Ortalyq kommýnıkasııalar qyzmetinde Saılaýdy baıqaý jónindegi respýblıkalyq qoǵamdyq komıssııanyń óńirlik ortalyǵy qurylǵany boıynsha brıfıng ótti. Jıynǵa qoǵamdyq komıssııanyń óńirlik basshysy Dosybaı Sherimqulov pen oblystyq saılaý komıssııasynyń múshesi Altynbek Káttebekov qatysyp, táýelsiz óńirlik ortalyq qyzmetine baılanysty josparlarymen bólisti.
D.Sherimqulov qoǵamdyq uıym laıyqty azamattardan jasaqtalǵanyn aıta kelip: «Ońtústik Qazaqstan oblysy boıynsha 1074 saılaý ýchaskesi bolsa, sonyń barlyǵyna baıqaýshylar belgilenip, olardyń bári oqý-tájirıbeden ótedi. Maqsat – Parlament Májilisiniń jáne jergilikti máslıhattar depýtattaryn saılaý jumysynyń elimizde bekitilgen zań aıasynda ótýin qadaǵalaý. Sondaı-aq, qalyń kópshiliktiń óz erkimen tańdaýyna múmkindik berý, saılaýdyń joǵary deńgeıde ashyq jáne ádil ótýin qamtamasyz etý», – dedi ol.
О́ńirlik ortalyqta quramy tórt adamnan turatyn shtab quryldy. Shtabtyń basty mindeti – kezeń-kezeńimen brıfıngter, semınar-trenıngter, nusqaýlyq jıyndar ótkizip, baıqaýshylardyń fýnksıonaldy mindetterin túsindirý. Saıası partııalardyń shtabtarynda bolyp, olardyń saılaýaldy daıyndyqtaryn baıqaý, saılaýdy joǵary deńgeıde ótkizý jóninde pikir almasý.
Al A.Káttebekov saılaýǵa túsýge nıetti 1279 úmitkerdiń 193-i oblystyq máslıhatqa, 294-i qalalyq, 792-si aýdandyq máslıhatqa talaptanyp otyrǵanyn aıtty. Onyń ishinde «Nur Otan» partııasynan – 313, «Aýyl» partııasynan – 22, «Aq jol» partııasynan – 8, «Birlik» partııasynan 1 úmitker bar eken. 935 azamat ózin ózi usynypty. Qudaı qalasa, depýtattyq mandatqa ıe bolsam dep eki alaqanyn ysyp otyrǵandardyń ishinde 93 názik jandylar bar.
Saılaýdy baıqaý jónindegi respýblıkalyq qoǵamdyq komıssııanyń óńirlik basshysy Dosybaı Aıtbaıuly saılaý naýqanyndaǵy kez kelgen daýly másele zań aıasynda sheshiletinin kesip aıtty.
Baqtııar TAIJAN,
«Egemen Qazaqstan».
Ońtústik Qazaqstan oblysy.