Jer betindegi eń bıik qaraǵaı –Estonııada
Estonııanyń Pylvama jerindegi Verıoras ýezinde álemdegi eń bıik qaraǵaı ósip tur.
Jaqynda kezdeısoq belgili bolyp qalǵan bul daraqtyń bıiktigi 46,6 metrge barady. Al tirshilik etip kele jatqanyna 214 jyl bolypty. Munyń bárine eldegi eń bıik aǵashtardyń jaıyn zerttep júrgen entýzıast Hendrık Relveniń halyqaralyq bıik aǵashtar bazasyna kezekti sýretti salǵany áser etipti.
Fransýz qalasyn teńizdiń kóbigi basyp qaldy
Fransýzdyń Bretanı jaq jaǵalaýdaǵy Penmarsh atty qalashyǵy kóshelerin teńizdiń appaq qalyń kóbigi bir demde basty da qaldy.
Buǵan Eýropany jaılap bara jatqan «Imodjen» daýylynyń osy tusqa kelgende, qatty kóterilip ketkeni sebep bolypty. Kóbiktiń quramynda baldyrlar, teńiz tuzy jáne basqa da túrli qaldyqtar bar. Jurt onyń ıisine bir kúnnen keıin ǵana úırene bastaǵan.
Novorossııskidegi úılený toıyna BUN (NLO) da «qatysty»
Reseıdiń Krasnodar ólkesindegi Novorossıısk qalasynda ótip jatqan úılený toıy kezinde jurtshylyq jaqyn mańǵa kelip qonǵan belgisiz ushatyn nysandy kórip, dúrligip ketti.
Ras, toı budan 10 jyl buryn ótken eken. Biraq sol kezde túsirilgen beıne taspany endi ǵana taratýdyń oraıy kelipti. Onda belgisiz bir ushatyn apparattyń toı ótip jatqan jerge kelip qonǵany anyq baıqalady. Al toıdaǵylar sonda qaraı barýǵa bata almapty. Degenmen, zertteýshiler osynyń ózi baǵaly materıal bolyp tabylatynyn aıtyp otyr.
Jumyrtqa tektes, jınalmaly dron jasap shyǵaryldy
Beıjińniń Powervision Robot kompanııasy ishinde beınekamerasy bar, jumyrtqa tektes, jınamaly dron oılap tapty.
Qurylǵyny jasaýshylar atap ótkendeı, ol óziniń kvadrokopteri salmaǵynyń barynsha azdyǵynan jaqsy usha alady. Onyń 4K pishimindegi kamerasy aınalmaly panorama boıynsha túsirýge qabiletti. Ol sondaı-aq, naqtyly belgilengen ýaqytqa qaraı túsirý baǵytyn ózgertip, kontentti translıasııa jasaı alady. Jańa apparat bıylǵy jyldyń ekinshi jartysynda saýdaǵa túsedi.
Fızıkter gravıtasııalyq tolqynnyń bolatynyna kóz jetkizdi
Budan birer kún buryn 100 jyldan beri kútip kele jatqan sensasııalyq oqıǵa tirkeldi. Fızıkter tabıǵatta gravıtasııalyq tolqynnyń bolatynyn aqyry dáleldep shyqty.
Bul budan bir ǵasyr buryn ataqty Albert Eınshteın boljap ketken ǵylymı jańalyq edi. Onyń kóziniń tirisinde ashyp bere almaı ketken bul oqıǵanyń kezdesetinin fızıkter qanshama ret dáleldeýge talpynǵanymen, oǵan tikeleı aıǵaqtar tappaı kelgen. Amerıkalyq ǵalymdar áıgili oqymystynyń ǵaryshtaǵy eki qara tesiktiń soqtyǵysýy nátıjesinde paıda bolady dep boljaǵan gravıtasııalyq tolqyndardy ashty.
Monrealda metro poıyzy rezeńke dońǵalaqtarǵa kóshti
Kanadanyń Monreal qalasyndaǵy metroda poıyzdardyń jańa modelderi júre bastady.
Onyń burynǵylardan basty aıyrmashylyǵy, dońǵalaqtary túgeldeı rezeńkeli bolyp keledi. Sol sııaqty vagondar arasyndaǵy ótkelekter adamdardyń syıymdylyǵyn taǵy 10 paıyzǵa arttyra túsedi. Ol osy aýmaqtarǵa qolaıly topsa ornatyp, shalqaımaly oryndyqtar qoıylýdyń esebinen jasalǵan. Mundaı vagondarda shý da ádettegiden áldeqaıda az bolady.
Aqparat agenttikteriniń materıaldary negizinde daıyndaldy.