Yntymaqtastyq raıyndaǵy kezdesýler

О́tken sársenbi kúni Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Grýzııa Premer-mınıstri Georgıı Kvırıkashvılımen kelissózder júrgizdi, dep habarlady Premer-Mınıstrdiń baspasóz qyzmeti. Taraptar Qazaqstan men Grýzııa arasyndaǵy saýda-ekonomıkalyq qarym-qatynastardyń jaǵdaıyn, ónerkásip pen AО́K salasyndaǵy yntymaqtastyqty, eki eldiń tranzıttik áleýetin paıdalaný, atap aıtqanda, Transkaspıı halyqaralyq kólik baǵytyn paıdalaný, ınvestısııalardy ózara qorǵaý máselelerin talqylady. Qazaqstannyń birinshi vıse-premeri Grýzııada Dúnıejúzilik banktiń Doing Business reıtıngi sheńberinde júrgizilip jatqan reformalarmen tanysty. Buǵan deıin Baqytjan Saǵyn­taev Grýzııanyń vıse-premeri, ekonomıka jáne turaqty damý mınıstri Dmıtırıı Kýmsısh­vılımen kelissózder júrgizip, onyń barysynda saýda-ekono­mı­kalyq yntymaqtastyqtyń bel­sendiligin arttyra túsý máse­lelerin talqylady. Qazaqstan Premer-Mı­nıs­triniń birinshi orynbasary, son­daı-aq, Batýmı teńiz portynyń jáne «QazTransOıl» AQ-qa qa­raıtyn munaı termınalynyń jumystarymen de tanysty.