«STARTUP «BOLASHAK» baıqaýy márege jetti

Jalpy kásipkerlerdi qoldaý, sonyń ishinde jas­tar kásipkerligin damytý – Elbasy N. Nazarbaev udaıy kóterip júrgen keleli másele. Sondyqtan da bul jaıǵa jiti kóńil bólinip keledi. Baıqaýdyń túpki maqsaty da sol, jas qazaqstandyqtardyń kásipkerlik bastama­laryn keńinen qoldaý, olarǵa baǵyt-baǵdar berip, jol kórsetý. Atalmysh jobany uıymdas­tyrýshylar: «Bolashaq» qaýym­dastyǵy, «Báıterek» jáne «BI Group» holdıngteri, «Damý» qory, «Atasu Group of Companies» jáne «Sheberbuild» kompanııalary. Bas de­meýshi – «Sberbank». Sonymen, baıqaý jeńimpazdary ózderiniń bıznes-jobalaryn damy­týǵa 30 mıllıon teńgeden astam grantqa ıe boldy. Atap aıtsaq, I oryn­dy astanalyq Ádilet Eleý­sov jeńip aldy. Bıznes-ıdeıa – oqýshylarǵa arnalǵan qyzyqty zert­hana qurý. Granttyń jalpy so­masy 10 mıllıon teńge. II oryn – Taldyqorǵan qala­synan kelgen Eldos Baıalyshbaevqa buıyrdy. Bıznes-ıdeıa – Alakól kólinde múmkindigi shekteýli adam­darǵa arnalǵan pansıonat ashý. Granttyń jalpy somasy 8 mıllıon teńge. Al, III oryn ıesi pavlodarlyq Bahtygúl Qasymova. (Bıznes-ıdeıa – shynydan jasalǵan buıymdardy qaıta óńdeý jáne óndirý. Granttyń jalpy somasy 5 mıllıon teńge. Aıtylǵan jeńimpazdardan basqa, «Startup «Bolashak» baı­qaý­ynyń qalǵan 7 qatysýshysyna jobanyń seriktesteri («Bi-Group», «Atasu Group of Companies», «Sheberbuild») usynylǵan bıznes-ıdeıalardy damytý úshin 500 myń teńgeden bastap 2,5 mıllıon teńgege deıin aqshalaı qarajat berdi. Keleshekte baıqaýdyń ekinshi maýsymyn ótkizý josparlanyp otyr. Raýshan SÚLEIMENOVA, jýrnalıst.