AQTО́BE. 23 aqpan. Aqtóbe qalasyndaǵy «О́rleý» AQ fılıaly Aqtóbe oblysy boıynsha pedagogıkalyq qyzmetkerlerdiń biliktiligin arttyrý ınstıtýtynda meıirimdilik kúnine oraı «Donor kúni» qaıyrymdylyq sharasyn ótkizdi. Bul týraly «Kerekınfo» basylymyna silteme jasaǵan egemen.kz habarlady.
Sharaǵa kýrs tyńdaýshylary jáne professorlyq-oqytýshylyq quram, fılıal qyzmetkerleri belsene qatysty.
Ádettegideı áýeli donor bolatyn adamnyń qan toby, gemoglobın mólsheri, antıgeni ekspress zertteýler arqyly anyqtalady. Talapqa saı bolsa, qant qosylǵan shaı beriledi. Sosyn baryp ár adamnyń densaýlyq kórsetkishterine qaraı 350-450 mıllılıtr shamasynda qan alynady. Al donorǵa sol kúni túski as ishýge bir rettik 0,25 aılyq eseptik kórsetkish kóleminde aqy beriledi.
Atalmysh ınstıtýttyń baspasóz hatshysy Aısáýle Aıpeıisovanyń aıtýynsha, kýrsta 106 tyńdaýshynyń 50-60-y sharaǵa qatysyp, qan tapsyrǵan.
Satybaldy Sáýirbaı.
Derek, sýret: «Kerekınfo».