Jańa úlgidegi balabaqsha

Zaman aǵymyna saı jańasha áreket etip, jaqsylyqqa umtylý ýaqyt talaby. Bul rette Almaty oblysy, Eńbekshiqazaq aýdanynda san salany qamtı atqarylyp jatqan jumysty úlgi tutýǵa bolady. Sebebi, sol ıgiliktiń paı­­dasyn halyq kórip otyr. Aı­talyq, Esik qalasyndaǵy «Aıala» sanatorııalyq úlgidegi balabaqshasy búldirshinderdiń bir úıine aınala bildi. Mundaıda qazaq «Qýansa bala qýansyn» dep beker aıtpaǵan. Negizi bul balabaqsha ornalasqan ǵımarat 1964 jyly salynyp «Balalar úıi» bolyp ashylǵan. 2015 jyldyń 1 qańtarynda «Balalar úıi» jabylyp, 13 sáýirden bastap jergilikti bıýdjetten 146 000 000 teńge qarajat b­ó­linip, Eńbekshiqazaq aýdany ákiminiń №407 qaýlysymen «Eńbekshiqazaq aýdany ákiminiń apparaty» «Esik qalasyndaǵy «Aıala» sanatorııalyq úlgidegi balabaqshasy memlekettik kom­mýnaldyq qazynalyq kásiporny bolyp qaıta quryldy. Jalpy aýmaǵy 210 sharshy metr. Byl­tyrǵy jyly 13 000 000 teńge bólinse, al 2016 jyly 62 148 000 teńge qarajat bólindi. 75 balaǵa arnalǵan balabaqshada qural-jabdyqtarmen jabdyqtalǵan 25 kabınet bar. Qazirgi tańda 2 top jumys isteýde. Onda 18 tárbıeshi, 9 bala kútýshi, 21 basqa qyzmetker eńbek etedi. «Elbasy tapsyrmasyna sáı­kes, memleket-jekemenshik árip­testigin damytýda aýyz toltyra aıtatyn jetistikke jettik. Bi­rinshi kezekte aýdanymyzdaǵy balabaqsha problemasymen oblys ákimin der kezinde habardar etýmen shektelmeı, ony sheshý joldaryn da durys jetkize bildik. Bul máselege óńir basshysy erekshe nazar aýdaryp, sózbuıdaǵa salmaı, túrli kedergilerdi dereý joıý jóninde tapsyrma berdi. Sol kúnnen zań sheńberinde áreket etip 11 jekemenshik ba­la­baqsha ashýǵa yqpal ettik. Iаǵnı, balabaqsha salý úshin jer telimin bólý, buryn salynǵan úıdiń maqsatyn ózgertip ba­labaqshaǵa aýystyrý sekildi túrli qujattaryn rettestirýde jáne taǵy basqa qajettilikterin sheshýge jol ashtyq. Aýyldyq okrýgter ákimderi men aýdandyq mekemeler basshylarynyń bar­lyǵyna eger balabaqsha salý, ashý máselesi boıynsha kimde-kim aldaryńa kelse tikeleı telefonymdy berip, baılanystyryńdar dep tapsyrma berip, sol jumysty basynan aıaǵyna deıin baqylap ta otyrdym. Nátıjesinde balabaq­shamen qamtý 56 paıyzdan 77,3 paıyzǵa jetip, 21 paıyzǵa óstik. Bizdiń aýdanda 3-6 jas ara­ly­ǵynda 14 myńnan astam bala, 43 myń mektep oqýshysy bar. Bul ki­shigirim bir aýdannyń halqymen teń ǵoı. Osy tusta aıta keter taǵy bir málimet, sońǵy tórt jyl­da jergilikti bıýdjetke tú­setin salyq mólsheri 2,3 mlrd. teń­geden 3 mlrd. 797 mln. teńgege ósip, oıǵa alǵan jumysymyzdy esh toq­taýsyz atqarýymyzǵa qold­aý bolyp otyr», dedi Eńbek­shiq­azaq aýdanynyń ákimi Bınáli Ys­qaq. Nurbol ÁLDIBAEV, «Egemen Qazaqstan». Almaty oblysy, Eńbekshiqazaq aýdany.