2016 jylǵy 20 qańtar,Astana qalasy
Qazaqstan Respýblıkasynyń Memlekettik qyzmet isteri mınıstrliginiń reglamenti týraly
Qazaqstan Respýblıkasynyń 2000 jylǵy 27 qarashadaǵy «Ákimshilik rásimder týraly» Zańynyń 9-1 baby 1-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasynyń Memlekettik qyzmet isteri mınıstrliginiń reglamenti (budan ári – Reglament) bekitilsin.
2. Qazaqstan Respýblıkasynyń Memlekettik qyzmet isteri mınıstrliginiń Sybaılas jemqorlyqqa qarsy is-qımyl jónindegi ulttyq bıýrosy, qurylymdyq bólimsheleri, aýmaqtyq organdary, vedomstvoǵa baǵynysty uıymdarynyń basshylary Reglamentti múltiksiz saqtaýdy qamtamasyz etsin.
3. Qazaqstan Respýblıkasynyń Memlekettik qyzmet isteri mınıstrliginiń Zań departamenti:
1) Qazaqstan Respýblıkasy Ádilet mınıstrliginde osy buıryqtyń memlekettik tirkelýin;
2) onyń zańnamada belgilengen tártippen resmı jarııalanýyn;
3) osy buıryqtyń Qazaqstan Respýblıkasy Ádilet mınıstrliginde memlekettik tirkeliminen keıin on kalendarlyq kúnnen keıin Qazaqstan Respýblıkasy Ádilet mınıstriliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin joldanýyn qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Memlekettik qyzmet isteri mınıstrliginiń Jaýapty hatshysyna júktelsin.
5. Osy buıryq onyń birinshi resmı jarııalaný kúninen keıin qoldanysqa engiziledi.
Mınıstr T.DONAQOV.
Qazaqstan Respýblıkasy Memlekettik qyzmet isteri mınıstriniń
2016 jylǵy 20 qańtardaǵy № 8 buıryǵymen bekitilgen
Qazaqstan Respýblıkasy Memlekettik qyzmet isteri mınıstrliginiń Reglamenti
1. Jalpy erejeler
1. Osy Qazaqstan Respýblıkasy Memlekettik qyzmet isteri mınıstrliginiń Reglamenti (budan ári – Reglament) Qazaqstan Respýblıkasynyń Konstıtýsııasyna, zańdaryna, Prezıdent, Úkimet aktilerine, Mınıstrlik týraly Erejege jáne Qazaqstan Respýblıkasynyń ózge de normatıvtik quqyqtyq aktilerine sáıkes Qazaqstan Respýblıkasy Memlekettik qyzmet isteri mınıstrliginiń (budan ári – Mınıstrlik), sybaılas jemqorlyqqa qarsy is-qımyl jónindegi Ulttyq bıýronyń (budan ári – Ulttyq bıýro), qurylymdyq jáne aýmaqtyq bólimshelerdiń jáne vedomstvoǵa qarasty uıymdardyń Mınıstrlikke júktelgen fýnksııalardy oryndaý prosesindegi qyzmeti qaǵıdalaryn aıqyndaıdy.
2. Osy Reglamentte belgilengen talaptar Mınıstrliktiń ortalyq apparatynyń, sybaılas jemqorlyqqa qarsy is-qımyl jónindegi Ulttyq bıýronyń, aýmaqtyq bólimsheler men vedomstvoǵa qarasty uıymdardyń barlyq qyzmetkerlerine qoldanylady.
3. Qupııa emes is júrgizýdi uıymdastyrý jáne júrgizý, hat-habardy qabyldaý, óńdeý men bólý, onyń ishinde elektrondyq qujat aınalymyn júrgizý Qazaqstan Respýblıkasynyń 1998 jylǵy 24 naýryzdaǵy «Normatıvtik quqyqtyq aktiler týraly» (budan ári – NQA týraly Zań), 2000 jylǵy 27 qarashadaǵy «Ákimshilik rásimder týraly» (budan ári – Ákim.rásimder týraly Zań), 2003 jylǵy 7 qańtardaǵy «Elektrondyq qujat aınalymy men elektrondyq sıfrlyq qoltańba týraly», 2007 jylǵy 12 qańtardaǵy «Jeke jáne zańdy tulǵalardyń ótinishterin qaraý tártibi týraly» (budan ári – Azamattardyń ótinishterin qaraý jónindegi Zań) zańdarynyń talaptaryna jáne Qazaqstan Respýblıkasynyń ózge de normatıvtik quqyqtyq aktilerine sáıkes osy Reglamentte aıqyndalady.
Qupııa emes is júrgizýdi uıymdastyrý men júrgizý Qazaqstan Respýblıkasynyń 1999 jylǵy 15 naýryzdaǵy «Memlekettik qupııalar týraly» Zańyna jáne Úkimettiń 2000 jylǵy 14 naýryzdaǵy № 390-16s qaýlysymen bekitilgen Qazaqstan Respýblıkasynda qupııalylyq rejımin qamtamasyz etý jónindegi Nusqaýlyqqa (budan ári – Qupııalylyq rejımin qamtamasyz etý jónindegi nusqaýlyq) sáıkes júzege asyrylady.
4. Mınıstrliktiń apparatynda uzaqtyǵy segiz saǵattyq jumys ýaqyty belgilendi, jumystyń bastalýy 9 saǵat 00 mınýt, jumystyń aıaqtalýy – 18 saǵat 30 mınýt. Túski úzilis 13.00-den 14.30-ǵa deıin.
2. Jumysty josparlaý
5. Mınıstrlik óz jumysyn strategııalyq jáne operasııalyq josparlarǵa, sondaı-aq toqsanǵa, jylǵa jáne uzaq merzimge jasalatyn jumys josparlaryna sáıkes júzege asyrady.
Mınıstrlikte jumysty josparlaý Qazaqstan Respýblıkasynyń strategııalyq jáne baǵdarlamalyq qujattaryna, Qazaqstan Respýblıkasynyń Premer-Mınıstriniń aktileri men tapsyrmalaryna, joǵary turǵan organdardyń aktileri men memlekettiń laýazymdy tulǵalarynyń tapsyrmalaryna negizdeledi.
6. Strategııalyq josparda kózdelgen mindetterdiń týra nátıjeleriniń maqsatty ındıkatorlary men kórsetkishterine qol jetkizý Mınıstrliktiń qurylymdyq bólimsheleriniń, onyń ishinde Ulttyq bıýronyń birinshi kezektegi mindeti bolyp tabylady.
7. Strategııalyq jospar memlekettik josparlaý jónindegi ortalyq ýákiletti organnyń kelisimi boıynsha Qazaqstan Respýblıkasy Memlekettik qyzmet isteri mınıstriniń (budan ári – Mınıstr) buıryǵymen bekitiledi.
8. Qazaqstan Respýblıkasynyń on jyl merzimge Strategııalyq damý josparyn iske asyrýǵa Mınıstrlik jyl saıyn 1 qarashaǵa deıin kezekti qarjylyq jylǵa Memorandým ázirleıdi, oǵan Mınıstr qol qoıady jáne Qazaqstan Respýblıkasynyń Premer-Mınıstri bekitedi.
Memorandýmdy ázirleý aldyńǵy jyldyń negizgi maqsatty ındıkatorlaryna qol jetkizýdi baǵalaýdy eskere otyryp, júzege asyrylady.
9. Operasııalyq jospar jyl saıyn jasalady jáne Mınıstrmen kelisilgen soń, Mınıstrliktiń jaýapty hatshysy Mınıstrliktiń Strategııalyq josparyna qol qoıylǵan kúnnen bastap on kúntizbelik kún ishinde ony bekitedi jáne Mınıstrliktiń veb-portalynda ornalastyrylady.
Operasııalyq jospar Mınıstrliktiń Strategııalyq josparynda kózdelgen maqsattar men maqsatty ındıkatorlarǵa qol jetkizý úshin qajetti is-sharalardy jáne Mınıstrlik týraly Erejede aıqyndalǵan ózge de mindetterdi, qurylymdyq bólimshelerdiń, Ulttyq bıýronyń jáne vedomstvoǵa qarasty uıymdardyń qyzmetin qosa alǵanda, onyń barlyq qyzmet salasyn qamtıdy.
10. Mınıstrliktiń jumys josparlaryn Mınıstrliktiń jaýapty hatshysy bekitedi.
Jumys josparlary naqty qyzmet kórsetkishteri kórsetilgen is-sharalardy qamtıdy, olardyń oryndalýyna Mınıstrliktiń jáne Ulttyq bıýronyń qurylymdyq bólimsheleri jaýap beredi, mindetti túrde Mınıstrliktiń Strategııalyq ázirlemeler men halyqaralyq baǵdarlamalar departamentimen kelisiledi.
Ulttyq bıýronyń jumys josparlaryn onyń Tóraǵasy Mınıstrlikpen kelise otyryp, bekitedi.
Ulttyq bıýronyń jumys josparlarynyń negizgi is-sharalary Mınıstrliktiń strategııalyq mindetterin iske asyrýǵa baǵyttalǵan jáne Mınıstrliktiń strategııalyq jospary men jumys josparlaryna biriktiriledi.
11. Mınıstrliktiń bekitilgen jumys josparlary josparlanǵan kezeń bastalǵanǵa deıin 3 kúntizbelik kúnnen keshiktirmeı vıse-mınıstrlerge, Mınıstrliktiń qurylymdyq bólimsheleriniń basshylaryna tanysý jáne odan ári oryndalýy úshin jiberiledi.
Mınıstrliktiń Ákimshilik departamentiniń uıymdastyrý-baqylaý basqarmasy (budan ári – UBB) jumys josparlarynyń oryndalý merzimi boıynsha baqylaý júrgizedi.
12. О́tken jyldyń qorytyndysy boıynsha Mınıstrliktiń strategııalyq, operasııalyq josparlaryn jáne Mınıstrliktiń jumys josparlaryn, Memorandýmdy iske asyrý barysy týraly esebi qurastyrylady.
13. Josparly is-sharalardy iske asyrý týraly materıaldardy bólimshe basshylary josparlarda kózdelgen merzimde daıyndaıdy jáne bólingen mindetterge sáıkes jetekshilik etýshi vıse-mınıstrlermen, jaýapty hatshymen kelisiledi, odan soń Mınıstrge jiberiledi.
Jaýapty hatshy Mınıstrliktiń jumys josparynyń oryndalý barysy týraly aı saıyn Mınıstrge baıandap otyrady.
14. Strategııalyq jospardy, Memorandýmdy ázirleý, iske asyrý, monıtorıng, taldaý, is-sharalardy túzetý men jyl saıyn bekitý boıynsha jumystardy úılestirýdi Mınıstrliktiń Strategııalyq ázirlemeler men halyqaralyq baǵdarlamalar departamenti júzege asyrady.
Mınıstrliktiń qurylymdyq bólimsheleri osy jumysty úılestirý maqsatynda Strategııalyq ázirlemeler men halyqaralyq baǵdarlamalar departamentiniń suratýy boıynsha kórsetilgen merzimde jáne kólemde qajetti aqparatty beredi.
15. Strategııalyq josparǵa ózgerister men tolyqtyrýlar engizý kezinde Operasııalyq jospar da, qajet bolǵan jaǵdaıda, Mınıstrliktiń jumys josparlary da túzetiledi.
Josparlarǵa túzetýler Mınıstrliktiń, Ulttyq bıýronyń qurylymdyq bólimsheleri basshysynyń dáleldi qyzmettik jazba haty negizinde engiziledi.
3. Alqa otyrystaryn, keńesterdi josparlaý, daıyndaý jáne ótkizý tártibi
16. Mınıstrliktiń alqasy (budan ári – Alqa) Mınıstr janyndaǵy konsýltatıvtik-keńesshi organy bolyp tabylady.
Alqa otyrysynyń qorytyndysy boıynsha sheshimderdi Mınıstrliktiń qurylymdyq bólimsheleri, Ulttyq bıýro, aýmaqtyq organdar oryndaýǵa tıis.
Alqanyń sandyq jáne jeke quramyn Mınıstr bekitedi jáne ol vıse-mınıstrlerdi, jaýapty hatshy, Ulttyq bıýro tóraǵasy men Mınıstrliktiń qurylymdyq bólimsheleriniń basshylarynan quralady.
17. Mınıstrliktiń alqa otyrystary alqanyń kún tártibine sáıkes memlekettik jáne orys tilderinde júrgiziledi. Alqa otyrysy ashyq bolyp tabylady. Mınıstr Alqanyń jabyq otyrysyn ótkizý týraly habarlaı alady. Alqa otyrystarynda qaralatyn suraqtardyń sany shektelmeıdi.
Alqa Mınıstrliktiń esepti kezeńge qyzmet nátıjeleri jáne aldaǵy jylǵa negizgi mindetter boıynsha Qazaqstan Respýblıkasy Premer-Mınıstriniń Keńsesi usynǵan alqa otyrysyn ótkizý kestesine sáıkes Qazaqstan Respýblıkasy Premer-Mınıstriniń qatysýymen ótkiziledi.
18. Mınıstrdiń sheshimi boıynsha kezekten tys alqa otyrystary ótkizilýi múmkin.
Alqa otyrysy, eger oǵan onyń músheleriniń jalpy sanynyń keminde úshten ekisi qatysyp otyrǵan jaǵdaıda, zańdy bolyp sanalady.
Alqa músheleri otyrystarǵa almastyrý quqyǵynsyz qatysady.
19. Alqanyń jumys josparyn Mınıstrdiń tapsyrmasy, vıse-mınıstrlerdiń, jaýapty hatshynyń, Mınıstrliktiń qurylymdyq bólimsheleriniń, Ulttyq bıýronyń usynystary negizinde UBB ázirleıdi jáne Mınıstrdiń buıryǵymen bekitiledi.
20. Mınıstrliktiń alqa otyrysyna memlekettik organdardyń ókilderi, olardyń aralas qyzmet salalarynda vedomstvoaralyq úılestirý mindetterine qaraı, sondaı-aq Mınıstrdiń sheshimi boıynsha úkimettik emes uıymdardyń ókilderi shaqyrylady.
21. Mınıstrliktiń qurylymdyq bólimsheleri qajetti aqparattyq jáne prezentasııalyq materıaldardy memlekettik jáne orys tilderinde ádette, alqa otyrysyna deıin 10 (on) jumys kúninen keshiktirmeı UBB-ǵa ýaqytyly beredi.
Uıymdastyrý-baqylaý basqarmasy materıaldardy Alqa tóraǵasy men Alqa múshelerine otyrystyń bolatyn kúnine deıin 3 kúntizbelik kúnnen keshiktirmeı beredi.
Alqanyń kezekten tys otyrysyn ótkizgen kezde qaralatyn máseleler boıynsha materıaldar UBB-ǵa ony ótkizetin kúni engiziledi jáne Alqa otyrysynyń qatysýshylaryna tikeleı Alqa otyrysynda jetkiziledi.
Alqanyń qaraýyna engiziletin materıaldardy ýaqytyly daıyndaý men sapasy úshin Mınıstrliktiń jáne Ulttyq bıýronyń máseleni qaraý jóninde bastama kótergen qurylymdyq bólimsheleriniń basshylary jaýap beredi.
Mınıstrliktiń, Ulttyq bıýronyń qurylymdyq bólimsheleri usynǵan aqparat negizinde Mınıstrdiń baıandamasy, prezentasııalyq materıaldar, sondaı-aq Mınıstrliktiń basshylyǵy men alqa qatysýshylary úshin basqa qajetti úlestirme materıaldar daıyndalady.
Qajet bolǵan jaǵdaıda, Mınıstrliktiń naqty suraq boıynsha Alqa otyrysyn ótkizýdiń ózge tártibi belgilenýi múmkin.
22. UBB Alqa otyrysynda qaraý úshin usynylǵan materıaldardyń daıyndyǵy dárejesin zerdeleıdi jáne Mınıstrge olardyń daıyndyǵy týraly baıandaıdy, Alqa otyrysynyń kún tártibi men jumys reglamenti bekitiledi.
Alqa Tóraǵasy:
1) Alqa otyrystaryna tóraǵalyq etedi;
2) Alqanyń jumysyn uıymdastyrady;
3) Alqanyń jumys josparyn, Alqanyń kún tártibin, jumys reglamentin, otyrysty ótkizý kúni, ýaqyty men ornyn, júrgizý tártibi men ózge de qajetti qujattar men materıaldardy bekitedi;
4) Alqanyń qaraýyna engizilgen máseleler boıynsha baıandamashylardy aıqyndaıdy.
Josparlanǵan suraqtardy alyp tastaý jáne kún tártibine josparlanbaǵan suraqtardy engizýge tek Mınıstrdiń sheshimimen ruqsat etiledi.
23. Alqa músheleri:
1) Alqanyń qaraýyna engizilgen máseleler boıynsha daýys beredi;
2) josparlanǵan suraqtardy alyp tastaý jáne Alqanyń qaraýy úshin kún tártibine josparlanbaǵan suraqtardy engizý jóninde usynystar engizedi.
Alqa músheleri erekshe pikir aıta alady, ol jazbasha túrde baıandalady jáne Alqa otyrysynyń hattamasyna qosa beriledi.
Alqa otyrysy onyń músheleriniń kópshilik daýysymen qabyldanady. Daýystar teń bolǵan jaǵdaıda, Alqa Tóraǵasy daýys bergen sheshim qabyldanǵan bolyp esepteledi.
24. Bolǵan talqylaýdy eskere otyryp, máseleni daıyndaǵan bólimshe 1 jumys kúni ishinde Alqa otyrysynyń hattamasyn, basqa materıaldardy pysyqtaıdy jáne olardy jetekshilik etýshi vıse-mınıstrler jáne/nemese jaýapty hatshymen kelisken soń UBB-ǵa beredi.
Alqa otyrysy hattamasynyń memlekettik jáne orys tilderindegi jobasy vıse-mınıstrlermen jáne/nemese jaýapty hatshymen jáne Mınıstrliktiń múddeli qurylymdyq bólimshelerimen kelisken soń, Alqa otyrysy ótkizilgen kúnnen 3 jumys kúninen keshiktirmeı Alqa Tóraǵasynyń qol qoıýy úshin usynylady.
Eger hattama jobasyn kelisý barysynda qurylymdyq bólimshelerdiń arasynda jekelegen suraqtar boıynsha kelispeýshilikter týyndasa, daýly másele boıynsha sońǵy sheshimdi Mınıstr qabyldaıdy.
Qazaqstan Respýblıkasy Premer-Mınıstriniń tóraǵalyǵymen ótetin alqa qorytyndysy boıynsha hattama jobasy múddeli qurylymdyq bólimshelermen jáne Mınıstrliktiń basshylyǵymen kelisilgen soń Qazaqstan Respýblıkasy Premer-Mınıstriniń Keńsesine jiberiledi.
Alqa otyrysynyń hattamasy oǵan Alqa tóraǵasy qol qoıǵan soń, biryńǵaı elektrondyq qujat aınalymy júıesinde tirkeledi jáne dereý tanysý jáne oryndaý úshin hattamada oryndaýshylar retinde kórsetilgen tulǵalarǵa jáne bólimshelerge, sondaı-aq baqylaýǵa qoıý men ony júzege asyrý, hattamanyń túpnusqalaryn saqtaýdy uıymdastyrý úshin UBB-ǵa jiberiledi.
Alqa sheshimderiniń sapaly jáne ýaqytyly oryndalýyn qamtamasyz etý maqsatynda olardyń tujyrymdary naqty sharalar qabyldaý týraly anyq jáne naqty tapsyrmalardy, sondaı-aq oryndaý merzimin qamtýy tıis.
Alqa otyrysynyń hattamasynda tapsyrmany oryndaýdyń naqty merzimi («turaqty», «jyl ishinde») aıqyndalmasa, onda olar Mınıstrge habarlana otyryp, esepti jyl ishinde osy kezeń ótken soń oryndalady.
Alqa sheshimderine sáıkes daıyndalǵan buıryqtar, qyzmettik jazbalar, hattar tapsyrmalarǵa vıse-mınıstrler jáne/nemese jaýapty hatshy qol qoıady jáne Alqa otyrysynyń hattamasynda belgilengen merzimde Mınıstrge usynylady.
25. UBB alqa otyrysyn uıymdastyrý jumystaryn júzege asyrady, is júrgizedi, jyl saıyn Alqany ótkizý tájirıbesin zerdeleıdi jáne qorytady jáne Mınıstrge onyń qyzmetin jetildirý sharalary týraly usynystar engizedi.
26. Alqa jumysynyń qorytyndysy týraly aqparat Mınıstrliktiń resmı ınternet-resýrsynda ornalastyrylady.
27. Mınıstr apta saıyn dúısenbi kúni Mınıstrliktiń quzyretine kiretin máseleler, Mınıstrlikke júktelgen mindetter men is-sharalardy júzege asyrý, sondaı-aq eńbek jáne oryndaýshylyq tártipti saqtaý men Mınıstrliktiń qyzmetiniń asa ózekti máselelerine qatysty basqa da máseleler boıynsha apparattyq keńes ótkizedi.
Apparat keńesterine vıse-mınıstrler, jaýapty hatshy, qurylymdyq bólimshelerdiń basshylary, sondaı-aq Ulttyq bıýronyń Tóraǵanyń orynbasarynan tómen emes deńgeıdegi ókili qatysady.
Qurylymdyq bólimsheler basshylary bolmaǵan kezde olardy almastyratyn tulǵalar qatysady.
Apparattyq keńesterdi uıymdastyrý men ótkizýdi Mınıstrliktiń Ákimshilik departamenti qamtamasyz etedi.
Apparattyq keńeste qaralýy úshin josparlanǵan suraqtar boıynsha qajetti materıaldardy qurylymdyq bólimsheler Mınıstrliktiń Ákimshilik departamentine keńes ótkizilgenge deıin eki kúntizbelik kún buryn, odan keshiktirmeı usynady.
Keńes barysynda berilgen tapsyrmalar apparattyq keńes hattamasynda kórsetiledi.
Mınıstr apparattyq keńesti ótkizýdiń belgilengen tártibin ózgerte alady.
Mınıstrlik basshylyǵy nemese qurylymdyq bólimshelerdiń basshylary usynǵan ózge de suraqtar boıynsha jedel keńester ótkiziledi.
Jedel keńester Qazaqstan Respýblıkasy Prezıdentiniń aktileri men tapsyrmalaryn iske asyrý máseleleri boıynsha da ótkiziledi. Bul keńester Prezıdent Ákimshiliginiń, Premer-Mınıstri Keńsesiniń Mınıstrliktiń qyzmetine jetekshilik etetin ókilderiniń qatysýymen ótkizilýi múmkin.
28. Aıyna keminde eki ret Mınıstrliktiń aýmaqtyq bólimshelerimen vıdeo-konferensııa formatynda keńester ótkiziledi.
Vıdeo-konferensııa formatyndaǵy keńesterge materıaldardy Mınıstrliktiń qurylymdyq bólimsheleri daıyndaıdy, ony vıse-mınıstrlermen jáne/nemese jaýapty hatshymen kelisken soń, UBB-ǵa beriledi.
UBB materıaldardy jınaqtaý men qorytýdy júzege asyrady jáne keńes ótkiziletin kúnge deıin 1 jumys kúninen keshiktirmeı Mınıstrdiń keńesshisine Mınıstrge usyný úshin jiberedi.
29. Is júrgizý men keńester ótkizýdi uıymdastyrý, onyń ishinde qatysýshylarǵa habarlaý, materıaldardy daıyndaý, hattama júrgizýdi UBB júzege asyrady.
UBB Mınıstrliktiń apparattyq, jedel keńesteriniń hattamalyq sheshimderiniń oryndalýyna baqylaý júrgizedi.
4. Qurylymdyq bólimshelerdiń jumysyn uıymdastyrý
30. Mınıstrliktiń qurylymdyq bólimsheleriniń jumysyn uıymdastyrýdy tikeleı olardyń basshylary qamtamasyz etedi.
31. Mınıstr nemese vıse-mınıstrler jetekshilik etetin, olardyń mindetteri men fýnksııalary, atalǵan qurylymdar basshylarynyń laýazymdyq ókilettikteri aıqyndalatyn, Mınıstrliktiń qurylymdyq bólimsheleri týraly Erejeni jaýapty hatshy Mınıstrmen kelisim boıynsha bekitedi.
Mınıstrliktiń jaýapty hatshy jetekshilik etetin, olardyń mindetteri men fýnksııalary aıqyndalatyn qurylymdyq bólimsheleri týraly erejeni olardyń ózderi derbes bekitedi.
5. Ulttyq bıýro, Mınıstrliktiń aýmaqtyq bólimsheleri jáne
vedomstvoǵa qarasty uıymdarymen ózara is-qımyly
32. Mınıstrlik Ulttyq bıýronyń, qurylymdyq jáne aýmaqtyq bólimshelerdiń, vedomstvoǵa qarasty uıymdarǵa jalpy basshylyq pen olardyń qyzmetin úılestirýdi júzege asyrady jáne Memlekettik josparlaý júıesiniń qujattaryna sáıkes negizgi damý baǵyttaryn aıqyndaıdy.
33. Mınıstrliktiń vedomstvosy bola otyryp, Ulttyq bıýro Mınıstrlikke esep beredi jáne baqylaýynda bolady, óz qyzmetin memlekettik josparlaý júıesiniń qujattarynda, normatıvtik quqyqtyq aktilerde jáne Mınıstrlik basshylarynyń tapsyrmalarynda kórsetilgen mindetterge sáıkes júzege asyrady.
34. Ulttyq bıýro Mınıstrlikke óz qyzmeti týraly mynadaı aqparatty beredi:
respýblıka boıynsha tirkelgen sybaılas jemqorlyq quqyq buzýshylyqtar týraly jedel jıyntyq aqparatty (Qazaqstan Respýblıkasy Prezıdenti Ákimshiligi usynǵan nysanda) – kún saıyn;
mynadaı aqparatty:
Mınıstrliktiń jumysy týraly esepke qosý úshin Ulttyq bıýronyń qyzmeti týraly – jarty jylda bir ret, 10 shilde jáne 10 qańtardan keshiktirmeı;
sybaılas jemqorlyqty qylmystyq-quqyqtyq ádister arqyly taldaý men baǵalaý maqsatynda «Qylmystyq qýdalaý organdarynyń jumysy týraly» №1-E statıstıkalyq esep nysanynda Ulttyq bıýronyń sybaılas jemqorlyqqa qarsy is-qımyl salasyndaǵy qyzmetiniń nátıjeleri týraly – toqsan saıyn, esepti kezeńnen keıingi aıdyń 10-nan keshiktirmeı;
Mınıstrliktiń strategııalyq jáne ózge josparlarynda kózdelgen is-sharalardy oryndaý týraly (Mınıstrliktiń ortalyq apparatynyń qurylymdyq bólimsheleriniń suratýy boıynsha);
sybaılas jemqorlyqqa qarsy is-qımyl týraly jyl saıynǵy Ulttyq baıandamany daıyndaý úshin (Mınıstrliktiń ortalyq apparatynyń qurylymdyq bólimsheleriniń suratýy boıynsha);
Ulttyq bıýronyń jeke quramy arasynda tirkelgen oqıǵalar týraly (Mınıstrliktiń ortalyq apparatynyń qurylymdyq bólimsheleriniń suratýy boıynsha);
Mınıstrliktiń ortalyq apparaty qyzmetkerleriniń zańǵa qaıshy minez-qulyq faktileri týraly;
Ulttyq bıýronyń kómekshi qyzmetteriniń jumysy týraly (Mınıstrliktiń ortalyq apparatynyń qurylymdyq bólimsheleriniń suratýy boıynsha).
35. Mınıstrlik basshylyǵynyń Ulttyq bıýro qyzmeti salasyna qatysty máseleler boıynsha tapsyrmalaryn olar tapsyrmada belgilengen merzimde oryndaıdy.
36. Mınıstrlik basshylyǵynyń tapsyrmalaryn Ulttyq bıýroǵa jetkizý jáne olardyń oryndalýyn baqylaýdy Mınıstrliktiń qujattamalyq qamtamasyz etý qyzmeti júzege asyrady.
37. Mınıstrlik basshylyǵynyń tapsyrmalaryn oryndaý barysynda Ulttyq bıýro Mınıstrliktiń qurylymdyq bólimshelerimen ózara birlesip jumys isteıdi.
38. Ulttyq bıýro jedel-izdestirý jáne is júrgizý qyzmetin júzege asyrý sheginde ózge memlekettik organdarǵa, uıymdarǵa jáne laýazymdy tulǵalarǵa derbes júgine alady.
39. Mınıstrliktiń qurylymdyq bólimsheleriniń Ulttyq bıýromen ózara is-qımyly kezinde týyndaıtyn kelispeýshilikterdi Ulttyq bıýroǵa jetekshilik etetin vıse-mınıstr nemese jaýapty hatshy qarastyrady. Qarastyrǵan soń atalǵan kelispeýshilik rettelmegen jaǵdaıda, olar boıynsha sheshimdi Mınıstr qabyldaıdy.
Ulttyq bıýro men olarǵa jetekshilik etetin vıse-mınıstrler nemese jaýapty hatshy arasyndaǵy kelispeýshilikterdi árbir taraptyń jazbasha ótinishi boıynsha Mınıstr qarastyrady.
40. Mınıstrliktiń aýmaqtyq bólimsheleri ortalyq apparatqa mynadaı aqparatty beredi.
1) memlekettik qyzmet jelisi boıynsha:
jyl saıyn:
memlekettik qyzmet kadrlary jaǵdaıyna monıtorıng boıynsha esepter;
memlekettik organdardyń qyzmeti tıimdiligin baǵalaý nátıjeleri boıynsha aqparat (qyzmetkerlerdi oqýmen, kásibı damýdyń jeke josparlarymen, ákimshilik memlekettik qyzmetshilerdi baǵalaýmen qamtý, bos adam-kúniniń úlesi);
toqsan saıyn:
ákimshilik memlekettik qyzmetshilerdiń qyzmeti tıimdiligin baǵalaý qorytyndysy boıynsha aqparat («úzdik», «tıimdi», «qanaǵattanarlyq», «qanaǵattanarlyqsyz» nátıjeleri bar memlekettik qyzmetshilerdiń úlesi);
memlekettik qyzmetke alǵash kirgen jáne synaq merziminen oıdaǵydaı ótken tulǵalar sany;
memlekettik qyzmetshilerdi qaıta daıarlaý jáne olardyń biliktiligin arttyrý týraly aqparat;
aı saıyn:
memlekettik organdar bólinisinde bos laýazymdar sany;
memlekettik qyzmetshilerdiń aýysý paıyzy;
«E-qyzmet» AAJ-yn engizgen memlekettik organdardyń sany (oblystyń jalpy memlekettik organdary sanynan);
memlekettik qyzmetshiler jáne «A» korpýsynyń rezervshileri týraly málimetter («A» korpýsynyń laýazymdaryna taǵaıyndaý, «A» korpýsynyń laýazymynan bosatý, rotasııa, bos laýazymdar, onyń ishinde 2 aıdan astam ýaqyt ishinde olardyń bos bolý sebepteri, rezervshilerdi oqytý, tártiptik jazalar týraly);
apta saıyn:
zańnamany bilý (onyń ishinde bastapqy mejeden ótkender) jáne jeke qasıetterin baǵalaý úshin testileýden ótkender sany;
memlekettik organdar bólinisinde ótkizilgen konkýrstar sany (jalpy jáne ishki);
2) memlekettik qyzmetter jelisi boıynsha:
toqsan saıyn:
memlekettik qyzmetter kórsetý salasynda zańnamany saqtaý boıynsha, onyń ishinde memlekettik qyzmet standarttary men reglamentteriniń memlekettik qyzmetter týraly zańnamaǵa jáne vedomstvolyq normatıvtik quqyqtyq aktilerge qatysty anyqtalǵan sáıkessizdigi, olardy joıý boıynsha usynystar ázirleı otyryp, júrgizilgen tekserý týraly aqparat;
memlekettik qyzmet kórsetý sapasyna monıtorıng nátıjeleri boıynsha qabyldanǵan sharalar týraly aqparat («Monıtorıng» AAJ málimetterin, qyzmet alýshylardyń esepterin, jeke jáne zańdy tulǵalardyń ótinishterin taldaý, memlekettik organdar, qyzmet berýshilerdiń memlekettik qyzmet kórsetý oryndarynda, ınternet-resýrstarynda memlekettik qyzmet kórsetý tártibi týraly tolyq jáne senimdi aqparatty ornalastyrý monıtorıngi);
anyqtalǵan «jasyryn» memlekettik qyzmetter týraly aqparat;
memlekettik qyzmetter kórsetý rásimderin jetildsrý boıynsha ázirlengen usynystar týraly aqparat;
3) sybaılas jemqorlyqqa qarsy saıasat jelisi boıynsha:
apta saıyn:
memlekettik organdardyń sybaılas jemqorlyqqa qarsy qaterlerin taldaýdyń aralyq nátıjeleri (syrtqy taldaý júrgizý kezinde);
aı saıyn:
sybaılas jemqorlyqqa qarsy oqý-aǵartý jáne bilim, jurtshylyqpen ózara is-qımyl boıynsha ótkizilgen is-sharalar týraly aqparat;
sybaılas jemqorlyqtyń kez kelgen kórinisterine tózbeýshilik atmosferasyn qurý men qoǵamda sybaılas jemqorlyqqa qarsy mádenıetti qalyptastyrý boıynsha ashyq kelisim boıynsha aqparat;
sybaılas jemqorlyqqa qarsy monıtorıng boıynsha derekter;
memlekettik qyzmet týraly zańnamanyń saqtalýyn baqylaý jelisi boıynsha:
apta saıyn:
«Qazaqstan Respýblıkasynyń memlekettik qyzmet týraly» zańnamasynyń saqtalýyn baqylaý boıynsha tekserý qorytyndysy;
kúndelikti:
tártiptik jaýapkershilikke tartylǵan memlekettik qyzmetshiler sany;
4) aqparattyq-ımıdjdik jumys jelisi boıynsha:
apta saıyn:
ózine ózekti is-sharalardy qamtıtyn bir aptaǵa jumys jospary (sóılenetin sózder, brıfıngter, dóńgelek ústelder, jáne t.b.).
Jyl saıynǵy aqparat esepti kezeńnen keıingi aıdyń 1-ne deıin usynylady.
Toqsan saıynǵy aqparat esepti kezeńnen keıingi aıdyń 5-ne deıin usynylady.
Aı saıynǵy aqparat esepti kezeńnen keıingi aıdyń 5-ne deıin usynylady.
Apta saıynǵy aqparat árbir aptanyń birinshi jumys kúninen keshiktirmeı usynylady.
Kúndelikti aqparat kelesi jumys kúniniń saǵat 10.00-den keshiktirmeı usynylady.
41. Aýmaqtyq organdarǵa jáne Ulttyq bıýroǵa tapsyrmalar Mınıstrliktiń jumys josparyna nemese derbes bólimsheniń jumys josparyna sáıkes Memleket basshysynyń, Qazaqstan Respýblıkasy Prezıdenti Ákimshiligi jáne Úkimeti basshylyǵynyń tapsyrmalaryn oryndaý, sondaı-aq jeke jáne zańdy tulǵalardyń ótinishterin qaraý kezinde jáne ózge jaǵdaılarda jiberiledi.
Tapsyrmalardy Mınıstr, vıse-mınıstrler nemese jaýapty hatshy bere alady.
Ulttyq bıýroǵa, aýmaqtyq bólimshelerge Mınıstrlikke kezekti esep aqparatyn berý týraly suratý, onyń ishinde jeke jáne zańdy tulǵalardyń óndiriste jatqan ótinishteri sheńberinde suratýǵa Mınıstr, vıse-mınıstrler nemese jaýapty hatshy, sondaı-aq Mınıstrliktiń qurylymdyq bólimsheleriniń basshylary óz quzyreti sheginde qol qoıady.
Bul Memleket basshysynyń, Qazaqstan Respýblıkasy Prezıdenti Ákimshiligi men Úkimeti basshylyǵynyń, Mınıstrdiń, vıse-mınıstrlerdiń jáne jaýapty hatshynyń jańa tapsyrmalaryn, jalpy memlekettik is-sharalardy oryndaýǵa, bastapqy tapsyrmany sapasyz oryndaýǵa, jańadan ashylǵan jaǵdaıattarǵa baılanysty jaǵdaılardy qospaǵanda, aýmaqtyq organdarǵa qosymsha tapsyrmalar jiberýge ruqsat etilmeıdi.
Qosymsha tapsyrmalarǵa Mınıstr, vıse-mınıstrler nemese jaýapty hatshy qol qoıady.
Elektrondyq derekter qory arqyly alýǵa múmkin emes aqparatty berý týraly tapsyrmalar berýge ruqsat etilmeıdi.
42. Jiberilgen tapsyrmalardy esepke alý Biryńǵaı elektrondyq qujat aınalymy júıesi (budan ári – BEQAJ) arqyly júrgiziledi.
43. Tapsyrmany tıisinshe esepke alýdy qamtamasyz etý maqsatynda Mınıstrliktiń qurylymdyq bólimsheleri jarty jylda 1 retten kem emes aýmaqtyq organdarǵa jáne Ulttyq bıýroǵa jiberilgen tapsyrmalarǵa óziniń ózektiligin joǵaltqan tapsyrmany joıý úshin revızııa júrgizedi.
Turaqty nemese dúrkin-dúrkin oryndaý merzimi bar tapsyrmalardy joıýdy Mınıstrliktiń ony jibergen qurylymdyq bólimsheleri júzege asyrady, ol týraly aýmaqtyq organdar men Ulttyq bıýrodaǵy oryndaýshylarǵa dereý jetkiziledi.
44. Mınıstrlik Qazaqstan Respýblıkasynyń 2015 jylǵy 23 qarashadaǵy «Qazaqstan Respýblıkasynyń memlekettik qyzmeti týraly» (budan ári – Memlekettik qyzmet týraly Zań) jáne azamattardyń ótinishterin qaraý týraly zańdaryna sáıkes Ulttyq bıýronyń, aýmaqtyq bólimshelerdiń, vedomstvoǵa qarasty uıymdardyń qyzmetine tekserý, sondaı-aq jeke jáne zańdy tulǵalardyń shaǵymdary boıynsha tekserý uıymdastyrady.
45. Vıse-mınıstrler jáne jaýapty hatshy retinde Mınıstrlik basshylyǵy Mınıstrlikte belgilengen keste, Mınıstrliktiń jumys josparyna, sondaı-aq Mınıstrdiń nusqaýy boıynsha tekserý júrgizý nemese Mınıstrliktiń aýmaqtyq bólimsheleriniń qyzmetin uıymdastyrýǵa kómek kórsetý úshin óńirlerge barady.
46. Aýmaqtyq organdarǵa shyǵýǵa daıyndyq kezinde Mınıstrlikte tekseriletin óńirdegi jumys jaǵdaıyn sıpattaıtyn qolda bar statıstıkalyq jáne ózge materıaldardy taldaý, Mınıstrlik alqasynyń sheshimderimen, aldyńǵy tekserý qorytyndysymen jáne olar boıynsha qabyldanǵan sheshimdermen tanysý, barý maqsatyna sáıkes jumystyń negizgi baǵyttaryn aıqyndaý, tekserý júrgizý josparyn qurý qajet.
47. Keshendi tekserý bólimsheniń qyzmeti jaǵdaıyn jan-jaqty tekserý, maqsatty – qajet bolǵan jaǵdaıda, bólimshelerdegi jekelegen qyzmet baǵyttarynyń jaǵdaıyn zerdeleý úshin júrgiziledi.
Keshendi tekserý úsh jylda bir ret júrgiziledi, UBB uıymdastyrady jáne Mınıstrdiń nusqaýy boıynsha vıse-mınıstrler nemese Mınıstrliktiń qurylymdyq bólimsheleriniń dırektorlary (dırektorlarynyń orynbasarlary) basqarady.
Aýmaqtyq bólimshelerdi keshendi tekserý josparyn jaýapty hatshy bekitedi.
48. Keshendi tekserý júrgizý úshin komıssııa quramy Mınıstrliktiń qurylymdyq bólimsheleriniń basshylyǵy aıqyndaıtyn qyzmetkerlerinen quralady. Komıssııa quramyna Mınıstrlik basshylyǵynyń sheshimi boıynsha aýmaqtyq organdardyń qyzmetkerleri de engiziledi. Tekserýge shyǵatyn komıssııa quramyna nusqaýlyqty vıse-mınıstrler nemese jaýapty hatshy Mınıstrdiń nusqaýy boıynsha júrgizedi.
49. Jospardan tys issaparlar (tótenshe jaǵdaılarǵa baılanysty, shaǵymdardy tekserý úshin, ózge máselelerdi sheshý úshin) Mınıstrdiń nusqaýy boıynsha júrgiziledi.
50. Maqsatty tekserýdiń uzaqtyǵy 5 jumys kúninen aspaýy tıis, al keshendi tekserý júrgizý úshin – joldy júrý ýaqytyn eseptemegende, 10 jumys kúnin quraıdy.
Tekserý merzimin tekserý júrgizý týraly sheshim qabyldaǵan laýazymdy tulǵa uzartady.
51. Tekserý qorytyndysy týraly anyqtama (keshendi – kólemi 20 betten aspaıtyn, maqsatty – 5-7 betten aspaıtyn) sol jerde erkin túrde eki danada jasalady, komıssııanyń barlyq músheleri, tekserilgen bólimsheniń basshysy qol qoıady jáne aýmaqtyq organnyń, onyń laýazymdy tulǵalarynyń qyzmeti týraly baǵalaý men taldaýdan, jiberilgen kemshilikter jáne buzýshylyqtar sebepteri týraly qorytyndy, olardy joıý boıynsha usynymdardan turady.
Anyqtamanyń bir danasy tekserilgen bólimsheniń basshysyna tanysý jáne anyqtalǵan buzýshylyqtardy joıý boıynsha sharalar qabyldaý úshin beriledi.
Tekserý júrgizý qorytyndysy boıynsha tekserilgen bólimsheniń basshylyǵy jáne qyzmetkerlerimen keńes ótkiziledi, onda tekserý qorytyndysy talqylanady, sondaı-aq onyń qyzmetin jaqsartý boıynsha usynymdar beriledi.
52. Issapardan kelgen soń komıssııa basshysy 3 jumys kúni ishinde Mınıstrge tekserý qorytyndysy týraly jazbasha baıandaıdy.
53. Keshendi tekserý nátıjeleri Mınıstrlik basshylyǵynyń sheshimi boıynsha Mınıstrlik Alqasynyń nemese jedel keńes talqylaýyna shyǵarylýy múmkin.
54. Qazaqstan Respýblıkasynyń sheginde qyzmettik issaparǵa jiberiletin Mınıstrlik qyzmetkerleriniń shyǵyndaryn óteý tártibi men jaǵdaılary Qazaqstan Respýblıkasy zańnamasyna sáıkes aıqyndalady.
55. Mınıstrlik qyzmetkerleriniń issaparyna qatysty tıisti qujattardy ýaqytyly resimdeýdi qamtamasyz etý úshin Personaldy basqarý qyzmetine issaparǵa jiberý týraly basshylyqtyń buryshtamasy bar qyzmettik jazba issapar bastalǵanǵa deıin 3 kúntizbelik kún buryn engiziledi.
Mınıstrlik qyzmetkerleriniń shuǵyl issaparyna jaǵdaıynda tıisti qujattar dereý resimdeledi.
56. Aýmaqtyq organdardyń qyzmetkerlerin Mınıstrlikke shaqyrý Mınıstrdiń, jaýapty hatshynyń nusqaýy boıynsha jetekshilik etýshi vıse-mınıstrdiń kelisimimen qurylymdyq bólimshe basshysynyń dáleldi qyzmettik jazbasy boıynsha júzege asyrylady.
57. Aýmaqtyq organdardyń qyzmetkerleriniń Mınıstrlikke issapary merzimi jolda júrý ýaqytyn eseptemegende, 5 jumys kúninen aspaýy tıis. Issapar merzimi erekshe jaǵdaılarda (kólik quralynyń bolmaýy nemese issapardyń shuǵyldyǵy) aýmaqtyq bólimshe basshysynyń tıisti buıryǵyn shyǵarý arqyly 5 jumys kúninen aspaıtyn merzimge uzartylady.
58. Ortalyq apparat, Ulttyq bıýro, Mınıstrliktiń aýmaqtyq organdarynyń memlekettik qupııalarǵa ruqsaty bar qyzmetkerleriniń issaparǵa, sheteldik issaparlarǵa shyǵý tártibi qupııalylyq rejımin qamtamasyz etý jónindegi Nusqaýlyqta belgilenedi.
59. Mınıstrliktiń ortalyq apparatynyń sheteldik issaparǵa jiberiletin qyzmetkerleriniń shyǵyndaryn óteý tártibi men jaǵdaılary Qazaqstan Respýblıkasy zańnamasyna sáıkes aıqyndalady.
60. Vedomstvoǵa qarasty uıymdardyń qyzmeti Mınıstrliktiń strategııalyq maqsattaryna qol jetkizýge baǵyttalǵan. Mınıstrlik qyzmetiniń tıisti baǵyttary vedomstvoǵa qarasty uıymdardyń qurylymynda jáne olardyń damý josparlarynda kórsetiledi.
Olarǵa joǵary turǵan organdar bergen tikeleı tapsyrmalardy oryndaý úshin jiberiletin jaýaptardy qospaǵanda, Qazaqstan Respýblıkasy Prezıdenti Ákimshiligi, Premer-Mınıstri Keńsesi, ózge de joǵary turǵan organdarǵa jiberiletin qujattardy vedomstvoǵa qarasty uıymdar Mınıstrlik arqyly jiberedi.
Mınıstrliktiń vedomstvoǵa qarasty uıymdarmen ózara is-qımyly «Ákimshilik rásimder týraly» Qazaqstan Respýblıkasynyń Zańyna sáıkes júzege asyrylady.
6. Mınıstrliktiń kiris jáne shyǵys hat-habarlaryn resimdeý, ótkizý, qaraý
61. Mınıstrliktiń is júrgizý, Mınıstrlikke kelip túsken hat-habarlardy óńdeý, tirkeý, jiberýdi (jetkizý) Qujattamalyq qamtamasyz etý qyzmeti Qazaqstan Respýblıkasynyń 1997 jylǵy 11 shildedegi «Qazaqstan Respýblıkasynda tilder týraly» (budan ári – Tilder týraly Zań), «Ákimshilik rásimder týraly», «Jeke jáne zańdy tulǵalardyń ótinishterin qaraý tártibi týraly» zańdaryna jáne osy Reglamentke sáıkes júzege asyrady.
62. Qazaqstan Respýblıkasy Prezıdenti Ákimshiligi, Qazaqstan Respýblıkasy Parlamenti, Qazaqstan Respýblıkasy Premer-Mınıstri Keńsesinen kelip túsken hat-habardy qospaǵanda, kiris hat-habarlaryn Mınıstrlik saǵat 9.00-den 17.00-ge deıin qabyldaıdy.
Qazaqstan Respýblıkasy Prezıdenti Ákimshiligi, Qazaqstan Respýblıkasy Parlamenti, Qazaqstan Respýblıkasy Premer-Mınıstri Keńsesinen kelip túsken hat-habarlar jumys kúnderi saǵat 9.00-den 20.00-ge deıin, senbi kúnderi – saǵat 9.00-den 17.00-ge deıin Mınıstrliktiń qujattamalyq qamtamasyz etý qyzmetiniń qyzmetkerleri arasynan kezekshilik uıymdastyrý arqyly qabyldanady.
63. Shuǵyl tapsyrmany oryndaý úshin memlekettik organdar daıyndaǵan qujattar (oryndaý merzimi 10 (on) jumys kúni) shuǵyldyǵyn rastaıtyn qujatty (Qazaqstan Respýblıkasy Prezıdenti, Qazaqstan Respýblıkasy Prezıdenti Ákimshiligi, Qazaqstan Respýblıkasy Premer-Mınıstri Keńsesi, onyń orynbasarlarynyń, Qazaqstan Respýblıkasy Premer-Mınıstri Keńsesi Basshysynyń aktileri men tapsyrmalarynyń kóshirmeleri) kórsetken jaǵdaıda, jumys kúni ishinde qabyldanady.
64. Memlekettik organdardan qaǵaz jáne elektrondyq jetkizgishterde kelip túsken qujattar birdeı bolýy tıis jáne eltańbasy bar tıisti blankide resimdeledi jáne mynadaı mindetti rekvızıtterdi qamtýy tıis:
shyǵys nómiri men kúni;
Qazaqstan Respýblıkasy Prezıdenti, Qazaqstan Respýblıkasy Prezıdenti Ákimshiligi, Qazaqstan Respýblıkasy Parlamenti, Qazaqstan Respýblıkasy Úkimetiniń jáne Premer-Mınıstri Keńsesi, onyń orynbasarlarynyń, Qazaqstan Respýblıkasy Premer-Mınıstri Keńsesi Basshysynyń tıisti aktileri men tapsyrmalaryna, sondaı-aq memlekettik organnyń suraýyna jaýap berý kezinde – Mınıstrlikke bastamashylyq tártipte kelip túsken qujattardy (hattardy) qospaǵanda, suraýdyń nómiri men kúnine siltemeler;
memlekettik organnyń birinshi basshysynyń nemese onyń orynbasarlarynyń nemese jaýapty hatshynyń (nemese ortalyq atqarýshy organnyń jaýapty hatshysynyń ókilettigin júzege asyratyn laýazymdy tulǵasynyń) qoly;
oryndaýshynyń tegi men onyń telefonynyń nómiri.
Bul rette erekshe mańyzy bar máseleler boıynsha elektrondyq qujattar (muraǵatty jáne qujattamany basqarýǵa ýákiletti memlekettik organ belgilegen saqtaý merzimimen) qaǵaz jetkizgishinde resimdeledi.
Qazaqstan Respýblıkasy Prezıdenti Ákimshiligi, Qazaqstan Respýblıkasy Parlamenti, Qazaqstan Respýblıkasy Premer-Mınıstri Keńsesinen kelip túsken hat-habarlardy qospaǵanda, osy Reglamenttiń talaptaryn buza otyryp, resimdelgen kiris hat-habarlar qabyldanbaıdy jáne Mınıstrliktiń qujattamalyq qamtamasyz etý qyzmeti sol kúni tıisti memlekettik organǵa keri qaıtarady.
Mınıstrlikke kelip túsken hat-habarlar qabyldanǵan kúni men ýaqyty kórsetilip, qol qoıǵyza otyryp, qabyldanady.
65. Osy Reglamentte belgilengen tártipte qabyldanǵan qujattar qaralady, baqylaýǵa alynady jáne Mınıstrliktiń qujattamalyq qamtamasyz etý qyzmeti basshylyq pen qurylymdyq bólimsheler arasynda bóledi, odan ári Mınıstrliktiń qujattamalyq qamtamasyz etý qyzmeti tıisti resimdeý, baqylaý belgilerin kórsetý úshin tirkeý shtampynda nómiri, kúni men paraq sanyn kórsete otyryp, tirkeıdi jáne myna tártipte joldanady:
Mınıstrge qar