Bilim – ómirlik

Qazaqstan Respýblıkasy   Bilim jáne ǵylym  mınıstrliginiń elimizdiń   oqýshylar, stýdentter, ustazdar, ata-analar qaýymyn jańa  2011-2012 oqý jylymen quttyqtaýy Qymbatty oqýshylar, stýdentter! Qurmetti ustazdar, ata-analar qaýymy! Týǵan elimiz – Qazaqstan Respýblıkasy Táýelsizdiginiń 20 jyldyǵy qarsanynda taǵy da bir oqý jylyn ózderińizben bastaǵaly otyrmyz. Qymbatty oqýshylar men stýdentter, birinshi synypqa aıaq basqan búldirshinder men bıyl stýdent atanǵan jastar, sizderdi Bilim kúni merekelerińizben quttyqtaımyz! Qazirgi kezde sapaly bilim alý úshin Elbasy­myz N.­Á.Na­zarbaevtyń qoldaýymen barlyq jaǵ­daı­lar jasalýda. Jańa bilim berý uıymdary, ınternattar men jataqhanalar boı túzep, olardyń bar­lyǵy sońǵy úlgidegi jańa tehnologııalarmen jabdyqtalýda. Sondyqtan, sizderdiń bilimderińiz ben jetis­tik­terińiz Táýelsiz Qazaqstannyń álemdik qaýym­das­tyq aldyndaǵy bedeliniń odan ári arta túsýine qosylatyn úles bolady degen senimdemiz.

Qurmetti ustazdar!

О́tken jyldyń aıaǵynda Memleket basshy­sy­nyń Jarlyǵymen Bilim berýdi damytýdyń 2020 jyl­ǵa deıingi memlekettik baǵ­darlamasy qabyldandy. Elbasynyń bıylǵy «Bolashaqtyń irgesin birge qalaımyz» atty Joldaýynda bilim salasyna erekshe kóńil aýdaryldy. «Nur Otan» partııasynyń HIII sezinde memleket damýynyń negizgi kilti retinde adam qun­dylyǵy men bilim ekendigi basty nazarda boldy. Osyndaı oqıǵalar qoǵamdaǵy bilimniń alatyn ornyn anyqtap otyr. Táýelsizdigimizdiń 20 jyldyǵynda Qazaqstan bilim salasynda bıik belesterdi zor abyroımen baǵyndyrdy dep maqtanyshpen aıta alamyz. Aldaǵy ýaqytta bizdiń aldymyzda turǵan bas­ty mindet – bilim salasyn jańa mazmunmen jáne sapamen tolyqtyrý. Mundaı ıgilikti ári mańyzdy istiń jemisin siz­der­diń kásibı talanttaryńyz ben sheberlik­te­rińiz­diń arqasynda ǵana kóre alatyndyǵymyz barshaǵa aıan. Sondyqtan da, sizderge jańa oqý jyly shy­ǵarmashylyq tabys pen sáttilik ákelsin demekpiz!

Qurmetti ata-analar!

El Táýelsizdiginiń 20 jyldyǵy qarsańynda biz Qazaqstan tarıhynda alǵashqy ret jarqyn bola­shaǵymyz – balalarymyz úshin barsha Qazaqstan qaýymyn kúsh biriktirýge shaqyrǵan Pedagogıka­lyq forýmdy úzdik muǵalimderdiń, ata-analar qaýymdastyǵynyń, bıznes jáne azamattyq qoǵam ókilderiniń qatysýymen ótkizdik. Bizdiń árqaısymyzdyń basty tilegimiz – búldirshinderimizdiń baqytty balalyq shaǵy, laıyqty bilim alýy jáne súıikti Otany­myzdyń tolyqqandy azamatyna aınalýy. Tek qana bilimdi jáne tárbıeli urpaq Qazaq­stan halqynyń maqtanyshy bolmaq. Sondyqtan sizderge de urpaq tárbıeleý jolyndaǵy eńbekte­rińiz jana bersin demekpiz. Jańa oqý jyly barshamyzǵa jetistikter men tabystar ákele bersin!