Komıssııa músheleri «Aýyl» partııasynyń shtabynda boldy

Keshe Qazaqstan Respýblıkasynda Saılaýdy baıqaý jónindegi respýblıkalyq qoǵamdyq komıssııa (SBRQK) músheleri «Aýyl» halyqtyq-demokratııalyq patrıottyq partııasynyń saılaýaldy shtabynda bolyp, osy partııa múshelerimen kezdesý ótkizdi. Kezdesýge SBRQK tóraǵasy Nurlan Erimbetov, komıssııa múshesi Amanqul Serikbaev, «Aýyl» partııasynyń tóraǵasy Álı Bektaev jáne osy partııa saılaýaldy shtabynyń jetekshisi Rústem Jolaman qatysty. Kezdesýge qatysýshylar elek­toratty naýqannyń sheshý­shi qyrlaryn, SBRQK baıqaý­shy­larynyń «Aýyl» partııasynyń respýblıkalyq jáne óńirlik saılaýaldy shtabtarymen ózara is-qımyly máselelerin talqylady. Kezdesý barysynda SBRQK tóra­ǵasy Nurlan Erimbetov SBRQK mıssııasy men qyzmeti týraly aıtyp berdi: – Qazaqstanda qoǵamdyq baı­qaý júıesi jyldan-jylǵa jetil­dirilip keledi. Atap aıtqan­da, ózgerister burynǵy nátı­jeli tájirıbelerdi esepke ala otyryp, halyqaralyq standart­tardy ózine mindetti engizý­den aıqyn kórinedi. Bizdiń qoǵam­dyq komıssııanyń aldaǵy Májilis pen barlyq deńgeıdegi máslıhattar saılaýlary úderis­teri aıasyndaǵy maqsattary men mindetterine qatysty aıtatyn bolsam, bizdiń moınymyzǵa ár­kez úlken jaýapkershilik júk­te­ledi: biz saılaý úderisine bar­lyq qatysýshylardyń quqyq­tary saqtalǵanyn, barlyq kandı­dat­tarǵa teńdeı jaǵdaılar men múm­kindikterdiń jasalǵanyn baqylaımyz. Sondaı-aq, biz úgit materıaldaryn saraptamadan ótkizip, televızııalyq baǵ­dar­lamalarǵa, ınternet-jarııa­lanymdarǵa, baspasózge, jáne tutastaı alǵanda, saılaý bary­syna baqylaý júrgizemiz. Da­ýys berý kúni, tıisti oqytýdan ót­ken SBRQK baıqaýshylary, árbir saılaý ýchaskesinde jumys isteı­tin bolady, – dep atap ótti N.Erim­betov. «Aýyl» partııasynyń tór­aǵasy Álı Bektaev SBRQK mú­she­­lerin respýblıkalyq jáne óńir­lik shtabtardyń nasıhat naý­qanyna daıyndyq barysy týraly qulaǵdar etti: – Ortalyq apparat arqaý­ynda biz partııanyń óńirlik shtab­­tarynyń basshylary men múshe­leri úshin trenıngter ótkizip, saılaý zańnamasynyń talaptary men shekteýlerin, sondaı-aq, úgit-nasıhat jumystaryn júrgizýdiń erekshelikterin túsindiremiz. Bul «Aýyl» partııasynyń ashyq ta ádil saılaý ótkizýdi tutastaı qol­daıtynyn jáne Saılaýdy baı­qaý jónindegi respýblıkalyq qoǵamdyq komıssııamen tyǵyz yn­ty­maqtasýǵa nıetti ekenin aıǵaq­taıdy, – dedi Á.Bektaev. Sáýlebek BIRJAN.