Saılaýaldy baǵdarlama talqylandy

S.Muqanov atyndaǵy ámbebap kitaphanada ótken «Nur Otan» partııasy oblystyq fılıalynyń kezekten tys HHIII konferensııasy 130 delegattyń qatysýymen ótip, saıası uıymnyń saılaýaldy baǵdarlamasy jan-jaqty talqylandy. Ol jóninde oblys ákimi, «Nur Otan» partııasy SQO fılıalynyń tóraǵasy Erik Sultanov baıandama jasady. Erik Hamzauly saıası uıym Tóraǵasy N.Á.Nazarbaev partııanyń eń joǵary forýmynda naqty mindetter qoıǵanyn aıta kelip, óńirdiń áleýmettik, ekonomıkalyq damý josparlarymen bólisti. Bes reformany qaltqysyz júzege asyrý– barsha qazaqstandyqtar úshin basty talap. «100 naqty qadam» Ult Jospary sheshimderi besjyldyq kezeńge arnalǵan jańa Saılaýaldy tuǵyrnamanyń negizgi ózegi bolyp tabylady. Daǵdarysqa qarsy turaqtandyrý sharalary oblysta tıimdi júzege asyrylyp keledi. «Jumyspen qamtýdyń jol kartasy 2020» aıasynda byltyr 27 myńnan astam soltústikqazaqstandyq, onyń ishinde 15,2 myń adam jumyspen qamtý organdary arqyly eńbek etý múmkindigine ıe boldy. 12 myńǵa jýyq jańa jumys oryndary quryldy. 2,4 mıllıard teńge ıgerilip, 5 myńdaı adam baǵdarlama sharalarymen qamtyldy. Nátıjesinde jumyssyzdyq deńgeıi 4,8 paıyz, tabysy kúnkóris kirisinen tómen turǵyndardyń úlesi 3,7 paıyz kemidi. Keleshekte shaǵyn jáne orta bıznesti damytý, az qamtylǵan otbasylardy áleýmettik jaǵynan qoldaý, densaýlyq saqtaý, bi­lim berý salalaryndaǵy jańa­shyl­dyqtardy engizý sııaqty keń aýqymdy jumystar jalǵastyryla beretin bolady. О́ńir basshysy jer qoınaýy baılyqtaryn ıgerýge iri qarjy­gerler tarapynan úlken qyzy­ǵýshylyq týyp otyrǵanyn jetkizdi. Taıynsha aýdanynda sırkonıı óndirýge sheteldik kompanııa kirisse, Esil aýdanyndaǵy altyn kenin ıgerý tehnologııasy birshama túzetildi. Aıyrtaý aýdanyndaǵy Syrymbet ken ornynda qalaıy óndirýge 2 mıllıard teńge jumsaldy. Munda 600 jańa jumys ornyn qurý kózdelgen. «Nurly Jol» baǵdarlamasy sheńberinde 13 joba qolǵa alynyp, bul maqsat úshin Ulttyq qordan 3,6 mıllıard teńge qarastyrylǵan. Konferensııada sóz alǵan «Qyzyljar-Aqparat» JShS-niń dırektory Káribaı Musyr­man Qyzyljar óńirindegi demo­gra­fııalyq jaǵdaıdy jaqsartýdyń erekshe mańyzdylyǵyna jı­nal­ǵandardyń nazaryn aýdardy. Turǵyndar sanynyń azaıýyna baı­lanysty sońǵy úsh jyl ishinde oblys respýblıkalyq bıýdjetten jan basyna qaraı bólinetin transfert túrindegi qarajat berilmeı qalǵan. «Astyk Stem» JShS dırektory Sergeı Zvolskıı aýyldyq jerlerde eńbek adamy úshin barlyq múmkindikter týdyrylǵanyn aıta kelip, eldi mekenderdi órkendetýge shaqyrdy. №17 ulttyq órkendeý mektep-kesheniniń muǵalimi Irına Týhvatýlına bilim salasyndaǵy óreli ózgeristerdi alǵa tarta otyryp, búginde 3 tildi bilý zaman talaby ekenin aıtty. Atalǵan bilim ordasynda oqýshylar 4-5 tildi meńgerýge den qoıǵan. Konferensııany qory­tyn­dylaǵan E.Sultanov, tutastaı alǵanda, oblystyń 2015 jyldy tabysty aıaqtaǵanyn, endigi mindet Elbasy tapsyrmalaryn múltiksiz oryndaý bolyp tabylatynyn atap kórsetti. О́mir ESQALI, «Egemen Qazaqstan». Soltústik Qazaqstan oblysy.