Joǵary Sot Keńesiniń otyrysy

A.Smolınnyń tóraǵalyq etýimen Joǵary Sot Keńesiniń otyrysy ótti. Joǵary Sot Keńesi Qazaqstan Res­pýblıkasynyń Prezıden­ti taǵaıyndaıtyn Tóraǵadan jáne basqa da adamdardan tu­ra­dy jáne Elbasynyń sottardy qa­lyptastyrý jónindegi konstıtýsııalyq ókilettikterin, sýdıalardyń táýelsizdigi men olarǵa eshkimniń tıispeý kepil­dikterin qamtamasyz etý onyń negizgi mindeti bolyp tabylady. Sýdıa laýazymyna kan­dıdat­tardan emtıhandy qa­byl­daý jónindegi Biliktilik komıssııasynyń jańa quramy otyrysta be­kitildi, onyń quramyna ǵy­lymı qoǵamdastyqtyń, pro­kýratýranyń, ádilet organ­da­rynyń, advokatýranyń ókilderi taǵaıyndaldy, sondaı-aq, Joǵarǵy Sottyń janyndaǵy aýdandyq sot tóraǵasynyń, oblystyq sot tóraǵasynyń jáne sot al­qa­lary tóraǵalarynyń, Joǵarǵy Sot sýdıasynyń jáne sot alqalary tór­aǵa­larynyń laýazymyna Kadr rezervi jónindegi respýblıkalyq komıssııanyń quramy bekitildi. Sýdıalardy irikteý júıe­sin jetildirý jónindegi zań­namalyq jańalyqtardy júzege asyrý maqsatynda Kadr rezer­vin qalyptastyrý jáne oǵan qa­­tys­ty jumysty uıymdastyrý qaǵıdalary men sottarmen ózara is-qımyl jónindegi keńes týraly erejede otyrysta bekitildi. Atalǵan qujattarda sot júıesinde merıtokratııa qaǵıdatynyń júze­ge asyrylýy kózdelgen, sondaı-aq, sýdıalardy irikteýge jurtshylyq ókil­deriniń qatysýy jóninde máseleler rettelgen. Sonymen qatar, sot júıesi men Jo­ǵary Sot Keńesiniń uıymdyq-kadrlyq máseleleri otyrysta qaraldy. Otyrystyń qorytyndysy bo­ıynsha Keńes tıisti sheshimder men usy­nymdardy qabyldady.  «Egemen-aqparat».