qazaq áni «Qarlyǵashty» shyrqap, jurtty tań qaldyrdy
Sońǵy birneshe kúnnen beri Qytaı Halyq Respýblıkasynyń tóraǵasy Sı Szınpınniń zaıyby Pen Lııýanniń qazaq áni «Qarlyǵashty» kelistirip shyrqaǵany áleýmettik jelini dúr silkindirip tur. Ras, ınternetke salynǵan rolıkte ánniń aty da, onyń avtory da aıtylmaıdy. Jáne ol hanzý tilinde shyrqalady. Biraq mýzyka mamandaryn bylaı qoıǵanda, qarapaıym jeli paıdalanýshylardyń ózi onyń qazaqtyń birtýar kompozıtory Ahmet Jubanovtyń týyndysy ekenin birden jazbaı tanydy.
Al bul ánniń shyǵý tarıhy mynadaı. Onyń sózin 1941 jyly dramatýrg Ibadolla Mataqov A.Jubanov basqaratyn hor kapellasynda án salatyn Jámıla Ahmetova degen qyzǵa ǵashyq bolyp shyǵarady. Osy óleńniń joldaryn sol boıda unatqan jas kompozıtor avtormen kelisip, oǵan án jazady. Sahnada, radıodan jıi oryndalǵan áýen kóp uzamaı el arasyna keńinen tarap ketedi. Ol 40-50-jyldary halyqtyń súıikti týyndysyna aınalady. Taǵy bir aıtatyn nárse, mahabbat týraly ánniń arqasynda joǵarydaǵy Ibadı men Jámıla qosylady.
Endi Qytaıdyń birinshi hanymy Pen Lııýange kelsek, bul onyń burynǵy keńes respýblıkalary halyqtary ánderin birinshi ret oryndaýy emes eken. Ol 2013 jyly naýryz aıynyń sońynda Reseıge resmı sapar túzgen jubaıymen birge kelgeninde, A.Aleksandrov atyndaǵy án jáne bı akademııalyq ansambline arnaıy atbasyn buryp, aty ańyzǵa aınalǵan óner ujymynyń súıemeldeýimen orystyń «Oı, svetet kalına» ánin tamasha etip shyrqaıdy. Áleýmettik jelilerde qazir osy oryndaý da bar.
Negizi, munyń ózi tegin emes eken. Pen Lııýan hanym Aspanasty eliniń áıgili ánshisi. Ol 18 jasynan Qytaı halyq-azattyq armııasy sapyna qosylyp, keremet ánshilik talanty arqasynda áskerı bólimderge gastrolge shyǵyp turypty. Osy qyzmette keıin general-maıor shenine deıin jetken.
Murat AITQOJA.
Sizder Pen Lııýan hanym oryndaǵan «Qarlyǵash» áni men onyń qazaq tilindegi nusqasy vıdeosyn gazettiń saıtynan tyńdaı alasyzdar.
Al 2002 jyly bul ándi Qazaqstannyń «Daýys International» toby bylaı oryndaǵan bolatyn