Dabyra urandatýlar az, naqty ister kóp bolýǵa tıis

«Nur Otan» partııasynyń respýblıkalyq Saılaýaldy shtabynda bolǵan kezinde Elbasy N.Á.Nazarbaev osylaı dedi

Memleket basshysy Nursultan Nazarbaev «Nur Otan» partııasynyń respýblıkalyq saılaýaldy shtabynda boldy, dep habarlady Prezıdenttiń baspasóz qyzmeti. Elbasy, partııa Tóraǵasy «Úgit-nasıhat jumystary jáne logıstıka tobynyń», «Uıymdastyrý jumystary tobynyń» jáne «Aqparattyq-saraptamalyq toptyń» qyzmetimen tanysty. Sondaı-aq, Qazaqstan Prezıdenti óńirlik shtabtar basshylarymen jáne múshelerimen beınekonferensııa reji­minde keńes ótkizip, barlyq oblystyq shtab­tardyń úgit-nasıhat naýqanyna daıyn­dyǵy týraly esepterin tyńdady. Nursultan Nazarbaev bul jolǵy elektorattyq kezeń Parlament Máji­li­si­men qatar barlyq deńgeı­degi más­lı­hattar saılaýynyń ótkizile­tin­di­gimen erekshelenetinin aıtty. – 20 aqpannan saılaý aldyndaǵy úgit-nasıhat bastalady. «Nur Otan» partııasynyń XVII sezinen keıin búkil elde eleýli jumystar atqaryldy. Qa­jetti úgit-nasıhattyq ónimder daıar­lan­dy, Respýblıkalyq jáne óńirlik shtab­tar quryldy, partııanyń kandıdat­tary saılaý aldyndaǵy naýqanǵa daıyn. Partııalyq tizimge ekonomıka sala­larynda, mádenıet pen qoǵamnyń áleý­mettik ómirinde jumys tájirıbesi bar, alýan túrli kásiptiń mamandary kirdi. Bul halyq muqtajdyqtaryn sheshetin kan­dıdattardyń quramy sapaly ekenin kórsetedi. Bizdiń partııa saılaýshylardyń daýy­syn ıelený úshin saılaý aldynda ashyq ári ádil kúres júrgizýge nıetti eke­nine senimdimin. Turaqty dıalog júrgizip, azamattarymyzdyń saýaldaryna dereý ún qatý kerek. Bizdiń jumysymyzdaǵy negizgisi osy, – dedi Qazaqstan Prezıdenti. Memleket basshysy kez kelgen saıası partııa úshin saılaý sheshýshi sát ekenin atap ótti. – Saılaý qorytyndysy boıynsha partııany ǵana emes, onyń maqsattary men baǵdarlamalaryn qoldaý deńgeıi de anyqtalady. Elektorattyq naýqan uıymdastyrýshylyq jáne kadrlyq áleýetti, saıası jáne praktıkalyq múm­kindikterdi jańa qyrynan ashýǵa múm­kindik beredi. Saılaý naýqandary par­tııa kadrlaryn nyǵaıtady jáne jańar­tady, ony jańa belsendilermen, jaq­tas­tarmen tolyqtyrady, bolashaqta el bas­shylyǵyna aralasatyn talantty saıasat­kerlerdi tanytady. Árbir saılaý – partııa qurylysyndaǵy jańa baspaldaq, – dedi Nursultan Nazarbaev. Qazaqstan Prezıdenti aldaǵy úgit-na­sıhat naýqanynyń negizgi aspektilerine toq­taldy. Atap aıtqanda, Elbasy «Nur Otan» búginde daǵdarysqa qarsy turaq­tan­dyrýshy partııa bolyp sanalatynyna nazar aýdardy. – О́zimizdiń saıası, zań shyǵarýshylyq baı tájirıbemizdi, kadrlyq áleýetimizdi biz jahandyq daǵdarystyń yqpalyna qarsy tıimdi is-qımyl jasaýǵa baǵyttaımyz. Meniń taıaýda ótken Úkimet otyrysynda daǵdarysqa qarsy kúres jóninde bergen tapsyrmalarymnyń mańyzdylyǵyn barlyq qazaqstandyqtarǵa túsindirýge aıryqsha den qoıý qajet, – dedi Memleket basshysy. Qazaqstan Prezıdenti partııanyń negizgi mindeti Ult Josparyn tıimdi oryndaý, «Qazaqstan-2050» Strategııasynyń basty maqsatyna qol jetkizý, sondaı-aq, «Nurly Jol» memlekettik baǵdarlamasyn júzege asyrý bolyp tabylatynyn aıtty. – Túptep kelgende, osynyń bári árbir azamatymyz úshin jaǵdaı jasaıdy. Osynyń bári árbir qazaqstandyq laıyqty jumyspen qamtylyp, joǵary kásibı biliktilikke ıe bolýy úshin jasalýda, – dedi Nursultan Nazarbaev. Memleket basshysy saılaý shtabtary qarapaıym azamattardyń muń-muqtajyna aıryqsha kóńil bólgeni jón ekenin aıtty. – Elektorattyq kezeńde qoǵamdyq qabyldaýlardyń jumystaryn jandandyrý mańyzdy. Depýtattyqqa kandıdattar kúndelikti tártip boıynsha azamattardy qabyldaýy tıis. Senimdi tulǵalar belsendi jumys isteýi kerek. Jurttardyń barlyq saýaldaryna jedel ári naqtyly ún qatyp, máselelerin sheshýge kómektesý qajet, – dedi Qazaqstan Prezıdenti. Nursultan Nazarbaev azamattyq tatý­lyq, quqyq tártibi, zańǵa baǵynýshylyq «Nur Otan» partııasy qoǵamda ornyqtyrýǵa umtylyp otyrǵan basty negizder ekenine nazar aýdardy. – Birlik, turaqtylyq, jasampazdyq – bizdiń barsha qazaqstandyqtarǵa tastaıtyn basty partııalyq uranymyz, – dedi Memleket basshysy. Qazaqstan Prezıdenti álemdik ahýaldyń shıryǵýy jaǵdaıynda bizdiń el teńgerimdi syrtqy saıasat júrgizip, jahandyq dıalogty ilgeriletip, senimdi qalpyna keltirýge shaqyratynyn aıtty. – Bizdiń syrtqy saıası baǵdarymyz – Qazaqstanmen ózara is-qımylǵa múddeli barlyq memlekettermen tıimdi yntymaqtastyq ornatý. Bizdiń shekaramyz árqashan dostyq pen tatý kórshiliktiń shekarasy, al búkil Ortalyq Azııa óńiri turaqty ári qaýipsiz bolyp qalýy tıis. Biz úlken Eýrazııany senimniń, yntymaqtastyqtyń, tyǵyz ekonomıkalyq baılanystardyń, ortaq qaýipsiz keńistiktiń qurlyǵy retinde qalyptastyrý jaǵyndamyz, – dedi Nursultan Nazarbaev. Memleket basshysy jańa saılaýaldy baǵ­dar­lamanyń erejeleri Qazaqstandy jańa ja­handyq naqty ahýal jaǵdaıynda tabysty damytý jónindegi pragmatıkalyq mindetterdi qamtıtynyn aıtty. – Jańa jaǵdaılarǵa beıimdelý qajet. Shıkizat baǵasynyń kóterilýin kútpeı, kún saıyn qajyrly eńbektený kerek. Álemde paıdaly qazbalarsyz da ómir súrip jatqan damyǵan elderdiń mysaly kóp, – dedi Qazaqstan Prezıdenti. Nursultan Nazarbaev «Nur Otannyń» barlyq azamattarǵa túsinikti saılaýaldy naýqanyn júrgizýi kerektigin aıtty. – Sherýletý men jasandylyqtyń qajeti joq. Árıne, buqaralyq úgit sharalary mańyzdy, biraq bastysy bul emes. Árbir adamǵa sózimiz jetýi, jumysymyzdyń mánin BAQ pen belsendiler arqyly túsindirý mańyzdyraq. Dabyra urandatýlar az, naqty ister kóp bolýǵa tıis. Bul úshin partııalyqtar qoǵamnyń barlyq toptarynyń – aýyl men qala turǵyndarynyń, kásipkerler men zııaly qaýymnyń muń-muqtajyn bilýi jáne eskerýi kerek. Elektorattyq kezeńdi azamattarymyzdy toptastyrýǵa, qoǵamdaǵy turaqtylyq pen birlikti odan ári nyǵaıtýǵa qoldaný qajet, – dedi Memleket basshysy. Qazaqstan Prezıdenti barlyq partııa uıymdary men saılaý shtabtary qoldanystaǵy saılaý zańnamasyn jáne elimizdiń Konstıtýsııasyn qatań saqtaýdyń úlgisi bola bilýge tıis ekenine nazar aýdardy. – Búginde saılaýǵa qatysatyn barlyq saıa­sı partııalar úshin absolıýttik teń quqyq qam­ta­masyz etilgen. Investısııalar jáne damý jónin­degi mınıstrlik Ortalyq saılaý komıssııasy­men birlesip, barlyq saıası partııalar úshin buqa­ralyq aqparat quraldaryna teńdeı qol jetkizý múmkindigin qamtamasyz etýi kerek. Alda­ǵy saılaý halyqaralyq qoǵamdastyqtyń zor qy­zy­ǵýshylyǵyn týdyryp otyr. Biz barlyq shetel­dik baıqaýshylar, halyqaralyq qoǵamdyq birles­tikter úshin ashyqpyz jáne olarǵa qajetti barlyq jaǵdaıdy jasaımyz, – dep atap ótti Nursultan Nazarbaev. Memleket basshysy Bas prokýratýraǵa qazirgi elektorattyq sıkl barysynda zańdylyqtyń qatań saqtalýyn qadaǵalaý, ondaı jaıttar baıqalǵan jaǵdaıda jedel sharalar qabyldaý tapsyrylǵanyn aıtty. Nursultan Nazarbaev aldaǵy Májilis jáne máslıhattar saılaýlarynyń eleýli tarıhı oqıǵa jylynda – Qazaqstan Táýelsizdiginiń 25 jyldyǵynda ótkeli otyrǵanyna toqtaldy. – Osy ýaqyt ishinde biz búkil álemge tanymal tabysty memleket quryp úlgerdik. Meniń esime BUU-nyń burynǵy Bas hatshysy K.Annannyń sózi túsip otyr, ol elimizde bolǵanda Qazaqstandy bizdiń álem kartasyna ornalastyrǵanymyzdy aıtyp edi. Shynynda da solaı. Táýelsizdiktiń bastapqy shırek ǵasyry halqymyz úshin qıyn sheshimder men synaqtar jyldary boldy. Biz birneshe daǵdarysty tabysty eńserdik, – dedi Qazaqstan Prezıdenti. Memleket basshysy «Nur Otannyń» 17 jyldan beri Úkimetti qurap, halyqty sońynan ertip kele jatqan jáne Parlamentte kópshilik orynǵa ıe partııa ekenin eske saldy. – «Nur Otanmen» birge Qazaqstan kóp nársege qol jetkizdi. Bizdiń partııa – búgin ne isteý kerek ekendigin biletin saıası kúsh. Bir kezde Konfýsıı: «Halyqty basqarǵyń kelse, onyń sońyna er» degen. Biz osy jyldardyń bárinde naq solaı istedik. Bizdiń tereń oılastyrylǵan strategııa jáne josparlarymyz bar, biz elimiz tek alǵa basý úshin qoǵamdy uıystyryp, Qazaqstandy damytý maqsatyn kózdep otyrmyz. Bizdiń barlyq partııalyq shtabtarymyz ortalyqta da, jergilikti óńirlerde de qarqyndy saılaýaldy jumysyn júrgizedi dep senemin. Bul úshin resýrstar, kadr­lar, mıllıondaǵan jaqtaýshylarymyzdyń qoldaýy – qajettiniń bári bar, – dedi Nursultan Nazarbaev. Sondaı-aq, Qazaqstan Prezıdenti bizdiń el aıasynda Qazaqstannyń kópultty halqy turatyn jáne barshanyń teń quqyǵy qamtamasyz etilgen alyp shańyraqqa aınalǵanyn aıtty. – Bul qaǵıdattar bizdiń Konstıtýsııamyzda jáne zańdarymyzda kórinis tapqan, «Nur Otan» partııasy olardyń qatań saqtalýyna qol jetkizýi tıis. Qandaı da bir etnostyń quqyǵy buzylýyna jol berýge bolmaıdy. Adamzattyń búkil tarıhynda óziniń ózgelerden artyqshylyǵyn aıtqan birde-bir ult tabysqa jetken emes. Táýelsizdik tarıhy bizdi birlikke, eńbeksúıgishtikke, tutastyqqa úıretti, – dedi Memleket basshysy. Nursultan Nazarbaev qazaqstandyqtardyń qazirgi jas býynynyń úlesine táýelsiz jańa memleketti qurý mıssııasy tıgenin atap ótti. – Biz keremet elde jáne keremet kezeńde ómir súrip otyrmyz. Dál osy jyldar tarıhqa kiredi jáne bul kezeń týraly kitaptar jazylatyn bolady, bizdiń mindetimiz – Qazaqstandy ózimiz jáne urpaqtarymyz úshin shattyqqa toly shańyraqqa aınaldyrý, – dedi Memleket basshysy. Sondaı-aq, Qazaqstan Prezıdenti buqaralyq aq­parat quraldary ókilderine sóz arnap, olar barlyq kem-ketikti jarııalap-kórsetý arqyly mem­le­ketti nyǵaıtý isine óz úlesin qosýy tıistigin aıtty. – Naǵyz patrıot – óz elin maqtaıtyn adam emes, qaıta kemshilikterdi kórip, unamsyz tus­tar­dy jóndeýge yqpal etetin adam. Saılaý ja­l­pyhalyqtyq is bolyp sanalady. Biz daǵdarystan memleketimizdegi birlik pen turaqtylyq arqasynda ótip shyǵa alamyz, – dedi Nursultan Nazarbaev. Sońynda Memleket basshysy qazaq­stan­dyq­tardy jumylyp, aldaǵy saılaýda daýys berý ar­qyly azamattyq boryshtaryn atqarýǵa shaqyrdy. Saılaýaldy shtab jetekshisi A.Myrzahmetov Qazaqstan Prezıdentine elektorattyq naýqan mindetterin júzege asyrý úshin saılaýaldy shtabtar júıesi qurylǵanyn baıandady, oǵan Respýblıkalyq saılaýaldy shtaby, sondaı-aq, 16 óńirlik jáne oblystardaǵy, Astana men Almaty qalalaryndaǵy 208 aýmaqtyq shtabtar kiredi. Keńes barysynda, sonymen qatar, Qazaq ulttyq óner ýnıversıtetiniń rektory A.Musaqojaeva, «Atameken» ulttyq kásipkerler palatasy basqarmasy tóraǵasynyń orynbasary N.Áltaev, «Kommersııalyq televızııalyq kanal» AQ-tyń tól habarlaryn taratý jónindegi dırektory A.Platonov sóz sóıledi. Sýretterdi túsirgender S.BONDARENKO, B.OTARBAEV.