«Birlik» týrızmdi damytýǵa shaqyrady

Árbir memlekettiń órkenıettiligin onyń mádenı muraǵa degen kózqarasyna qaraı tanyp-baǵamdaýǵa bolady. Qazaqstannyń týrıstik áleýetin damytý jáne syrttan keletin týrızmniń deńgeıin kóterý «Birlik» saıası partııasynyń basty nazaryndaǵy máselelerdiń biri bolyp otyr. Osyǵan oraı partııa músheleri memlekettiń Jibek joly boıyndaǵy tarıhı ortalyqtardy jańǵyrtý baǵdarlamasyna engizilgen Jambyl oblysyna sapar shekti. Olar Aısha bıbi kesenesine táý etip, «Kóne Taraz» arheologııalyq saıaba­ǵyn­daǵy nysandarmen tanysty. Atalǵan sa­ıa­baq EKSPO-2017 halyqaralyq kór­me­siniń baǵ­darlamasyna engizilip, týrıs­ter aǵynyn osy aımaqqa baǵyttaý jospar­lanǵan. Kóne muraǵattardyń sarap­shy­larymen kezdesý barysynda «Bir­lik» partııasynyń Jambyl oblystyq fılıalynyń jetekshisi Asqar Syzdyqov búkil álemde týrızm ekonomıkanyń tabysty kózi ekendigin atap ótti jáne ony elimizde de damyta túsý kerektigine toqtaldy. Bul óz kezeginde shaǵyn jáne orta bıznesti kóterý arqyly elimizdiń jalpy damýyna áser etedi. Tarıhqa kóz júgirtsek, ortaǵasyrlyq Taraz qalasy Qazaqstan tarıhyndaǵy eń iri saıası, mádenı, saýda, ákimshilik ortalyǵy bolǵan. Osynaý áýlıeli ólkede ejelgi dáýirlerden, orta ǵasyrlardan, keıingi tarıhymyzdan jetken uzyn sany 1000-nan asyp jyǵylatyn tarıhı-mádenı muralar bar. Sáýlet óneriniń or­ta­ǵa­syrlyq injý-marjany Aısha bıbi, Qarahan, Dáýitbek keseneleri, kıeli Tek­turmas, Aqyrtas saraı kesheni, Qalı Jú­nistiń «Shyǵys monshasy» sekil­di baǵa jetpes jádigerler Taraz qala­syna erekshe kórik berip, jyldan-jyl­ǵa týrısterdiń qyzyǵýshylyǵyn art­tyryp keledi. Áýlıeata óńirindegi bul ke­shenderdiń birazy IýNESKO-nyń bú­kilálemdik mádenıet tizimine engen. Partııa ókilderi, sonymen qatar, mem­lekettiń týrıstik ınfraqurylymdy damy­tý jónindegi sharalaryn qoldaı­tyn­dyǵyn jetkizdi. Sonyń arqasynda tanymal týrıstik marshrýttar jańar­tylyp, jol boıyndaǵy servıstik qyzmet damyp otyr. Shynynda «Batys Eýropa – Batys Qytaı» avtodálizi qala irgesinen ótedi. Demek, týrısterdiń aǵylyp kelýine qolaıly jaǵdaı bar. Iаǵnı, endigi mindet – túrli dáýirlerdegi Uly Jibek jolynyń bir pushpaǵy Tarazdyń bet-beınesin mádenı qabattardy arshý arqyly jarqyrata kórsetip, onyń bar bolmysyn halyqqa qaýyshtyrý. – Elimizdegi tarıhı oryndardy qorǵap, mádenı nysandardy kóbeıtip, jaǵ­daı jasaý, týrızm máselesiniń damyp, keń qanat jaıýyna áser etý «Bir­lik» partııasynyń saılaýaldy baǵdar­lamasyndaǵy basty maqsattardyń biri, – dedi bul jóninde «Birlik partııa­sy» Jam­byl oblystyq fılıaly tóraǵa­sy­nyń orynbasary Shahızada Ibraıym.  Oralhan DÁÝIT, «Egemen Qazaqstan». Jambyl oblysy.