Keńes ortalyǵy qolyn sozdy

Aldymdaǵy jigittiń boı-bitimi tanys kórindi. Esime endi tústi. Bul anaý bir jyldary gazet tapsyrmasymen «Táýelsizdik qurdasy» aıdaryna maqala jazatyn Vanıa Lebedev qoı. О́te talantty jas. Kádimgi «jigitke jeti óner de ja­rasadynyń» dál ózi. Mektepti úzdik bitirip, Shoqan Ýálıhanov atyn­daǵy Kókshetaý memlekettik ýnıversıtetinde grantpen oqyp júrgen... Boıyn qansha tik ustaýǵa ty­­­rysqanymen, syltyp basady. Qýyp jettim. Tanyp jatyr. Qolymyzdy qatty qysyp aman­­­­dastyq. Hal-jaǵdaıyn sura­ǵanymda, «Bári de artta qal­dy» degen sózimen kóp maǵyna ańǵartty. Qazbalap jatpadym. Jaılap basyp qala jastarynyń «Konsaltıng ortalyǵyna» kirip ketti. Surastyryp bildim. Ýnıver­sıtetti 2013 jyly «Aqparattyq júıeler» mamandyǵy boıynsha támamdapty. Sol jyly magıs­tratýraǵa túsip, 2015 jyly tehnıka jáne tehnologııa magıstri atanǵan. Taǵdyrdyń tálkegine ne shara. Vanıa Lebedev klassıkalyq bı jattyǵýynan kele jatqanda, ala­kóleńkede buzaqylardyń qoqan-loqysyna ushyraıdy. Táp-táýir sportshyǵa álderi kelmeıtinin bilgen álgiler birneshe jerden pyshaq salypty. Aýrýhanaǵa es-tússiz jetkizilgen. Dárigerler konsılıýmy jedel ota jasap, onyń aıaǵyn kesýge sheshim qabyldaǵan. Jantúrshigerlik oqıǵa jas jigittiń jigerin muqalta al­maǵa­nyn naǵyz erlikke balaýǵa bolady. Erlik deıtinimiz, ol oqýyn jalǵastyrýmen qatar, sportpen jan aıamaı aınalysty, qoǵamǵa paı­daly bolýdy oılady. Búginde Ivan Lebedev qımyl-tirek júıesi zaqymdanǵan sportshylar arasynda aty aldymen atalatyn azamat­qa aınalǵan. Ol paýerlıftıng jáne kópsaıys jarysy boıynsha 2014 jáne 2015 jylǵy oblys chempıony. Sondaı-aq, Taldyqorǵan qa­la­synda ótken Qazaqstan chempıonatynda II jáne III júldeli oryndarǵa ıe bolsa, Pavlodar qalasynda bolǵan Qazaqstandyq paraolımpıadalyq oıyndarynda II oryndy jeńip alypty. Ivan óziniń eńbek jolyn «Kók­­­­­shetaý qalalyq aqparattyq kitaphanalar» kommýnaldyq-mem­lekettik mekemesinde bastaǵan eken. Biraq, ártúrli jaǵdaılarǵa baılanysty úıinde eki jyldan astam jumyssyz otyrypty. Osy­dan eki aı buryn ol kútpegen jer­den qalalyq jastar uıymynyń Konsaltıngtik keńes ortalyǵy­nan shaqyrý alǵan. Synaqtan múdirmeı ótken Ivan Lebedev qazir ınformatıka jáne júıelik tehnologııa mamany qyzmetin atqarýda. Biz ony óziniń súıikti kásibinde tabysty bolýyna tilektestik bil­dirip, Konsaltıngtik keńes ortalyǵynyń ujymyna alǵy­symyzdy aıttyq. Baqbergen AMALBEK, «Egemen Qazaqstan».  Aqmola oblysy.