QYZYLORDA. 17 aqpan. Qyzylorda oblysynda densaýlyq saqtaý salasyna sońǵy úsh jylda 92 mıllıard teńge qarjy bólindi. Qazir bir turǵynǵa shaqqandaǵy shyǵystar kólemi boıynsha oblys Astana qalasynan keıingi ekinshi orynda. Bul týraly Qyzylorda oblysynyń ákimi Qyrymbek Kósherbaevtyń halyq aldynda esep bergen kezde aıtqan aqpary boıynsha egemen.kz tilshisi habarlady.
Aıta keteıik, Syr óńirinde úsh jylda 35 jańa densaýlyq saqtaý mekemesi salyndy. Sonyń nátıjesinde, oblysta jalpy ólim-jitim 14,7 paıyzǵa, sábı ólimi 5 paıyzǵa, jalpy aýrýshańdyq 5,6 paıyzǵa, al týberkýlezden bolatyn ólim sany 21 paıyzǵa tómendedi.
Ásirese, dáriger mamandardyń biligi men kásibı deńgeıin kóterýge erekshe den qoıylady. Osy maqsatta ótken jyly Oblystyq medısınalyq ortalyq janynan S.Asfendııarov atyndaǵy ulttyq medısınalyq ýnıversıtettiń fılıaly ashyldy.
О́tken jyldyń ózinde Jalaǵash kentinde aýysymyna 250 kelýshige arnalǵan aýdandyq emhana jáne Aral aýdanynyń Sekseýil kentinde aýysymyna 100 kelýshige arnalǵan aýyldyq emhana paıdalanýǵa berildi. Bul aýyl turǵyndary úshin medısınalyq kómektiń sapasyn jáne qoljetimdiligin arttyrdy. Sonymen qatar, Jańaqorǵan aýdanynyń Túgisken aýylynda dárigerlik ambýlatorııanyń jáne Jańaqorǵan kentindegi aýysymyna 250 kelýshige arnalǵan aýdandyq emhananyń qurylysy bastaldy. Qyzylorda qalasynda 200 tósekke shaqtalǵan oblystyq kópsalaly balalar aýrýhanasynyń qurylysy jalǵasýda.
Erjan Baıtiles.
Derek, sýret: egemen.kz