ASTANA. 18 aqpan. Japonııanyń Toyota avtokonserni qaýipsizdik beldiginen shyqqan aqaýǵa baılanysty 2,87 mıllıon kólikti keri shaqyrdy. Bul týraly TASS aqparat agenttigine silteme jasaǵan egemen.kz tilshisi habarlady.
Shaqyrylǵandar qatarynda Japonııa aımaǵyna taraǵan 2005-2014 jyldary shyqqan RAV4 jáne 2005-2016 jyldary shyqqan Vanguard úlgileri bar. Sondaı-aq, aqaýy bar kólikterdiń 1,1 mıllıony AQSh aımaǵyna taralǵan bolsa, Eýropada 625 myńy bar. Qytaıda 434 myń, Japonııada 177 myń jáne qalǵan 307 myń kólik ózge de memleketterge satylǵan.
Úsh mıllıonǵa jýyq shaqyrtý alǵan kóliktiń oryndyǵyndaǵy metaldyq tireýge baılanysty qaýipsizdik beldigi durys ornatylmaǵany anyqtaldy. Bul qateliktiń saldarynan jolaýshylar apat kezinde qatty zardap shegýi múmkin. Kompanııa basshylyǵy bul aqaýdyń bar ekenin Toyota kóliginiń eki júrgizýshisi jol apatyna ushyraǵannan keıin ǵana bilgen.
Aıta keteıik, aqpan aıynyń basynda Toyota avtokonserni AQSh-taǵy 320 myń kólikti keri shaqyrǵan. Qaýipsizdik jastyǵynyń esh sebepsiz iske qosylyp ketýinen kompanııa osyndaı qadamǵa bardy.
Aıan Ábdýálı.
Derek: TASS.
Sýret: carrrsmag.com.