Semeılik oqýshynyń roboty

Semeılik oqýshy Vıktor Hegaıdy naǵyz ónertapqysh deýge bolady. Fızıka-matematıka baǵytyndaǵy Nazarbaev zııatkerlik mektebiniń 7-synyp oqýshysy robot qurastyryp shyqty. Onyń robotynyń ereksheligi sol, kózi nashar kóretin jandardyń ózgelerdiń kómeginsiz qozǵalýyna múmkindik beredi.  Vıktorǵa robot qurastyrý týraly oı ózi oqyp júrgen mektebine múmkindigi shekteýli balalar kelgende týypty. Ol ózin mazalaǵan oıdy Astanadan kelgen 9-synyp oqýshysy Ksenııa Orehovaǵa jetkizedi. Muqtaj jandarǵa kómek kórsetý týraly ıdeıa Ksenııaǵa da unaıdy. Qarshadaı qyz robotqa arnalǵan baǵdarlamanyń jazylýyna kómektesedi. – Robot bir lego-nxt blogynan jáne eki ýltradybysty sensordan turady. Bir joǵarǵy sensory, bir tómengi sensory bar. Al blokqa baǵdarlama ornatylǵan. Osy baǵdarlama arqyly pármen beriledi. Robot óte jyldam isteıdi. Joǵarǵy sensordy qalpaqqa nemese kózildirikke bekitip alýǵa, tó­mengi sensordy aıaqqa nemese taıaqqa taǵýǵa bolady. Bul oraıda janary nashar kóretin ba­lalarǵa arnalǵan ınternat oqýshylarynyń keńesi esepke alynǵanyn aıta ketkim keledi. Eger adamǵa qolaıly bolsa, sensordy qolǵa ustap júrýge de bolady, – dedi Vıktor Hegaı. О́nertapqysh oqýshynyń túsindirýinshe, atalǵan qural tún­gi jarǵanattyń kórý, sezý mú­shesi ispetti jumys isteıdi. Iаǵnı, sensorlar qysqa merzimde aldyn ala keletin ýltradybys­ty joldaıdy. Kedergini de sezdiredi. Osylaısha, sensordyń shyǵarǵan dybysymen adam aınalyp nemese qısaıyp ótý kerektigin túsinedi. Sondyqtan, joǵarǵy jáne tómengi sensorlardyń dybysy eki túrli qoıylǵan. Adam osy arqyly kederginiń tómennen nemese jo­ǵa­rydan bolatyndyǵyn bile alady. Atalǵan qondyrǵyny jasap shyq­qannan keıin balalar ózderi de qoldanyp kórgen eken. Birqatar tehnıkalyq kemshilikteri de bolǵan. Alǵashqy synshylary qondyrǵy sensoryn asa kózge túspeıtindeı, kishigirim etip jasaýdy usynypty. Qazir atalǵan apparat jetildirilý ústinde. Bul quraldy jasaý úshin jylǵa jýyq ýaqyt ketti. Vıktor men Ksenııaǵa ınformatıka páni­niń muǵalimi Zoıa Jýrbenko da kómektesti. Ke­leshekte Vıktordyń roboty kóz janary solǵyn tartqan jan­dar­dyń suranysyna ıe bolýy áb­den múmkin. Dýman ANASh, «Egemen Qazaqstan». SEMEI.