El múddesine qyzmet etý jaýapkershiligi

«Nur Otan» partııasy Kók­shetaý qalalyq fılıalyn­da «Partııalyq monıtorıng» partııalyq aksııasy ótki­zildi. Kezdesýge «Nur Otan» partııasy Kókshetaý qala­lyq fılıalynyń tór­aǵa­sy, Kókshetaý qalasy­nyń áki­mi Ermek Marjyq­paev, par­tııa­nyń Kókshe­taý qalalyq fılıaly Saıa­sı keńesiniń bıýro mú­shele­ri, bastaýysh partııa uıym­­darynyń tóraǵalary, par­tııa­nyń oblystyq jáne qala­­lyq fılıaldarynyń qyz­met­kerleri qatysty. E.Marjyqpaev baıandamasynda búgingi tańda Elbasy tapsyrmasymen aımaqta ákimderdiń esep berý kezdesýleri ótkizilgeni týraly habardar etti. Ol esep berý kezdesýleri syndarly únqatysý negizinde turǵyndardyń ózekti máselelerin aıqyndap beretin mańyzdy qural, dep atap kórsetti. E.Marjyqpaev óz sózinde Kókshetaý qalasynyń áleýmettik-ekonomıkalyq damýynyń ótken jylǵy negizgi kórsetkishterine de toqtaldy. Barlyq salalardaǵy ońtaıly ózgeristerden habardar etken ol ózekti máselelerdi de ortaǵa salyp, partııa belsendilerin alǵa qoıylǵan maqsattarmen tanystyrdy. Onyń bastylary – «Bes ınstıtýttyq reformany júzege asyrý boıynsha 100 naqty qadam» Ult Jospary, N.Á.Nazarbaevtyń «Ult Jospary – qazaqstandyq armanǵa bastaıtyn jol» baǵ­dar­lamalyq maqalasy jáne «Nur Otan» partııasynyń sezinde Elba­sy alǵa tartqan strategııalyq tapsyr­malardy oryndaý bolyp taby­lady. Sonymen qatar, ol qala turǵyn­daryn tolǵandyratyn kez kelgen máselege taldaý jasalyp, naqty sheshimder qabyldanatynyn jáne bul jaıt nurotandyqtardyń aıryqsha baqylaýynda bolatynyn aıtty. Kezdesýde «Nur Otan» partııa­sy Kókshetaý qalalyq fılıaly janyndaǵy partııalyq monıtorıng tobynyń tóraǵasy Asqar Aqbarov sóz sóıledi. Ol: «Partııalyq monıtorıng» partııalyq jobasy – barlyq deńgeıdegi ákimderdiń turǵyndar tarapynan kóteriletin kókeıkesti máselelerdi sheshýde partııalyq yqpal men kómekti kúsheıtý bolyp tabylady. Bul rette eshbir suraq eskerýsiz qalmaıdy. Partııanyń turǵyndardyń suraqtaryn sheshýde qajetti áleýeti men jumys tásilderi bar. Sonymen qatar, azamattar úshin partııanyń is barysyndaǵy qoǵamdyq qabyldaýlary da zor járdem men demeý kórsetetin tirek», – dep atap kórsetti. Kókshetaý qalasynyń ákimi, «Nur Otan» partııasy qa­lalyq fılıalynyń tóraǵasy E.Mar­jyqpaev kezdesýge qatysýshylardyń bir­qatar suraqtaryna jaýap qaı­taryp, qazirgi kúrdeli kezeńde Elbasy Joldaýynda mindettel­gen­deı, qoǵamdyq ómirdegi partııa­lyq yqpaldy barynsha arttyrý qa­jettigin alǵa tartty. Baqbergen AMALBEK, «Egemen Qazaqstan».  Aqmola oblysy.