Eleýovter otbasy Qazyǵurt aýdanynan Shymkentke kóship kelgenine eki jyl bolǵan. Taǵdyrdyń mańdaıǵa jazǵany shyǵar, úıdegi bes balanyń úsheýi sal aýrýymen aýyrady. Áıeliniń olardy kútýge shamasy jetpegennen keıin Álıhan Eleýov jumysyn tastap, ózdiginen júre almaıtyn balalaryna járdemshi bolǵan.
Áý basta balalaryna medısınalyq kómek alý maqsatynda qalaǵa qonys aýdarǵanymen, otbasynyń turaqty úı-jaıy joq, páter jaldaǵan. Onyń ústine, osharly jannyń azyq-túligi, túrli qam-qareketi bar, qatty taryqqany ras.
Jaqynda Eleýovter úlken qýanyshqa keneldi. Almatylyq kásipker áıel olarǵa tórt bólmeli úı syılady. Shyn qaıyrymdy adam bireýge jasaǵan jaqsylyǵyn dabyra qylmaıdy. Jomart kásipker áıel de óziniń aty-jóni atalmaýyn ótinipti.
Shymkent – úlken múmkindikterdiń qalasy. Medısınalyq jaǵdaıy jaqsy. Baýyr, búırek sııaqty názik dene múshelerine transplantasııa jasaýdan oblystar arasynda alǵashqy orynda.
Alla sátin salyp, kerýette jatqan úsh bala aýrýynan aıyǵar. Aınalańda muńyńdy bólisetin qaıyrymdy adamdar bar kezde bári de múmkin.
ShYMKENT.