Eger orys ádebıetinde «Bárimiz de Gogoldiń shınelinen shyqtyq» degen qanatty sóz bar bolsa, qazirgi qazaq derekti kınosynda eńbek etip júrgen jastardyń barlyǵy sol Oraz Ábishevtiń «shekpeninen» shyqty dep aıtýǵa bolady. Bulaı deıtinim, bul kisiden tikeleı dáris alý mindetti emes. Biraq, negizin qalap berip, aýyrǵa arqasyn tosqan Oraz sekildi aqsaqalǵa qazaqtyń jas kınogerleriniń barlyǵy tánti...
Bul Ákim Tarazıdiń paıymdy pikiri. Degenmen, Oraz Ábishevti tanıtyn ısi qazaqtyń bári osy oımen tolyqtaı qosylady dep senemin. Qazaqstan derekti kınosynyń irgetasyn qalap, negizin salǵan, Qazaq KSR-niń halyq ártisi, Qazaqstan Memlekettik syılyǵynyń ıegeri Oraz Ábishev óziniń búkil ǵumyryn, sanaly ómirin osy salaǵa arnady. Ol kisi óziniń ǵıbratty ǵumyrynda jetpiske jýyq derekti fılm men úsh júzden astam kınojýrnaldar shyǵaryp úlgergen. Keshe Qazaq ulttyq óner ýnıversıtetinde tuǵyrly tulǵany umytpaý, kerisinshe ulyqtaý maqsatynda Oraz Ábishev atyndaǵy shákirtaqyny tabystaý rásimi bolyp ótti. Irikteýden irkilmeı ótip, oqýynda ozat bolǵan úsh oqýshy osy stependııaǵa ıe boldy. Olardyń qatarynda, atalmysh oqý ornynyń rejısser mamandyǵynyń 4-kýrs stýdenti Ramazan Halıolla, Anar Mergenbaeva jáne operator óneri mamandyǵynyń 3-kýrs stýdenti Dáýlet Rysqulov bar. Qanat Ábishevtiń demeýshiligimen bastaý alǵan bul shara aıasynda naýryz aıynyń basynda Oraz Ábishevtiń shyǵarmashylyǵyna qatysty konferensııa josparlanyp otyr.
Raýan QAIDAR,
«Egemen Qazaqstan».