Naýqanǵa baılanysty jıyn ótti

Keshe elordadaǵy Kongress-Holl saraıynda Astana qalasy aýmaqtyq saılaý komıssııasy aldaǵy Parlament Májilisi jáne jergilikti máslıhattar depýtattary saılaýyna baılanysty semınar ótkizdi. «Qazaqstan Respýblıkasy Par­lamenti Májilisi depýtat­ta­ry­nyń kezekten tys jáne barlyq deńgeıdegi máslıhattar depý­tat­ta­ry­nyń kezekti saılaýy ma­ńyz­dy saıası oqıǵa sanalady. Bul rette saılaýdy uıym­das­tyrý­shy­larǵa, onyń ishinde saılaý úderisine qatysýshylarǵa zor jaýapkershilik júkteledi», – dedi jıyn­ǵa qa­tysqan Ortalyq saılaý komıs­sııasy tóraǵasynyń orynbasary Vladımır Foos. Sondaı-aq, ol saılaý komıs­sııa­larynyń jergilikti atqarýshy organ­darmen, úkimettik emes uıym­­darmen, azamattyq qoǵam ıns- tıtýttarymen, baıqaýshylar­men jáne BAQ ókilderimen ózara is-qımyl­dyń tıimdiligin arttyrý máse­lesin de atap ótti. Onyń atap ótýin­she, birlese, jumyla atqarǵan jumys­tar saılaý zańnamasy normalaryn saqtaýdyń buljymas sharty bolyp tabylady. Sodan keıin sóz alǵan Ortalyq saılaý komıssııasynyń múshesi Marat Sársembaev búgingi kúni EQYU/DIAQB jáne TMD mıs­sııalarynan, sonymen birge, Islam yntymaqtastyǵy uıymy men shet memleketterden 155 baı­qaý­shy, al elimizdiń Syrtqy ister mınıstrligi tarapynan 25 memleketten sheteldik buqaralyq aqparat quraldarynyń 105 ókili akkredıttelgeninen habardar etti. Semınarda saılaý naýqanyn materıaldyq-tehnıkalyq jáne quqyqtyq qamtamasyz etý máse­leleri de talqylandy. Álısultan QULANBAI, «Egemen Qazaqstan».