2015 jylǵy 27 aqpan, Astana qalasy
Elektr energııasyna shekti tarıfti jáne elektr qýatynyń ázirligin ustap turý boıynsha kórsetiletin qyzmetke shekti tarıfti bekitý
qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-baby 70-5) tarmaqshasyna sáıkes buıyramyn:
1. Qosa berilip otyrǵan Elektr energııasyna shekti tarıfti jáne elektr qýatynyń ázirligin ustap turý boıynsha kórsetiletin qyzmetke shekti tarıfti bekitý qaǵıdalary bekitilsin.
2. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is – sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq Qaǵıdalardyń 2016 jylǵy 1 qańtardan bastap kúshine enetin 9, 3 jáne 12 tarmaqtaryn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Energetıka mınıstri V.ShKOLNIK.
Qazaqstan Respýblıkasy Energetıka mınıstriniń
2015 jylǵy 27 aqpandaǵy №147 buıryǵymen bekitilgen
Elektr energııasyna shekti tarıfti jáne elektr qýatynyń ázirligin ustap turý
boıynsha kórsetiletin qyzmetke shekti tarıfti bekitý Erejesi
1. Jalpy erejeler
1. Osy Elektr energııasyna shekti tarıfti jáne elektr qýatynyń ázirligin ustap turý boıynsha kórsetiletin qyzmetke shekti tarıfti bekitý qaǵıdalary (budan ári - Qaǵıdalar) «Elektr energetıkasy týraly» 2004 jylǵy 9 shildedegi Qazaqstan Respýblıkasy Zańyna (budan ári - Zań) sáıkes ázirlendi jáne júktemeni kóterýge belgilengen tártipte attestasııalanǵan generasııalyq qondyrǵynyń elektr qýatynyń ázirligin ustap turý boıynsha júıelik operatorǵa energııa óndirýshi kásiporyndarmen kórsetiletin elektr energııasyna shekti tarıfti jáne elektr qýatynyń daıyndyǵyn ustap turý boıynsha kórsetiletin qyzmetke shekti tarıfti bekitý tártibin anyqtaıdy.
2. Osy Qaǵıdalarda mynadaı uǵymdar paıdalanylady:
1) elektr energııasyna arnalǵan shekti tarıf – energııa óndirýshi uıymdardyń jańa aktıvterdi qurýǵa, qolda bar aktıvterdi jańartýǵa, qoldaýǵa, rekonstrýksııalaýǵa jáne tehnıkalyq qaıta jaraqtandyrýǵa arnalǵan ınvestısııalaryn qarjylandyrý kózi retinde ınvestısııalyq quraýyshyn eskermeıtin, energııa óndirýshi uıymdar toby úshin elektr energııasyna arnalǵan bosatý tarıfiniń (baǵasynyń) bekitilgen eń joǵary shamasy;
2) elektr qýatynyń ázirligin ustap turý boıynsha kórsetiletin qyzmetke arnalǵan shekti tarıf – elektr qýatynyń naryǵyna qatysatyn energııa óndirýshi uıymdar úshin elektr qýatynyń (tenderlik negizde jańadan paıdalanýǵa beriletin generasııalaıtyn qondyrǵylardyń elektr qýatyn qospaǵanda) ázirligin ustap turý boıynsha kórsetiletin qyzmetke arnalǵan energııa óndirýshi uıymdar toptary boıynsha bekitilgen, ótemdiliktiń jeti jylǵa teń normatıvtik merzimi sheginde qolda bar óndiristik aktıvterdi jańartýǵa, qoldaýǵa, rekonstrýksııalaýǵa jáne tehnıkalyq qaıta jaraqtandyrýǵa salynǵan ınvestısııalardyń qaıtarymdylyǵyn qamtamasyz etetin tarıftiń (baǵanyń) eń joǵary shamasy;
3) ýákiletti organ – elektr energetıkasy salasyndaǵy basshylyqty júzege asyratyn memleketti organ.
Osy Qaǵıdalarda paıdalanylǵan basqa uǵymdar men anyqtamalar Zańǵa sáıkes qoldanylady.
2. Elektr energııasyna shekti tarıfti bekitý
3. Elektr energııasyna shekti tarıf jeti jyl merzimge bólinetin merzimde elektr energııasyn iske asyratyn energııa óndirýshi uıymdarmen toptary boıynsha bekitiledi jáne jyl saıyn túzetiledi.
4. Ýákiletti organ energııa óndirýshi uıymdardyń toptaryn bekitedi.
5. Energııa óndirýshi uıymdardyń toby kelesi krıterııler boıynsha qalyptastyrylady: energııa óndirýshi uıymdardyń tıpteri, belgilengen qýaty, paıdalanylatyn otyn túri, otynnyń ornalasqan jerinen qashyqtyǵy.
«Energııa óndirýshi uıymdardyń tıpi» krıterııi boıynsha energııa óndirýshi uıymdar elektr stansııalarynyń mynadaı tıpterine bólinedi:
1) kondensattyq – tek qana elektr energııasyn óndiretin elektr stansııasy;
2) jylý elektr ortalyǵy – elektr energııasyn óndirýmen qatar, jylýmen jabdyqtaýdyń ortalyqtandyrylǵan júıelerindegi jylý energııasy kózi bolyp tabylatyn elektr stansııasy;
3) gaz týrbınalyq - gaz tektes otyn túrin energııa kózi retinde paıdalanatyn elektr stansııasy;
4) sý elektr stansııasy – sý aǵymy energııasyn energııa kózi retinde paıdalanatyn elektr stansııasy;
Energııa óndirýshi uıymdar «belgilengen qýat» krıterııi boıynsha 100 MVt-qa deıin, 100 Mvt-tan 300 MVt-qa deıin, 300 MVt jáne odan joǵary bolyp bólinedi.
Energııa óndirýshi uıymdar «paıdalanylatyn otyn túri» krıterııi boıynsha kómirmen, jergilikti gazben, ımporttalǵan gazben, mazýtpen jumys isteıtinder bolyp bólinedi.
Energııa óndirýshi uıymdar «otynnyń ornalasqan jerinen qashyqtyǵy» krıterııi boıynsha 500 km-ge deıin, 500 km-den 1000 km-ge deıin, 1000 km-den odan joǵary bolyp bólinedi.
6. Eger energııa óndirýshi uıymnyń quramyna bir-birinen erekshelenetin birneshe elektr stansııasy kiretin bolsa, onda atalǵan energııa óndirýshi uıym jeke top bolyp qalyptasady.
7. Energııa óndirýshi uıym elektr energııasyna bosatylatyn baǵany derbes, biraq ózi engizilgen energııa óndirýshi uıymdardyń tıisti tobynyń shekti tarıfinen aspaıtyndaı etip belgileıdi.
8. Elektr energııasyna arnalǵan shekti tarıfter engizilgen jyldyń aldyndaǵy bir jyl ishinde elektr energııasyn ótkizetin energııa óndirýshi uıymdardyń tıisti tobynda qalyptasqan is júzindegi eń joǵary baǵa elektr energııasyna arnalǵan shekti tarıfti onyń qoldanylýynyń birinshi jylyna arnap aıqyndaý úshin baza bolyp tabylady.
3. Elektr qýatynyń ázirligin ustap turý boıynsha
kórsetiletin qyzmetke shekti tarıfti bekitý tártibi
9. Elektr qýatynyń ázirligin ustap turý boıynsha kórsetilgen qyzmetke arnalǵan shekti tarıfti elektr qýatynyń ázirligin ustap turý boıynsha qyzmetter kórsetetin energııa óndirýshi uıymdardyń toptary boıynsha jyldarǵa bóline otyryp, jeti jylǵa teń merzimde bekitiledi jáne salanyń ınvestısııalyq tartymdylyǵyn qamtamasyz etý qajettiligin eskere otyryp, jyl saıyn túzetiledi.
10. Ýákiletti organ elektr qýatynyń ázirligin ustap turý boıynsha qyzmetti kórsetetin energııa óndirýshi uıymdardyń toptaryn bekitedi.
11. Energııa óndirýshi uıym elektr qýatyn ustap turý boıynsha kórsetiletin qyzmetke baǵany derbes, biraq ózi engizilgen elektr qýatynyń ázirligin ustap turýy boıynsha qyzmet kórsetetin energııa óndirýshi uıymdardyń tıisti tobynyń shekti tarıfinen aspaıtyndaı etip belgileıdi.
12. Elektr qýatynyń ázirligin ustap turý boıynsha kórsetiletin qyzmetke arnalǵan shekti tarıfter engizilgen jyldyń aldyndaǵy 1 jyl ishinde elektr energııasyn ótkizetin energııa óndirýshi uıymdardyń tıisti tobynda qalyptasqan, ótemdiliktiń 7 jylǵa teń normatıvtik merzimi sheginde qolda bar óndiristik aktıvterdi jańartýǵa, ustap turýǵa rekonstrýksııalaýǵa jáne tehnıkalyq qaıta jaraqtandyrýǵa salynǵan ınvestısııalardyń qaıtarymdylyǵyn qamtamasyz etetin energııa óndirýshi uıymdardyń qarajaty elektr qýatynyń ázirligin ustap turý boıynsha kórsetiletin qyzmetke arnalǵan shekti tarıfti onyń qoldanylýynyń birinshi jylyna arnap aıqyndaý úshin baza (budan ári - Baza) bolyp tabylady.
13) Elektr qýatynyń daıyndyǵyn ustap turý boıynsha qyzmet kórsetetin energııa óndirýshi uıymdar úshin elektr qýatynyń daıyndyǵyn ustap turý boıynsha kórsetiletin qyzmetke shekti tarıf myna formýla boıynsha esepteledi:
Pbar bolǵan ort jyl.i – qolda bar ortasha jyldyq qýatynyń i- sol energııa óndirýshi uıym toptarynyń megavattqa (MVt);
Pjyl eń joǵ jeke tuti – jeke tutynýdyń eń joǵary qýatynyń somasyna i- sol energııa óndirýshi uıym toptarynyń megavattqa (MVt);
n – energııa óndirýshi kásiporyndar toptarynyń sany;
Elektr qýatynyń ázirligin ustap turý boıynsha kórsetiletin qyzmetke shekti tarıftiń birinshi qoldanylý jyly elektr energııasyn ótkizetin energııa óndirýshi uıymdardyń tıisti tobynyń jeke tutynýdyń eń joǵary qýatynyń somasy jáne generasııanyń qolda bar ortasha jyldyq qýatynyń is júzindegi mániniń somasy 2014 jyl úshin alynady.
Elektr qýatynyń ázirligin ustap turý boıynsha kórsetiletin qyzmettiń shekti tarıfiniń ólshemi mln. teńge/(MVt*aıyna) bolyp tabylady.
Buıryq Qazaqstan Respýblıkasynyń Ádilet mınıstrliginde 2015 jylǵy 3 sáýirdegi Normatıvtik quqyqtyq kesimderdi memlekettik tirkeýdiń tizilimine №10627 bolyp engizildi.