Keshe Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Máskeýde Reseı Federasııasy Úkimeti tóraǵasynyń birinshi orynbasary Igor Shývalovpen kezdesý ótkizdi, dep habarlady Premer-Mınıstrdiń baspasóz qyzmeti.
Taraptar Qazaqstan men Reseı arasyndaǵy saýda-ekonomıkalyq qarym-qatynastardyń jaǵdaıyn, ónerkásip salasyndaǵy, kólik tranzıti jáne kommýnıkasııalyq salalardaǵy yntymaqtastyqty talqylady.
Baqytjan Saǵyntaev pen Igor Shývalov, sondaı-aq, Eýrazııalyq ekonomıkalyq odaq sheńberindegi kókeıkesti máselelerdi de áńgime ózegine aınaldyrdy.
Kezdesý qorytyndysy boıynsha taraptar saýda-ekonomıkalyq ózara baılanystardyń barlyq spektri boıynsha ekijaqty yntymaqtastyqty odan ári tereńdetýge degen múddelilikterin bildirdi.