Ekspo-2017 – tehnologııalarymyz úshin úlken múmkindik

Qazaqstannyń Polshadaǵy Tótenshe jáne ókiletti elshisi Erik О́tembaev osy eldiń Qorshaǵan orta mınıstri Iаn Shıshkomen kezdesý ótkizip, eki el arasyndaǵy yntymaqtastyqty nyǵaıtý múmkindikterin talqylady. Kezdesýde balamaly energetıka qorlaryn damytý, klımattyq saıasat, ınvestısııalar tartý, zamanaýı ekologııalyq quraldardy óndirý, «jasyl» tehnologııalar, sondaı-aq, birlesken ǵylymı zertteýler ótkizý salalarynda aıtarlyqtaı áleýet bar ekeni atalyp ótti. Iа.Shıshko 2017 jyly Astanada ótetin «Bolashaqtyń energııasy» taqyrybyndaǵy halyqaralyq ma­man­dandyrylǵan kórmeniń asa mańyzdy joba ekenine ekpin túsirdi. О́ıtkeni, kórmeniń búgingi Pol­shanyń tehnologııalyq sheshimderin kórsetý, eki taraptyń ǵylymı jáne bıznes toptaryna qyzyqty aldyńǵy qatarly jobalardy nasıhattaýǵa mol múmkindik týǵyzatynyn aıtty. Onyń paıymdaýynsha, EKSPO Qazaqstan men Polsha arasyndaǵy yntymaqtastyqty jandandyrýǵa oń yqpal etetin bolady. Sondaı-aq, kezdesýde óńirlik ekologııalyq jobalardy júzege asyrý men Qazaqstannyń «jasyl» tehnologııalardy damytý tetikterin qurýdy qamtıtyn «Jasyl kó­pir» bastamasy sheńberindegi ynty­maqtastyqtyń keleshegi de talqy­landy. Mınıstr topyraqtyń tozýy, jerlerdiń shólge aınalýy, Aral teńizin, ormandy alqaptardy qaıta qalpyna keltirý jáne eko­júıe­lerdi damytý máselelerine qatysty qazaqstandyq jobalarǵa qyzyǵýshylyq tanytty. Polshanyń osy taqylettes qıyndyqtardy sheshýde úlken tájirıbesi bar. Tabıǵat qorǵaý vedomstvosyn basqarýǵa úshinshi márte taǵaıyndalǵan (1997-1999 jyldary, 2005-2007 jyldary jáne 2015 jyldan qazirge deıin) Iа.Shıshkonyń aıtýynsha, bul baǵytta Polsha úkimeti sońǵy on jyl ishinde aıtarlyqtaı júıeli sharalardy iske asyrdy. Ná­tıjesinde, búgingi kúni Qorshaǵan or­tany qorǵaýdyń ulttyq qory, Sý sharýashylyǵy basqarmasy jáne Qorshaǵan ortany qorǵaý ban­ki sııaqty ınstıtýttarmen yqpal­dastyqty qamtamasyz etetin júıe quryldy. Bul uıymdardyń qyzmeti ekologııalyq jobalarǵa ınjenerlik kómek kórsetý men qarjylandyrýdy uıymdastyrýǵa baǵyttalǵan. О́z kezeginde, bul «jasyl» ınvestısııalardy tartyp, «jasyl» tehnologııalar ortalyqtaryn, zertteý stansalary men laboratorııalaryn qarqyndy damytýdy yntalan­dyrady. Sondyqtan, qor men banktiń tájirıbesin Qazaqstan Respýb­lıkasynyń «jasyl» ekonomıkaǵa kóshý tujyrymdamasyn iske asyrýda qoldanýǵa bolady. «Ekijaqty yntymaqtastyqtyń keleshegi zor baǵyttarynda yqpal­dastyqty arttyrýdyń mańyzy zor. Al qor men banktiń tájirıbesi «jasyl» ınvestısııalardy tartýda memlekettik jáne óńirlik deńgeı­lerde eskeriletin bolady. Serik­testikti keńeıtý maqsatynda búginde jobasy ázirlenip jatqan tıisti ekijaqty halyqaralyq kelisimge qol qoıylady», – dep qorytty óziniń sózin E.О́tembaev. «Egemen-aqparat».