ASTANA. 21 aqpan. Sırııanyń Damask, Homs qalalarynda bolǵan birneshe jarylystan 80-nen astam adam qaza taýyp, ondaǵan turǵyn túrli jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady.
Damask qalasyna taıaý mańaıda bir ýaqytta tórt jarylys boldy. Saldarynan 30-ǵa jýyq turǵyn mert boldy. Al Homs qalasynda avtoturaqtaǵy jergilikti ýnıversıtetterge arnalǵan mıkroavtobýs jarylyp, 57 adam kóz jumdy. Sondaı-aq, júzden astamy túrli jaraqat aldy.
Damask qalasy lańkester jıi shabýyldaıtyn qalalardyń biri. Sońǵy ret 31 qańtarda bul qalada 70 adam qurban bolyp, júzge jýyǵy túrli jaraqat alǵan.
Aıan Ábdýálı.
Derek: TASS.
Sýret: ria.ru.