Ortalyq saılaý komıssııasy tóraǵasynyń orynbasary Vladımır Foos Qazaqstan Respýblıkasyndaǵy Ulybrıtanııa jáne Soltústik Irlandııa Birikken Koroldiginiń elshiligi mıssııasy basshysynyń orynbasary Sara Pıkerıngpen kezdesti.
Kezdesýde taraptar aǵymdaǵy saılaý naýqanynyń kezeńderi men erekshelikterin, daýys berý qorytyndylary boıynsha daýystardy sanaý rásimin, Qazaqstan halqy Assambleıasynan saılanatyn Parlament Májilisi depýtattaryn saılaýdy jáne máslıhattar depýtattaryn saılaýdy ótkizý tártibin talqylady. Sara Pıkerıng Qazaqstannyń jaǵymdy tájirıbesi retinde álemdegi qazirgi qarjy daǵdarysy jaǵdaıynda eki saılaýdy qosyp ótkizý nátıjesinde múmkin bolǵan bıýdjet qarajatynyń únemdeletinin atap ótti.
Al V. Foos saılaý úderisin uıymdastyrý salasynda tájirıbe almasý túrli elderdiń saılaý organdary arasyndaǵy ekijaqty qatynastardyń damýynyń tıimdi ádisteriniń biri ekenin, sondaı-aq, ulttyq saılaý júıelerin odan ári damytýdyń jáne jetildirýdiń jańa joldary men ádisterin aıqyndaý bolyp tabylatyny jóninde pikir bildirdi.
Kezdesýge Ortalyq saılaý komıssııasynyń músheleri M. Sársembaev pen T. Ohlopkova qatysty.
Álısultan QULANBAI,
«Egemen Qazaqstan».