Bilikti kadr – tıimdi jumys tetigi

«Samuryq-Qazyna» ulttyq ál-aýqat qorynyń shtat quramy jańarýda. Oǵan ótken jyly jarııa etilgen jańa uıymdastyrý qurylymyn jasaqtaý sharalary septigin tıgizýde. Bul týraly Prezıdent janyndaǵy Ortalyq kommýnıkasııalar qyzmetinde holdıngtiń jańa kadrlyq saıasaty týraly ótken baspasóz máslıhatynda aıtyldy. «Uıymdastyrý qurylymyn ońtaılandyrý jumysy júrgi­zilip jatyr. Biz basqarýshy qu­ram­dy 16 adamnan 9 adamǵa deıin qysqarttyq, sondaı-aq, qyz­met­kerler sanyn 15 paıyzǵa deıin qys­qartýdy kózdep otyrmyz», dedi qordyń basqarma múshesi – Adam resýrstaryn basqarý jó­nindegi basqarýshy dırektor Ulan Tájibaev. Onyń aıtýynsha, biliktilik talaptarynyń kú­sheıýine baılanysty sońǵy eki jylda qor shtaty 65 paıyzǵa jańarǵan. Jaqyn arada 22 paıyzǵa deıin jańartý josparlanyp otyr. «Qordyń jańarǵan qyzmet- kerleri halyqaralyq tájirıbe men standarttardy ıgergen jo­ǵary bilikti mamandar bolýy tıis. Sonymen qosa, eldiń aldynda turǵan, halyqaralyq aýqymdaǵy kúrdeli mindetterdi oryndaýǵa biligi men qulshynysy bolýy shart», dedi U.Tájibaev. Qordaǵy basshylyq qyzmetke úmitkerlerdi irikteý úsh baǵyt boıynsha júrgizilip jatyr. Iаǵnı, kom­panııalar tobynyń óz ishinen, Qazaqstan naryǵynan jáne shetelden talantty, bilikti qyzmetkerlerdi izdep tabý. Shetel­dik mamandardy jumysqa tartý­daǵy maqsat olardyń qazaq­­stan­­dyq áriptesterimen tájirı­besin, bi­limin bólisý bolyp tabylady. Búgingi tańda «Samuryq- Qazyna» ulttyq ál-aýqat qo­ryn­da tórt sheteldik maman qyz­met atqarady eken. Onyń ekeýi TOP deńgeıinde, ekeýi ke­ńes­­shi qyzmetinde. Bul týraly kom­pa­nııa­nyń basqarýshy dırektory Darhan Qaletaev atap ótti. «Biz sheteldik mamandardy jumysqa alǵan kezde aldymen olardyń deń­geıine mán beremiz. Negizinen, ondaı maman Qazaqstanda joq bolsa ǵana sheteldikterdiń qyzmetine júginemiz. Olarǵa qoıylatyn talap – jergilikti mamandardy úı­retý, ósirý. О́zderi ketken soń, or­ny­na adam qaldyrý. Halyqaralyq deń­geıdegi tájirıbeni «Samuryq-Qazynaǵa» engizý», dedi D.Qale­taev. Sondaı-aq, onyń aıtýynsha, sheteldikterge óz jumysy boıyn­sha naqty talaptar qoıylady. Otan­dyq mamandardy jumysqa tar­tý kezinde qor sheteldik oqý oryn­dary túlekterin biriktiretin «Bola­shaq» assosıasııasymen jáne «QazAlıans» uıymymen tikeleı baılanys ornatyp otyr. Al basqarma tóraǵasynyń keńesshisi Denıel Krıýsberg óz kezeginde Qorǵa qyzmetkerlerdi alý kezinde ashyqtyq pen ádil­dikti basshylyqqa alatyndaryn jetkizdi. «Biz resmı saıtymyzda bos oryndardyń bar­ly­ǵyn da ashyq jarııa etip otyrmyz jáne kez kelgen úmitkerdiń osy vakansııalarǵa ótinish berýi­­ne bolady. Saıtta ár konkýrs­tyń nátıjesi turaqty jarııa­lanyp otyr. Sondyqtan, jurt­shy­­lyq ádildik qaǵıdasynyń saq­­talǵanyna, bos oryndarǵa kon­kýrs­tyq irikteýdiń 8 satysynan ótken kandıdattardyń jumysqa tur­ǵanyna kóz jetkize alady», dedi D.Krıýsberg. Qor tobyndaǵy jumysqa ornalasý úderisiniń ashyqtyǵynyń arqasynda bos oryndarǵa qatysý kórsetkishi de barynsha jaqsarǵan. Mysaly, 2015 jyly jarııa etilgen 19 bos orynǵa 982 úmitker tirkelse, solardyń ishinde 211 úmitker testileýge qa­tys­ty. 104 úmitker kásibı bili­gin anyqtaý testinen súrinbeı ótse, 65 adam tilderdi meńgerý tes­tinen, 62 adam qabilettilik testi­nen jaqsy nátıje kórsetken. 42 úmit­ker alqalyq talqylaýǵa jiberilip, 19 adam qorǵa jumysqa alynǵan. Dınara BITIKOVA, «Egemen Qazaqstan».