2016 jylǵy 18 aqpan, Astana, Úkimet Úıi
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý qaǵıdalaryn bekitý týraly
«Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańy 10-babynyń 10-3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2016 jylǵy 18 aqpandaǵy №80 qaýlysymen bekitilgen
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý qaǵıdalary
1. Jalpy erejeler
1. Osy Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý qaǵıdalary (budan ári – Qaǵıdalar) «Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańy (budan ári – Zań) 10-babynyń 10-3) tarmaqshasyna sáıkes ázirlendi.
2. Qaǵıdalarda mynadaı negizgi uǵymdar paıdalanylady:
1) ýákiletti organ – týrıstik qyzmet salasyndaǵy memlekettik basqarý fýnksııalaryn júzege asyratyn ortalyq atqarýshy organ;
2) Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń ákimshisi – Qazaqstan Respýblıkasynyń Úkimeti aıqyndaǵan, jalǵyz qyzmet túri Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyrý bolyp tabylatyn zańdy tulǵa.
2. Qazaqstan Respýblıkasy azamattarynyń shyǵý týrızmi salasyndaǵy
quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý tártibi
3. Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty (budan ári – konkýrs) ýákiletti organ ótkizedi.
Konkýrs ótkizý maqsatynda ýákiletti organ Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaý komıssııasyn (budan ári – komıssııa) qurady. Komıssııanyń quramyn jáne erejesin ýákiletti organ bekitedi.
4. Komıssııa óz qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerin, ózge de normatıvtik quqyqtyq aktilerdi, sondaı-aq osy Qaǵıdalardy basshylyqqa alady.
5. Konkýrstyń ótkiziletini týraly aqparattyq habarlama ýákiletti organnyń ınternet-resýrsynda jáne respýblıkalyq baspasóz basylymynda konkýrs ótkizilgenge deıin kúntizbelik jıyrma kúnnen keshiktirmeı jarııalanady. Konkýrstyń ótkiziletini týraly habarlama mynadaı málimetterdi qamtıdy:
1) ýákiletti organnyń ataýy jáne komıssııanyń ornalasqan orny;
2) konkýrstyń ótkiziletini týraly tolyq aqparat alý ádisteri (baılanys telefondary, ınternet-resýrs, e-mail);
3) konkýrsqa qatysýǵa ótinishterdi qabyldaý mekenjaıy jáne merzimi;
4) konkýrstyń ótkiziletin kúni, ýaqyty jáne orny;
5) Qaǵıdalardyń 6-tarmaǵyna sáıkes konkýrsqa qatysý úshin usynylatyn qujattardyń tizbesi;
6) Qaǵıdalardyń 8-tarmaǵyna sáıkes konkýrstyq usynystyń mazmunyna qoıylatyn talaptar.
6. Konkýrsqa qatysý úshin mynadaı qujattar usynylady:
1) Qaǵıdalarǵa qosymshaǵa sáıkes nysan boıynsha konkýrsqa qatysýǵa ótinish;
2) Qaǵıdalardyń 8-tarmaǵynyń talaptaryna saı keletin konkýrstyq usynys;
3) zańdy tulǵany memlekettik tirkeý (qaıta tirkeý) týraly anyqtamanyń ne kýáliktiń* kóshirmesi;
4) zańdy tulǵa jarǵysynyń kóshirmesi. Zańdy tulǵa qyzmetin Qazaqstan Respýblıkasynyń zańnamasynda belgilengen tártippen bekitilgen Úlgilik jarǵynyń negizinde júzege asyrǵan jaǵdaıda, memlekettik tirkeý týraly ótinishtiń notarıat kýálandyrǵan kóshirmesi.
Eskertpe: *«Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady;
7. Konkýrsqa qatysý úshin usynylǵan qujattardyń Qaǵıdalardyń 6-tarmaǵyna saı kelmeýi olardy qaıtarýǵa negiz bolyp tabylady.
8. Konkýrstyq usynys:
1) zańdy tulǵanyń uıymdastyrýshylyq-quqyqtyq nysanyna siltemeni;
2) zańdy tulǵanyń ornalasqan jerin;
3) zańdy tulǵanyń quryltaıshysy (quryltaıshylary) týraly málimetterdi (týrızm salasyndaǵy jumys ótilin rastaıtyn qujattyń kóshirmesin; týrızm salasyndaǵy zańdy tulǵalardyń birlestigindegi múshelikti rastaıtyn qujattyń kóshirmesin (bar bolsa) qosa bere otyryp);
4) zańdy tulǵanyń basshysy týraly málimetterdi (týroperatorlyq jáne/nemese týragenttik qyzmettegi jumys ótilin rastaıtyn qujattyń kóshirmesin; týrıstik bilimi týraly dıplomnyń kóshirmesin jáne shet tili boıynsha emtıhan tapsyrǵany týraly dıplomnyń, sertıfıkattyń, resmı sertıfıkattyń kóshirmesin (kóshirmelerin) (bar bolsa) qosa bere otyryp);
5) qyzmetkerlerdiń laýazymdyq mindettemelerimen qosa shtat kestesin (qyzmetkerlerdiń týroperatorlyq jáne/nemese týragenttik qyzmettegi jumys ótilin, sondaı-aq shet tilderin meńgergenin (shet tili boıynsha emtıhan tapsyrǵany týraly dıplomnyń, sertıfıkattyń, resmı sertıfıkattyń kóshirmesin); týrıstik qyzmet salasyndaǵy sheteldik uıymda taǵylymdamadan ótkeni týraly sertıfıkattyń kóshirmesin (bar bolsa) qosa bere otyryp);
6) zańdy tulǵanyń josparlanǵan shyǵystar smetasyn qamtıdy.
9. Konkýrstyq usynys paraqtary nómirlengen jáne zańdy tulǵanyń mórimen rastalyp, tigilgen túrde konvertte usynylady.
Konkýrstyq usynystyń mátininde túzetýlerge jol berilmeıdi.
10. Qaǵıdalardyń 5-tarmaǵynyń 3) tarmaqshasynda kórsetilgen merzim aıaqtalǵanǵa deıin konkýrsqa qatysýǵa berilgen ótinishti keri qaıtaryp alýǵa bolady.
11. Zańdy tulǵanyń ýákiletti ókili senimhatty usynǵan jaǵdaıda konkýrstyq usynystary bar konvertterdi ashý kezinde qatysady.
12. Komıssııa mynadaı ólshemsharttardy eskere otyryp, ball berý arqyly konkýrstyń jeńimpazyn belgileıdi:
1) týrızm salasyndaǵy jumys ótili 3 jyldan kem emes zańdy tulǵanyń quryltaıshysy (quryltaıshylary) týraly aqparat:
3 (úsh) jyldan 5 (bes) jylǵa deıin – 1 ball;
5 (bes) jyldan 7 (jeti) jylǵa deıin – 2 ball;
7 (jeti) jyldan 10 (on) jylǵa deıin – 3 ball;
10 (on) jyl jáne odan joǵary – 4 ball;
quryltaıshy Qazaqstan Respýblıkasynyń týrızm salasyndaǵy zańdy tulǵalar birlestiginiń múshesi bolǵan jaǵdaıda, qosymsha 1 ball beriledi;
2) zańdy tulǵa basshysynyń týroperatorlyq jáne/nemese týragenttik qyzmette keminde 3 jyl jumys ótiliniń bolýy:
3 (úsh) jyldan 5 (bes) jylǵa deıin – 1 ball;
5 (bes) jyldan 7 (jeti) jylǵa deıin – 2 ball;
7 (jeti) jyldan 10 (on) jylǵa deıin – 3 ball;
10 (on) jyl jáne odan joǵary – 4 ball;
zańdy tulǵa basshysynyń týrıstik bilimi bolǵan (1 ball) jáne ol shet tilin (tilderin) bilgen (1 ball) jaǵdaıda qosymsha ball beriledi;
3) shtatta týroperatorlyq jáne/nemese týragenttik qyzmette jumys ótili bar, shet tilderin biletin qyzmetkerlerdiń bolýy (1 ball);
shtatta mynadaı:
Qazaqstan Respýblıkasynyń týrızm salasyndaǵy zańdy tulǵalar birlestiginde jumys ótili bar (1 ball);
týrıstik qyzmet salasynyń sheteldik uıymdarynda taǵylymdamadan ótken (1 ball) qyzmetkerler bolǵan jaǵdaıda qosymsha ball beriledi;
4) zańdy tulǵa fılıalynyń jáne/nemese ókildiginiń bolýy (1 ball);
mynadaı:
Qazaqstan Respýblıkasynyń qalalarynda (árbir fılıal jáne/nemese ókildik úshin 1 ball);
shet memleketterdiń aýmaǵynda fılıaldar jáne/nemese ókildikter bolǵan (árbir fılıal jáne/nemese ókildik úshin 1 ball) jaǵdaıda qosymsha ball beriledi.
13. Eń joǵary jıyntyq ball jınaǵan zańdy tulǵa jeńimpaz bolyp tanylady. Eki nemese odan da kóp zańdy tulǵada teń jıyntyq ball bolǵan kezde, komıssııa músheleriniń eń kóp daýsyn jınaǵan zańdy tulǵa jeńimpaz bolyp tanylady. Daýystar teń bolǵan jaǵdaıda, komıssııa tóraǵasynyń daýsy sheshýshi bolyp sanalady.
14. Zańdy tulǵanyń konkýrstyq usynysy mazmunynyń Qaǵıdalardyń 8-tarmaǵynyń sharttaryna saı bolmaýy konkýrsqa qatysýǵa ótinishti qabyldamaýǵa negiz bolyp tabylady. Zańdy tulǵa onyń konkýrsqa qatysýǵa ótinishiniń qabyldanbaǵany týraly jazbasha túrde habardar etiledi.
15. Konkýrsqa qatysýǵa berilgen ótinishterdi qabyldaý aıaqtalǵan kúnnen keıingi birinshi jumys kúni konkýrs ótkiziletin kún bolyp aıqyndalady.
16. Konkýrs ótkizilgen kúnnen keıingi 3 (úsh) jumys kúninen keshiktirilmeı konkýrsty ótkizýdiń qorytyndylary týraly hattama jasalady, oǵan komıssııa tóraǵasy, hatshysy men músheleri qol qoıady.
17. Konkýrsty ótkizýdiń qorytyndylary týraly hattamanyń kóshirmeleri oǵan qol qoıylǵan kúnnen bastap úsh jumys kúninen keshiktirilmeı konkýrsqa qatysýshylarǵa ne olardyń ýákiletti ókilderine jiberiledi.
18. Konkýrsty ótkizý qorytyndylary týraly qol qoıylǵan hattamanyń mátini ýákiletti organnyń ınternet-resýrsynda jarııalanady.
19. Ýákiletti organ:
1) konkýrsqa qatysýǵa ótinishter bolmaǵan nemese Qaǵıdalardyń 14-tarmaǵyna sáıkes komıssııa olardy qabyldamaǵan;
2) konkýrsqa qatysýǵa ekeýden az ótinishter usynylǵanda;
3) konkýrs jeńimpazy Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyrýdan bas tartqan jaǵdaılarda, 10 (on) jumys kúni ishinde Qaǵıdalarda belgilengen tártippen qaıtalama konkýrstyń ótkiziletini týraly habarlaıdy.
20. Komıssııa sheshimine ýákiletti organǵa, sondaı-aq Qazaqstan Respýblıkasynyń qoldanystaǵy zańnamasyna sáıkes sot tártibimen shaǵym jasaýǵa bolady.
Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsty ótkizý qaǵıdalaryna qosymsha
Nysan
Kimge_______________________________
(ýákiletti organnyń ataýy)
kimnen ______________________________
(zańdy tulǵanyń ataýy)
Konkýrsqa qatysýǵa ótinish
«Qazaqstan Respýblıkasyndaǵy týrıstik qyzmet týraly» Qazaqstan Respýblıkasynyń Zańyna sáıkes Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnksııasyn júzege asyratyn zańdy tulǵany aıqyndaýǵa arnalǵan konkýrsqa qatysýǵa ruqsat berýdi suraımyn.
Osy ótinishke mynalardy qosa beremin:
1.__________________________________________________________________________
2.__________________________________________________________________________
3.__________________________________________________________________________
___________________________________________________________________________
___________________________________________________________________________
___________________________________________________________________________.
______________ __________________________________
(qoly, kúni) (laýazymy, T.A.Á. (bar bolsa) M.O.