«Nur Otan» partııasy Taldyqorǵan qalalyq fılıaly tóraǵasynyń birinshi orynbasary Ásııa Ahmetovanyń basshylyǵymen «Partııalyq monıtorıng» aksııasy ótti. Onda qala ákiminiń turǵyndar aldyndaǵy esebinde kóterilgen qalany kórkeıte túsý, turǵyn úı alý kezegine baılanysty birqatar másele kóterilip, týyndaǵan suraqtarǵa tıisti mekeme basshylary naqty jaýaptar qaıtardy.
Taldyqorǵan qalasynda búgingi tańda 12 600 adam baspana alý kezeginde tur. 1996 jylǵa deıin 95 paıyzy jekeshelengen kópqabatty turǵyn úılerdegi lıft jáne aǵymdaǵy jóndeý jumystaryna oraı naqty faktiler keltirile ótkir suraqtar qoıyldy.
«Turǵyn úı alý kezeginde turǵan azamattar tizimi turaqty túrde «Taldyqorǵan» gazetinde jarııalanýda. Jekeshelendirilgen kópqabatty turǵyn úılerdi jóndeý jumysy zańnama talabyna saı tıisti tulǵalarǵa berilgen. Qaladaǵy 245 aıaldamanyń 171-i jóndeýden ótti. Qaratal ózeniniń jaǵalaýyna salyna bastaǵan demalys aımaǵy aǵymdaǵy jyldyń jazynda aıaqtalyp qalady. Jastar saıabaǵy da rettestirilýde», – dedi Taldyqorǵan qalalyq turǵyn úı-kommýnaldyq sharýashylyq bóliminiń basshysy Maldybaı Qalıev.
Qoryta aıtqanda, «Nur Otan» partııasynan Taldyqorǵan qalalyq máslıhatyna úmitkerler túrli máseleler boıynsha qoıǵan saýaldaryna qalalyq mekemeler tarapynan qanaǵattanarlyq jaýap aldy.
Nurbol ÁLDIBAEV,
«Egemen Qazaqstan».
TALDYQORǴAN.