý múmkindikteri zor ekenin, bo­la­shaqta da óziniń bar kúshin so­ǵan arnaıtynyn aıtty. Kezdesý barysynda stýdent­ter ózderin qyzyqtyrǵan suraq­taryn qoıyp, túrli jaıttarǵa qanyqty. Kesh sońynda ǵarysh­ker ýnıversıtettiń syıly qo­naqtarǵa arnalǵan Alǵys kita­byna qoltańbasyn qaldyrdy. «Egemen-aqparat».