El egemendigine arnalǵan eleýli sharalar

Qazaqstan Respýblıkasynyń Tuńǵysh Prezıdenti – Elbasy kitaphanasynda el Táýelsizdiginiń 25 jyldyǵyn atap ótýge arnalǵan «Táýelsiz Qazaqstan sımvoldary» atty ártúrli pishimdegi is-sharalar toptamasynyń tusaýkeseri bolyp ótti. Onyń negizgi maqsaty el Prezıdenti N.Á.Nazarbaevtyń jasampaz ıdeıalaryn, Táýelsizdik jetistikteri men tabystaryn nasıhattaýǵa baǵyttalǵan is-sharalar josparyn talqylaý, el bir­­ligin nyǵaıtý, «Máńgilik El» pat­rıottyq ıdeıa­syn ilgeriletý, Otanǵa degen maqtanysh sezimin oıatý bolyp tabyldy. Keńes jumysyna «Nur Otan» par­­­­tııasynyń ókilderi, Qazaqstan halqy Assambleıasynyń músheleri, Qazaqstan Respýblıkasy Prezıdenti janyndaǵy Memlekettik basqarý aka­demııasy, Elbasy kitaphanasymen yntymaqtastyq týraly memorandýmǵa otyrǵan mekemeler, «Tuńǵysh Pre­zıdent – Elbasy kitaphanasy» mem­lekettik mekemesi janyndaǵy «Kemel el» mádenı-bilim berý ju­my­­­sy jáne jastarǵa tárbıe berý or­ta­ly­ǵynyń úılestirý keńesiniń músheleri qatysty. Seriktesterdiń atalǵan is-sharalar toptamasyn iske asyrý úshin arnaıy úılestirý keńesi qurylǵan. Bul keńeske 20 uıym ókilderi kiredi. Dálirek aıt­saq, memlekettik mekemeler, jas­tar birlestikteri, elimizdiń barlyq óńir­­leriniń ákimdikteri jáne taǵy basqalary. Atalǵan uıymdar birigip 50-den astam is-sharany birlesip uıym­dastyratyn bolady. Is-shara­lar ishindegi jospar aıasynda aldaǵy aı­larǵa taqyryptyq ataýlar da beri­lip qoıǵan. Mysaly, qańtar aıy – «Ká­si­bı jáne tıimdi memleket», aqpan – «In­­dýstrııalandyrý. In­novasııa», al naýryz aıy – «Sport. Salamatty ómir salty» degen ataýlarmen bekitilgen. Qazaqstan Respýblıkasynyń Tuń­ǵysh Prezıdenti – Elbasynyń kitaphanasy júzege asyratyn bas­ty jáne keń aý­qymdy qamtıtyn is-sharanyń bi­ri «Álemdi ózgertetin ıdeıalar» at­ty áleý­­­mettik jobasy bolyp tabylady. Bul joba sheńberinde joǵary oqý oryn­da­rynyń 2-4 kýrs stýdentteri men jalpy bilim beretin mektepterdiń 9-10 synyp oqýshylaryna arnalǵan semınar-trenıngter, ekskýrsııalar, kon­kýrs­tar ótkiziledi dep josparlanyp otyr. Basqosý barysynda Qazaqstan Respýblıkasy Prezıdenti janyndaǵy Memlekettik basqarý akademııasynyń rektory B.S.Ábdirásilov, «Qoǵam­dyq kelisim» Respýblıkalyq mem­lekettik mekemesiniń dırektory N.P.Kalash­nıkova sóz sóılep, at­qarylǵan shara­larǵa sholý jasap, al­daǵy josparlaryna da toqtalyp ótti. Raýan QAIDAR, «Egemen Qazaqstan». ASTANA.