Reseıdiń bir azamatynyń Zıka aýrýyn juqtyrǵany anyqtaldy. Ol Máskeý emhanalarynyń birine dene qyzýy kóterilip, denesine bórte paıda bolǵany týraly shaǵymdanady. Dárigerler odan analız alyp, teksergennen keıin áıeldiń Zıka aýrýmen aýyratynyn anyqtaıdy.
Zıka aýrýy byltyr Afrıka men Azııa elderinen shyqqan. Qazir onymen jer júzinde birneshe myń adamnyń aýyratyny anyqtalyp otyr. Olardyń kóbisi Afrıka men Azııa qurlyǵynda. Keıinirek Ońtústik jáne Soltústik Amerıka elderine de tarala bastaǵan. Endi, mine, Eýropany attap ótip, Reseıge de jetip otyr. Bul elde aýrýǵa shaldyqqan ázirge jalǵyz adam. Sondyqtan dárigerler ony dereý aýrýhanaǵa jatqyzyp, eshkimmen aralaspaýyn talap etti. Naýqastyń aıtýynsha, bári aıaq astynan bolǵan. Ol aýrýdy juqtyrǵanyn ózim de bilmeı qaldym, deıdi.
Qazir áıel aýrýhanada tıisti dárilerdi alyp jatyr. Al dárigerler aldyn alý úshin áıeldiń otbasyn tekserdi. Abyroı bolǵanda, eshkimnen eshteńe tabylǵan joq. Sodan keıin dárigerler áıel mingen ushaqty da tekserip kórdi. Ol jerde de adamnyń densaýlyǵyna qaýipti bolatyndaı eshteńe tabylmady. Mamandardyń aıtýynsha, Zıka aýrýyn Aedes aegypti degen masalar juqtyrady.
Qolda bar málimetterge qaraǵanda, Zıka aýrýyna qarsy emdi Reseı dárigerleri tapqan. Olar jaqynda bul jabdyqty Jenevada tanystyrdy.
Dastan KENJALIN,
«Egemen Qazaqstan».