TARAZ. 17 aqpan. Jambyl oblysynda jyl saıyn jańadan salynǵan sport nysandarynyń sany kóbeıip, stadıondar men ǵımarattardy qaıta jańartý jumystary júrgizilýde. Bul týraly egemen.kz tilshisi habarlady.
Máselen, 2015 jyly Jýaly, Moıynqum aýdandary men Taraz qalasynda dene shynyqtyrý-saýyqtyrý keshenderi paıdalanýǵa berildi. Shý qalasynda zamanaýı úlgidegi sport keshenin salý jumystary bastaldy. Ol jerde jasóspirimder kúres, aýyr atletıka, boks, dzıýdo, taekvondo boıynsha jattyǵady, sonymen qatar túrli jarystar ótkiziletin bolady.
Búgingi kúnge oblysta 2 013 sporttyq nysandar bar. Atap aıtar bolsaq 1 sport saraıy, 19 stadıon, 665 fýtbol alańdary, 548 sport zaldary, 662 sport alańshalary jáne 118 ózge de sport nysandary jumys isteıdi.
Osynyń arqasynda jambyldyq tárbıelenýshiler ár túrli sporttyq jarystarynan joǵary nátıje kórsetýde.
О́tken jyly 1 156 sportshy halyqaralyq jáne respýblıkalyq jarystarǵa qatysyp 1 128 medalǵa ıe boldy.
Atap ótý kerek, elimizdiń ulttyq qurama komandalaryna sporttyń ár túri boıynsha 470 sportshy endi. Onyń ishinde, ulttyq quramasyna - 206, jastar quramasyna – 199, jasóspirimder quramasyna – 65 bala kiredi.
«Taraz-Arena» sport saraıynda voleıboldan Venesýela, Egıpet, Ispanııa jáne Qazaqstan komandalarynyń qatysýymen álemdik lıganyń birinshi kezeńi ótkizildi. «Taraz» voleıbol komandasy Ulttyq lıga komandalary arasynda Qazaqstannyń XXIII - chempıonatynyń chempıony jáne 2015 jyldyń Sýperkýbogynyń ıegeri atandy.
Sonymen qatar, qazaq kúresinen úshinshi ret «Eýrazııa barysy» halyqaralyq týrnıri ótkizildi.
Beıbit Ystybaev qazaq kúresinen respýblıkalyq týrnırinde ekinshi ret «Qazaqstan barysy» tıtýlyn jeńip aldy. Eldos Smetov - dzıýdodan álem chempıony, Oljas Sáttibaev - bokstan Azııa chempıony atandy. Shotlandııadaǵy álem chempıonatynda Z.Gabıdýllına, bıylǵy jyly Rıo-de-Janeıro qalasynda ótetin, Paralımpııalyq oıyndaryna qatysýǵa joldama utyp aldy. El tarıhynda tuńǵysh ret álem chempıonatynda O.Nyshan para-taekvondo boıynsha altyn medal ıegeri atandy.
Jalpy, oblys boıynsha ótken jyly 2 614 sporttyq is-sharalar ótkizilip, 540 myńnan astam adam atsalysty.
Qazaqstan Respýblıkasy Táýelsizdiginiń 25 jyldyǵyna oraı 2 700-den astam buqaralyq - sporttyq is-sharalar uıymdastyrylatyn bolady. Dene shynyqtyrýmen jáne sportpen shuǵyldanatyn, barlyq jastaǵy turǵyndardy qamtýdy ulǵaıtý 26 paıyzyn qamtý josparlanyp otyr. Jas óspirimder men jetkinshekterdiń balalar-jasóspirimder sport mektepterinde 7 jastan 18 jasqa deıingi tárbıelenýshilerdi qamtý úlesi 11 paıyzdy quramaq.
Oralhan Dáýit.
Derek, sýret: egemen.kz